رئيس التحرير: عادل صبري 01:12 صباحاً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

شاهد... ماذا قال مبارك عن حكم براءته؟

شاهد...  ماذا قال مبارك عن حكم براءته؟

توك شو

مبارك

شاهد... ماذا قال مبارك عن حكم براءته؟

محمود رجب 05 مارس 2017 20:40

أجرت  الصحفية دينا الحسيني بجريدة صوت الأمة مكالمة هاتفية مع الرئيس المخلوع حسني مبارك  لمعرفة تعليقه  على الحكم الصادر من محكمة النقض ببراءته

 

 

ورفض المخلوع الإدلاء بأي تصريحات له حول حكم  البراءة، مؤكدا أنه لا يعلم من الذي قتل المتظاهرين خلال ثورة يناير.

 

 

 وفيما يلي نص المحادثة الهاتفية :-

 عاوزة أقول للناس أنت هتروح أمته من المستشفى؟

 

 

مش عارف هروح أمته

 

 

- طيب حضرتك كدة أكيد مش رايح شرم الشيح؟

 

 

متتعبيش نفسك معايا

 

 

- هو لسة فاضل قضايا الكسب غير المشروع؟

 

 

خليهم مع الكسب غير المشروع خليهم ييجوا ياخدوا اللي حيلتي.

 

 

- الله يكون في عونه

 

 

آاااااه والله الله يكون في عونه ادعيله

 

 

- طيب نطمن الناس على صحتك

 

 

ومين اللي قال إني عندي حاجة أنا كويس

 

 

- طيب بعد البراءة مين اللي قتل المتظاهرين

 

 

مش عارف روحوا اسألوهم إنتي بتسأليني أنا أنا معرفش حقيقي مين اللي قتل المتظاهرين

 

 

- أنت مش زعلان أن محطة مترو مبارك اتغيرت باسم محطة مترو الشهداء

 

 

ياستي متجرينيش أنا أنصح منك يكتبوا الشهداء يكتبوا أي حاجة أنا ميهمنيش

 

 

- تم الاستعانة بأحد الوزراء في عهدك الدكتور علي مصيلحي.. فما تعليقك؟

 

 

انتي ناصحة قوي.. مين علي مصيلحي دا أنا معرفوش

 

 

- دا وزير التموين يافندم

 

 

هو فيه تموين؟.. هو فيه وزارة تموين دلوقتي؟

 

 

- آه في وزارة تموين يافندم

 

 

أنا معرفش والله أنا مبتابعش جرائد

 

 

- أيه دا حضرتك مش بتابع جرائد ولا وسائل إعلام خالص؟

 

أنا مبقراش جرائد خالص .. أنا بقرأ مجلات فرنساوي وروسي وإنجليزي

 

 

- بس أنا عارفة أنه حضرتك متابع جيد للصحافة والإعلام يوميا

 

 

ولا متابع ولا حاجة أنا مريح مخي منكم

 

 

- آه إحنا مزعجين

 

 

فعلا أنتوا مزعجين

 

شاهد الفيديو...

 

 

 

  • تعليقات فيسبوك
  • اعلان