رئيس التحرير: عادل صبري 11:01 مساءً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

بالصور.. "الفاكهة بالهرمونات" لا موسم ولا طعم

بالصور.. الفاكهة بالهرمونات لا موسم ولا طعم

تقارير

فاكهة بأحد أسواق بني سويف

مزارعون: بنرشها عشان بتزود الإنتاج

بالصور.. "الفاكهة بالهرمونات" لا موسم ولا طعم

أحمد سيد 12 يونيو 2015 16:56

"مفيش حاجة اسمها موسم للفاكهة، الهرمونات خلت كل حاجة سهلة"، يعني ترش الفاكهة تاني يوم تلاقيها "طايبة"،  هذا ما قاله أحد مزارعي محافظة بني سويف، عن استخدام الهرومونات في زراعة الخضروات والفواكه بالأسواق.

 

وأكد عدد من المزارعين في محافظة بني سويف لـ" مصر العربية"  أن اعتمادهم على المبيدات والكيماويات والهرمونات يرجع إلى أنها تساعدهم على زيادة إنتاج الخضر والفاكهة.

 

وأوضح تجار أن الفواكه باتت متواجدة طوال العام، بسبب الهرمونات التي يستخدمها المزارعون من أجل سرعة طرحها بالأسواق وهو ما يفسر وجود بعض الفاكهة في غير أوانها كما حدث في الخضار طوال الموسم الماضي.
 

محمد إبراهيم – مزارع قال:" اللي عاوز يشتري "عداية" فاكهة نضيفة "الكيلو" هيقف عليه بـ 25 جنيه، لكن إزاي الفلاح والتاجر هيكسبوا وثمن كيلو البرقوق والمشمش مش بيوصل 5 جنيه، متابعًا: "الفلاحين بيرشوا التفاح والخوخ تاني يوم بيحمر".

 

وقال ربيع محمد - مزارع :" الفاكهة اللي بتترش بتبقي كبيرة ولونها غريب، زيي البرتقال بيبقي لونه "مصفر"، وتابع لو كسرنا حباية البرقوق أو المشمش نصين هنلاقي "النواية دايبة " سهلة السكر" وده معناه انها مرشوشة.

 

واتفق معه محمد عبد ربه صاحب مزرعة قائلاً: "مفيش حاجة اسمها موسم للفاكهة، الأدوية والهرمونات خلت كل حاجه سهلة، يعني ترش الفاكهة تاني يوم تصبح "طايبة"، ويتابع:" مزارعين بيرموا خميرة مع التقاوي بتخلي الزرع يكبر ويستوي بعد يومين لكن من غير طعم ".

 

سيدة أحمد - بائعة فاكهة ببني سويف قالت: "البرقوق البلدي بـ 3 جنيه الكيلو ومفيش فاكهة اسمها مش سواء تفاح أوب برقوق أو مشمش، كله مرشوش حتى العنب البناتي بيرشوه، وتتابع:" لما أجيب عداية العنب الصغيره بـ 50 جنيه أمال هكسب إيه!".
 

من جانبه، قال محمد سيد، طبيب بشري، إن الفاكهة الناضجة في غير أوانها أو "المهرمنة" تسبب أضرار بالغة للإنسان.
 

وأضاف أن حجمها يبهر المستهلك ولكنها غير مفيدة لجسم الإنسان مشيرًا إلى أنها تسبب زيادة في المواد الدهنية وتكون مياه تحت الجلد وأحيانا كثيرة تسبب المغص والإسهال.

 

 

 

 

اقرأ أيضًا:

 

  • تعليقات فيسبوك
  • اعلان