رئيس التحرير: عادل صبري 06:09 مساءً | السبت 18 أغسطس 2018 م | 06 ذو الحجة 1439 هـ | الـقـاهـره 37° صافية صافية

بالصور| تقاليع جديدة للأدوات المدرسية.. وآباء يحذرون من مخاطرها

بالصور| تقاليع جديدة للأدوات المدرسية.. وآباء يحذرون من مخاطرها

تقارير

أحد محال بيع الأدوات المدرسية بالإسماعيلية

في أسواق الإسماعيلية

بالصور| تقاليع جديدة للأدوات المدرسية.. وآباء يحذرون من مخاطرها

ولاء وحيد 23 سبتمبر 2015 09:38

"أقلام مزودة بروائح العطور .. وبريات على شكل كرتون .. محايات بروائح اللافندر والياسمين ....مقالم بالقماش واخرى بالبلاستيك .. مساطر بالبوصلة".. كلها أشكال مبتكرة وتقاليع جديدة للأدوات المدرسية بمحال الإسماعيلية لجذب التلاميذ. 


مريم نصر طالبة بالصف الثاني الابتدائي حرصت على شراء أدواتها المدرسية من المحال المتخصصة في بيعها بشارع سعد زغلول وسط المدينة قالت لـ "مصر العربية" : " الأدوات شكلها حلو أوي وانا محتارة مش عارفة أخد إيه ولا  إيه . الأساتيك كلها بروايح جميلة والأقلام كمان على شكل عرايس وباربي وكيتي .انا بقالي كتير واقفة مع ماما واخواتي محتارة اشتري ايه ".

 

أما شقيقها ياسين نصر تلميذ في مرحلة الروضة فقال : " أنا عجبني شكل العربيات واسبونش بوب والقلم اللي بيرقص ده .. وهشتري الزمزمية اللي على شكل أرنب "

 

سارة طالبة بالصف الأول الإعدادي لم تخف إعجابها هي الأخرى بهذه الأدوات بقولها : " أنا معجبة أوي بشكل الزمزميات والحاجات كلها جميلة واشتريت أقلام  جاف ورصاص و ألوان واستيكة  على شكل عروسة "

 

انبهار الأطفال وحرصهم على شراء الأدوات المدرسية ذات التقاليع الحديثه قابله استياء من الأهالي الذين اعتبروها ملهاة لأطفالهم وشغلهم عن التحصيل الدراسي.

 

نهلة عبد اللطيف ولية أمر  قالت : " هذه الأدوات تعتبر  ألعاب أكثر منها أدوات أخشى أن  تجذب انتباه الاطفال وتشغلهم عن الانتباه للمدرسين في الحصة " .

 

من جانبها قالت أسماء محمود أم لثلاثة أطفال في المرحلة الابتدائية: "أنا منبهرة بشكل الأدوات المدرسية و ألوانها ودايما بعمل مقارنة بينها وبين الأدوات اللي كانت متاحة لنا واحنا في سنهم . ورغم ان الحاجات دلوقتي مبهرة لكن خاماتها سيئة للغاية وعمرها الافتراضي لا يتعدى شهر من السنة الدراسية وهو ما بيضطرني اشتري اكتر من مرة ".

 

بدوره قال سيد الإسكندراني أحد تجار  الأدوات المدرسية بالإسماعيلية : "كل سنة بتطلع حاجة جديدة والأدوات المدرسية 100 صنف ونوع .وده الحاجة الوحيدة اللي الكل لازم يشتريها ".

 

وتابع  قائلا : "من أبرز التقاليع السنة دي القلم اللي فيه زجاجة برفان والبريات على شكل الكرتون".

 

 

  • تعليقات فيسبوك
  • اعلان