رئيس التحرير: عادل صبري 08:49 صباحاً | الخميس 15 نوفمبر 2018 م | 06 ربيع الأول 1440 هـ | الـقـاهـره 26° صافية صافية

بالصور| الأمطار توقع عزب الإسماعيلية في الوحل

بالصور| الأمطار توقع عزب الإسماعيلية في الوحل

تقارير

طرقات العزب الفقيرة بعد الامطار بالاسماعيلية

بالصور| الأمطار توقع عزب الإسماعيلية في الوحل

ولاء وحيد 31 أكتوبر 2015 14:41

"وَحْل ومياه راكدة ومنازل على وشْك الانهيار" هكذا صار حال قرى وعزب محافظة الإسماعيلية بعد أن قصفتها زخات الأمطار الغزيرة التي أدت إلى تجمع برك من الوحل والمياه الراكدة، لاسيما تساقط الأسقف المصنوعة من القش والخشب، وظهور ثقوب في جدران البيوت الطينية.


ففي عزبة الصفيح، اضطر الأهالي إلى تحمل أعباء وتكاليف ترميم منازلهم، فضلا عن حفر "خلجان" صغيرة بعيدًا عن جدران المنازل في محاولة لتجميع مياه الأمطار الراكدة في منطقة واحدة، ومن ثم ردمها، وخلق ممرات يابسة للمارة.
 

تقول سلمى عطية 37 سنة، من أهالي العزبة، "بيوت العزبة كلها كانت بتنشع مياه، على دماغنا، البيوت هنا كلها أسقفها من الخوص والقش والمطر كان شديد، وكان المياه عمالة تنزل على دماغنا، وقضينا يوم ما يعلم به إلا ربنا كنا حاطين الاطباق والحلل عشان المياه اللي بهدلتنا " .


وأوضحت سعدية عزب 42 سنة، "المياه كانت بتنزل خراطيم على دماغنا في البيت، كل حتة، وسقف الأوضة والمطبخ والحمام واضطرينا نقطع الكهرباء عشان ميحصلش ماس كهربائي وفضلنا مقضين يومنا في الضلمة لحد تاني يوم لما طلع علينا النهار وجبنا طين ورمل وسدينا الشقوق".


واستكملت أم طلال "عاملة زراعية"، "سقف بيتنا كان شبه المَنخُل، كانت المياه بتنقط من كل حتة وسقف البيت حتة منه وقعت"، متابعة، "إحنا غلابة لو كان معانا كنا عملنا سقف البيت لكن اللي جاي يدوب على اد مصاريف المدارس بتاعة العيال ".


وأضاف سيد عودة: "أنا هتكلم اقول ايه، محدش حاسس بينا، محافظ الإسماعيلية عنده علم أن في بيوت وقعت، وأسقف اتهدمت وناس قضت ليلها عند الجيران وفي الشارع، البلد هنا غرقت والمياه دخلت البيوت، ومحدش جه بص علينا حتى رئيس القرية والوحدة المحلية محدش سأل وشاف ايه اللي حصل ".


وعلقت أم حمادة 52 سنة من أهالي العزبة، "البلد بقت روبه ..الطين والوحل في كل حته لا عارفين نروح ولا نجي في البلد .وجوزي اتزحلق  في الطين الصبح ودراعه اتكسر واتعور في رجله ."


اقرأ أيضًا:

  • تعليقات فيسبوك
  • اعلان