رئيس التحرير: عادل صبري 07:13 صباحاً | الثلاثاء 19 يونيو 2018 م | 05 شوال 1439 هـ | الـقـاهـره 43° صافية صافية

توقف القطارات عند الميكروباص فوائد

توقف القطارات عند الميكروباص فوائد

تقارير

قطارات - أرشيف

مع سقوط المواطنين تحت رحمة مافيا السائقين..

توقف القطارات عند الميكروباص فوائد

أحمد أبوالمحاسن 12 سبتمبر 2013 16:36

تسبب توقف حركة قطارات السكة الحديد بالوجهين القبلي والبحري في معاناة إنسانية ملحوظة يشهدها الجميع، وعانى منها شريحة واسعة من المصريين تعتبر الأكثر فقرا، والتي سقطت فريسة للسائقين الذين استغلوا توقف القطارت بمضاعفة الأجرة.


ويتوافد يوميا علي ميدان رمسيس الملايين القادمين عن طريق القطارات التي كانت المعبر الآمن والأرخص لهم، لكن بتوقف القطارات توقف شريان الحياة لدي هؤلاء، وأصبحوا فريسة لمافيا النقل الذين استغلوا الأوضاع برفع أجرة التعريفة.


ورصدت "مصر العربية" مأساة المواطنين وتضررهم من توقف القطارات، حيث قال "أحمد إبراهيم" أحد المتضررين: "أنا راجل موظف في القاهرة أعيش مع أسرتي في الغربية وبسافر كل يوم، وكنت بركب القطار الساعة 7 صباحا وبصل عملي في منتهى النشاط".


واضاف بنبرة حزينة: "عندما توقفت السكة الحديد أجبرت على السفر عن طريق سيارات النقل التي أصبح سائقوها يتحكمون في الأجرة".


وتابع: هذا بجانب أن السائق بيكون في أغلب الأحيان ليس في وعيه بسبب تعاطيه المخدرات، ويتم ذلك في غياب تام للشرطة، ولا ندري إلى أين البلد ذاهبة، إحنا عملنا ثورة عشان الاستقرار فين الاستقرار إحنا مشفناش حاجة حتى الآن؟


والتقط خالد مدحت طرف الحديث قائلا: لو الحل إن مرسي يرجع معندناش مانع بس ترجعولنا السكة الحديد، المسؤولين في البلد مش حاسين باللي بيحصل فيها عشان هما عايشين في التكييفات والعربيات الخاصة مشفوش الموظف البسيط اللي بيخرج من بيته بعد صلاة الفجر عشان يوصل شغله في ميعاده ويتحكم فية سواق.


يكمل قائلاً: "حسبي الله ونعم الوكيل في اللي بيحصل فينا واللي مسؤول عنه، احنا انكتب علينا نعيش مهمشين في بلدنا طيب الواحد يروح فين عشان يحس انه بني آدم وفين هيا حقوقنا؟.


"رزق لولادنا"

توقف القطارات دة رزقنا ورزق ولادنا هذا ما بدأ به فؤاد علي أحد سائقي الميكروباصات، وقال عن سبب زيادة تعريفة الأجرة: "يارب السكة الحديد تفضل متعطلة"!!

وأضاف: "إحنا عملنا وقفات كتيرة قبل كدة وطالبنا الحكومات اللي فاتت إنها تهتم بينا وتخفض الضرايب وتسهل لنا الرخص لكن مفيش حد استجاب الحياة صعبة والعيشة شاقة، إحنا رفعنا تعريفة الأجرة لأننا عشنا مهمشين منسيين مفيش حد بيبصلنا وبنتعامل علي إننا محششين وتجار سلاح".


وتابع: "إحنا زينا زي أي حد بسيط بيعيش حياته بيتأثر بأحداث البلد، لكن احنا شايفين انها فرصة لينا ورزق لولادنا وعيالنا".


ويضيف حلمي إسماعيل سائق: "المشكلة مش في زيادة الأجرة السكة حديد هتشتغل تاني، المشكلة في النظام والحكومة، الحكومة قبل ما توقف القطارات كانت المفروض وفرت البدائل كانت المفروض خصصت اتوبيسات لنقل المواطنين من مختلف المحافظات، لكن توقف السكة الحديد لأكثر من ثلاثة أسابيع ده خسارة للبلد وكمان خسارة للمواطن لأن السكة الحديد دي ملك للناس كلها والفلوس اللي بتحصلها بتدخل في مشاريع للبلد".


مأساة الطلاب

ومع قرب دخول المدارس تتزايد المعاناة، وظهرت بوادرها خلال قيام بعض طلاب الجامعات الوافدين علي القاهرة لاستكمال أوراقهم، حيث أعربوا عن خيبة أملهم من توقف السكة الحديد.


وقال محمد جمال طالب كلية طب جامعة الأزهر،: "نناشد المسؤولين سرعة إعادة حركة القطارات قبل بدء العام الدراسي، حتي يسهل انتقالنا لتحصيل العلم، وانا اثق في ذلك".


وأضاف: "إذا لم تعلن الحكومة عن عودة حركة القطارات، سنعتصم داخل الجامعات ونضرب عن الدراسة لحين عودة القطارات، لن نتنازل عن حقوقنا في بلادنا مهما كلفنا ذلك".


ويعبر خالد سلامة طالب اعلام بجامعة القاهرة توقف السكة الحديد يجعلنا تحت رحمة سائقين، لا يهمهم سوي تحصيل الأجرة مهما كان السبب.


فنحن نعاني من تعامل السائقين معنا وكلامهم الجارح لنا، يسيطرون علي مواقف السيارات ويفرضون الأجرة التي تناسبهم ولا توجد رقابة عليهم.

 

مسعد غريب أحد مصابي التوقف أنا تاجر باستخدم القطار في التنقل بين المحافظات عشان اجيب رزقي ورزق ولادي لما السكة الحديد تقف يبقا ناكل منين ونبيع منتجاتنا منين؟


المرضى أكثر المتضررين

دمعت عيني عمي مسعد الرجل المسن الذي ينام علي رصيف بميدان رمسيس وقال أنا كنت بخلص بيع اللي معايا واركب القطار وارجع بيتي افرح ولادي بالفلوس لكن انا هنا نايم علي الرصيف بقالي 15 يومًا انا رجل مسن العربيات بتأثر عليا مش بعرف اسافر عن طريقها، مرجعتش بيتي من 15 يومًا علي أمل عودة السكة الحديد.


يكمل بسيوني عبد الحميد ما بدأه مسعد غريب، قائلا: "أنا تاجر ملابس اعتمد اعتماد كلي علي حركة القطارات لأنها الأسهل والأكثر أمانآ، منتجاتنا وسلعنا زي ما هيا مفيش حركة في البيع والشراء لأن الحظر كمان بيمنع نزول المواطنين من بيوتهم واحنا القطارات مانعانا من الحركة طيب أية العمل ؟


المرضي وأصحاب الإحتياجات الخاصة،لم يسلموا أيضآ من توقف حركة القطارات، ويقول إبراهيم محمد مواطن من البحيرة: "أنا عندي عملية جراحية في مستشفي الدمرداش كان متحدد لي معاد لها بعد عيد الفطر ولما روحت بعد العيد كان الرد إن الظروف في البلد مش مستقرة واتحدد لي معاد تاني للعملية لكن توقف القطارات أثر عليا وخلاني أجلت عمليتي لحين عودة حركة القطارات.


وأناشد رئيس الجمهورية وكل المسؤولين بإعادة النظر في عودة حركة القطارات مرة أخري.

  • تعليقات فيسبوك
  • اعلان