رئيس التحرير: عادل صبري 01:20 مساءً | الأربعاء 19 ديسمبر 2018 م | 10 ربيع الثاني 1440 هـ | الـقـاهـره 21° غائم جزئياً غائم جزئياً

فيديو| السيسي منفعلاً: أنا مش هدي الناس فلوس.. وزيادة الأسعار سببها العرض والطلب

فيديو| السيسي منفعلاً: أنا مش هدي الناس فلوس.. وزيادة الأسعار سببها العرض والطلب

توك شو

السيسي

فيديو| السيسي منفعلاً: أنا مش هدي الناس فلوس.. وزيادة الأسعار سببها العرض والطلب

مصر العربية 18 يناير 2018 21:10

 

ركز حديث عبد الفتاح السيسي رئيس الجمهورية اليوم على عدد من المحاور التي تهم المواطنين حيث انفعل أكثر من مرة عندما تم سؤاله في عدد من القضايا التي تهم الشعب مثل بدل بطالة ورفع الأسعار وغيرها.

 

وعند حديثه حول عوائد المشروعات وشعور المواطن بها قال «السيسي»: «أريد اختزال مدد تنفيذ الشروعات إلى مدد صغيرة، علشان المواطن اللى يسألنى امتى اشوف احنا هناخد الفلوس نوزعها على الناس ولا ايه».

 

وكرر مقولته بانفعال: «اللي بيقولي أمتى أشوف تشوف إيه هو أحنا هنوزع الفلوس على الناس أحنا بنبني دولة بجد،ولازم الناس يكونوا على مستوى الوعي ده».

 

وأضاف السيسي:"واللي بيسألني أمتى أشوف طب فين الجزء الخاص بالمواطن  أنهم يخفضوا نسبة النمو السكاني والمواليد والنسبة الحالية عبئ علينا".

 

 

وأضاف:"ولا يليق بينا وأحنا قاعدين نقول إن شاء الله نديكم وأنا بشكل أو بأخر وصلتلك أموال تصرف بيها على بيتك وكان ممكن يبقى في شكل تاني أننا نديكم إعانة بطالة  أنا مش جاي هنا علشان أقول هاديك إيه.. ده لا يليق بينا.. إحنا بنقيم دولة، وده مش بناء وعي حقيقي للمصريين، إنه يقول ها هتديني امتى".

وأضاف السيسي:"أما عن الاسعار الموجودة في الدولة المصرية كان زيادتها سببه العرض والطلب وكان المواطن بيتعرض للغلاء ويجي واحد بيقول ما تحلوا المسألة بالرقابة على الأسواق هو أنا اللي بعمل الرقابة ولا المواطنين ".

 

ولما أقول أني أضخ في السوق المصري أنا مش هقول أنا بديك إيه في إيدك ولكن هقولك أنا بعمل إيه لدولة وأكبر دولة عندها صوب في العالم عندها صوب أنا في 3 سنين 100 ألف صوبة".

3:06

 

وألقى عبد الفتاح السيسي رئيس الجمهورية كلمة البداية في حفل افتتاح مؤتمر “حكاية وطن” أكد فيها ان ما تشهده مصر من إنجازات هو ثمرة لمجهود ضخم شاركت فيه الدولة بأكملها قائلا:"هي صورة حلم صاغه هذا الشعب العظيم بعزيمة وتحدي منذ أن قرر أن يثور على من حاول سلب آماله وتطلعاته واختطاف وطنه وسرقة هويته فكانت حكاية وطن".

 

وبدأ مساء أمس مؤتمر حكاية وطن والذي يستمر لمدة 3 أيام فى القاهرة، حيث ويرصد إنجازات السيسي والحكومة طوال 4 سنوات ماضية.

 

ويجيب السيسي عبر مبادرة "اسأل الرئيس" خلال المؤتمر على أسئلة واستفسارات المصريين الواردة عبر وسائل التواصل الاجتماعي.

  • تعليقات فيسبوك
  • اعلان