رئيس التحرير: عادل صبري 07:42 صباحاً | الأربعاء 22 أغسطس 2018 م | 10 ذو الحجة 1439 هـ | الـقـاهـره 37° صافية صافية

استمع.. المقطع الذي تسبب بوقف عايدة سعودي من "راديو هيتس"

استمع.. المقطع الذي تسبب بوقف عايدة سعودي من راديو هيتس

توك شو

مبارك بعد الحكم

بعد تعليقها على براءة مبارك

استمع.. المقطع الذي تسبب بوقف عايدة سعودي من "راديو هيتس"

هادير أشرف 02 ديسمبر 2014 08:36

"من حقي كمواطن وكمذيعة في إعلام الدولة إني أحس بالوجع و الألم من حكم زي دا، من حقي احس بالحزن والوجع للشباب اللي راح من فداء أفكار حلوة، عيش وحرية وعدالة اجتماعية وكرامة إنسانية، من حقي أحس بالقهر من الناس اللي بتحتفل بالبراءة، ومن حقي أحس إن أنا مضايقة أنهم فرحانين في موت أصحابنا وأخواتنا وبراءة أشخاص كلنا شوفنا اللي حصل في عهدهم"، هكذا علقت الإعلامية عايدة سعودي في برنامجها على راديو هيتس على براءة الرئيس المخلوع حسني مبارك، مما تسبب في إيقافها عن العمل بالقناة.

وأضافت سعودي: “عالفكرة دا مش تاريخ أحنا بنقراه في كتب التاريخ دي أيام احنا عشناها وبنعيش تبعتها لحد دلوقتي من مرض وفقر وجهل، قتل المتظاهرين كان هنا وشوفنا بعنينا وشوفناه في التلفزيونات وفي كل مكان، دهس المواطنين وخرطوش في أصحابنا مش ناس سمعنا عنهم".

وتابعت: “حق الناس تفرح بالبراءة، لكن من حقي أحزن أنا كمان على الناس اللي راحت قدام عنينا بدون محاسبة الجاني، تزييف الوعي حاجة وتزييف أحداث عشناها وشوفناها بعنينا دي حاجة أنا مش فاهماها".

واختتمت الإعلامية كلامها قائلة: ”حق الناس تنزل وتعبر عن فرحتها بالبراءة، وحق ناس تانية وتعرب عن وجعها من هذا الحكم، بس مينفعش لما ناس تنزل وتعبر عن غضبها وتتظاهر ضد براءة نفس القتلة يقتلوهم تاني ويحصل إصابات تاني، حق الدولة أنها تفض تظاهرات غير قانونية في نظام جيه أصلاً بالتظاهر، بس لو التظاهر ممنوع يبقى كمان يتفض مظاهرات الراقص زي الرافض والباكي".

شاهد الفيديو:


اقرأ أيضا:

  • تعليقات فيسبوك
  • اعلان