رئيس التحرير: عادل صبري 09:21 مساءً | الخميس 15 نوفمبر 2018 م | 06 ربيع الأول 1440 هـ | الـقـاهـره 26° صافية صافية

فيديو| السيسي لـ العمال : عليكم باختيار الكفاءات في الانتخابات.. ويوجه 3 نصائح

فيديو| السيسي لـ العمال : عليكم باختيار الكفاءات في الانتخابات.. ويوجه 3 نصائح

توك شو

الرئيس عبد الفتاح السيسي

فيديو| السيسي لـ العمال : عليكم باختيار الكفاءات في الانتخابات.. ويوجه 3 نصائح

 محمد يوسف 29 أبريل 2018 13:54

أكد الرئيس عبد الفتاح السيسي، أن وعي الشعب هو السبيل الوحيد لحماية البلد من أي تهديد أو تآمر.

وطالب الرئيس السيسي، العمال، خلال احتفالية عيد العمال اليوم الأحد، بألا يستهينوا بالانتخابات العمالية التي من المقرر أن تعقد خلال شهر مايو المقبل، مؤكدًا أهمية الاختيار على أساس الكفاءة والعمل والاجتهاد.



نصائح السيسي لعمال مصر

ووجه السيسي، 3 نصائح لعمال مصر، في احتفالية عيد العمال.

وقال: "انتوا في انتخابات عندكو، من فضلكم اهتموا بالأمور اللي زي دي واهتموا أنكم تولوا عليكم من يصلح، ولو عاوزين نطلع لقدام في كل مكان، اختارو كويس، اختاروا اللي عنده منطق سليم وإنصاف وأمانة، متفكرش أبدا في إن ده ممكن يجبلك أكتر، دوَّر على اللي عنده موضوعية وإنصاف وأمانة لأنه لما هينصفك هينصف مصر برضه".

وأضاف الرئيس: "في الانتخابات نقوا كويس ومتفكروش أن ده أمر بسيط ده صوتكوا اللي انتوا بتدوه، وده صوتكوا اللي هيتكمل باسمكم وهيكون عليهم مسئوليات، اختاروا كويس، حتى في انتخابات المحليات اللي هتتعمل اختاروا كويس قوي".


وتابع، أنه على مدى 4 سنوات طبقت الدولة منظومة تكافل وكرامة فضلا عن طرح شهادات أمان.

وتابع السيسي: "عملنا إجراءات اقتصادية صعبة جدا، ما كانتش ممكن أبدا ما تتعملش، وإلا التحديات كانت هتبقى أصعب، بسجل ليكم كلكم خالص التحية والتقدير".


وأضاف رئيس الجمهورية: "معظم اللي اتحملوا النتائج هما الناس البسيطة، وعمال مصر وعاملاتهم من الناس دي، وثمرة التحمل حاجتين، البرنامج نجح، وتحسنت وصورة مصر أمام العالم، وظهر أن شعب مصر واعي وفاهم، ومستعد يقدم ويضحي علشان بلده تطلع قدام".



وتابع رئيس الجمهورية: "المصاعب التي واجهها الشعب تنوء من حملها الجبال"، مضيفا "كل التحية والتقدير والامتنان لشعب مصر".


وأضاف السيسي، أقول لكل المصريين: "اللي هيحافظ على البلد إنتم، واللي هيمحيها شعبها الحكاية كده، في جيش وشرطة ولكن وعي الشعب لازم، أٌقول لكل رجل وست شاب وشابة، إن هم يخلوا بالهم من بلدهم ويحافظوا عليها، وهو ده السبيل الواحد لحماية البلد من المخاطر".



وقال السيسي: "جحم التقدم لشهادات أمان متواضع جدا، وأما سألت في الموضوع قالوا إن في شركات كبيرة بتأمن على عامليها وبالتالي هما ما اتقدموش، وبالتالي أنا ما أٌقدرش أتكلم في النقطة دي غير إني عاوز اطمن أن الشركات الكبيرة من القطاع الخاص أو العام مأمنة على عمالها، وطبعا الدولة هي اللي هتأكد ده بالتنسيق مع هذه الشركات، وبقية العمالة الموسمية، أرجو من حضراتكم والكلام ليا وللدولة والقطاع الخاص ولكل من يهمه الأمر إننا نتقدم بمعدلات أكبر من التي تحققت حتى الآن".

وأكد الرئيس على أهمية العمل، قائلا: "عمال مصر سوف يتعبون معي جدا"، لافتًا إلى أن عمال مصر هم من حفروا قناة السويس الجديدة في عام واحد وشقوا الطرق والمزارع والمشروعات.




كما كرم الرئيس السيسي خلال احتفال عيد العمال اليوم 10 من قدامى النقابيين ممن أثروا العمل النقابي بفكرهم وعملهم لخدمة العمال، ومنحهم وسام العمل من الطبقة الأولى، فضلا عن اثنين من العاملين المحالين على المعاش بوزارة القوى العاملة، على إسهامهما في مسيرة العمل والعطاء والتلاحم مع العمال وأصحاب الأعمال في خلق بيئة لاستقرار علاقات العمل طوال شغلهما لوظيفتهما.

  • تعليقات فيسبوك
  • اعلان