رئيس التحرير: عادل صبري 02:39 صباحاً | الخميس 18 أكتوبر 2018 م | 07 صفر 1440 هـ | الـقـاهـره 28° صافية صافية

بالفيديو| "عم سيد".. يرسم الفرحة على أوجه الأطفال بـ "5 جنيه"

بالفيديو| "عم سيد".. يرسم الفرحة على أوجه الأطفال بـ "5 جنيه"

نهال عبد الرءوف 27 سبتمبر 2015 18:35

"يمسك فرشته وألوانه.. يزين أوجه الأطفال بالرسومات والألوان الجميلة.. يرسم سبايدر مان وسلاحف النينجا والفراشات وكل الشخصيات المحببة للأطفال، مقابل خمسة جنيهات فيدخل عليهم الفرحة والسعادة بالعيد، ويعيل أسرته وأطفاله".

 

هكذا حال "عم سيد غنَّام"، ابن محافظة الإسماعيلية، الذي ترك الفن لضيق الحال ولجأ للرسم؛ علَّه يجد فيه قوت يومه ورزق أيامه.

 

"أنا رسَّام وشاعر لكن في الوقت الحالي الفن معدش بيأكل عيش"، هكذا بدأ "عم سيد"، الذي يلوِّن أوجه الأطفال بحدائق الإسماعيلية في العيد حديثه لـ"مصر العربية"، قائلاً: "أعمل في أي حاجة علشان أصرف على زوجتي وأطفالي الأربعة، أحيانًا أبيع أعلام في المناسبات الوطنية، وفي العيد أرسم وألوِّن أوجه الأطفال، بشتغل في أي حاجة عشان أصرف على ولادي وأي شغل يجيب الجنيه بشتغل فيه".

 

وأضاف: "الرزق في العيد قليل ومفيش إقبال، ده مش عيد، الدنيا نايمة، ومفيش شغل والناس ظروفها صعبة ودخلة المدارس، الناس مش معاها تفرَّح عيالها حتى،  والخمسة جنيه اللي باخدها مقابل تلوين وجه أي طفل مش بتكفي، الخمسة جنيه مش بتأكل عيش لكن أحسن من مفيش، الظروف المادية صعبة وعندي أربع ولاد، لو ظروفي تسمح أفرَّح الأطفال ببلاش هاعملها".

 

وتابع: "باطبع رسومات وأشكال من الإنترنت، بيختار منها الأطفال اللي همَّا عاوزينه، ودايما بيطلبوا رسم شكل سبايدر مان وسلاحف النينجا، وباستخدم ألوان مياه وألوان رسم على الوشوش، ودي مش مضرة بصحة الجلد، الأهم عندي إن مفيش أي ضرر يحصل للطفل".

 

وتابع: "موهبة الرسم والشعر عندي من صغري، وكنت باشتغل في رسم أشخاص، لكن ده مش ساعدني على إعالة أسرتي، حاولت أسافر علشان أرسم للسياح في شرم الشيخ لكن تم احتجازي من قبل الأمن لمدة 13 يوم وبعد كده رحَّلوني للإسماعيلية علشان الرئيس كان في المدينة وكان هناك تشديدات أمنية، بلدنا ما بتأكلش عيش".


 

شاهد الفيديو..

 

اقرأ أيضًا:

  • تعليقات فيسبوك
  • اعلان