رئيس التحرير: عادل صبري 09:18 مساءً | الاثنين 15 أكتوبر 2018 م | 04 صفر 1440 هـ | الـقـاهـره 28° صافية صافية

شيال أرض اللواء لـ "السيسي": المحليات جايباك ورا.. وانت سايبهم ينهشونا

شيال أرض اللواء لـ "السيسي": المحليات جايباك ورا.. وانت سايبهم ينهشونا

شيرين خليفة 21 ديسمبر 2014 19:00

"لا للوحدة المحلية، لا للظلم، أين حقوقنا؟"، عبارات دونت على لافتة يحملها شيال وبائع متجول في أرض اللواء، يصرخ بأعلى صوته "نطلب تحريات المباحث من أجل حقوقنا"، حتى تكاد أن تزهق روحه من فرط تعصبه، نظرًا لما ناله من ظلم وإهانة بعد تعسف الحكومة ضده على حد قوله.

 

وجه الشيال رسالة إلى السيسي، قائلًا: "اسمع الكلام من راجل بصمجي وأمي الغِ الوحدات المحلية، وهات وجوه جديدة، انت معملتش حاجة، انت سيبتهم زي ماهم ينهشوا فينا، الوحدات المحلية هي اللي جيباك ورا".

 

واشتكى الشيال من علي عفيفي مسؤول الوحدة المحلية، معلنًا أنه عندما اشتعلت أزمة أرض اللواء وشُرد الباعة، طرق باب "عفيفي" ولكنه لم يلقَ منه إلا الشتائم والإهانة.

 

وأوضح أن أمثال "عفيفي" هو من تقضي عليهم، قائلًا: "الناس اللي مابتشبعش أبدًا هي اللي بدوس علينا وبتنهش فينا، لأن صوتنا مابيوصلش للسيسي"، مهددًا "عفيفي" بأنه سيكشفه على حقيقته، قائلًا: "طيب أنا هكشفك على حقيقتك وهخلي المباحث هي اللي تتصرف معاك".

 

وتابع الشيال: "أنا بقالي 25 سنة قاعد على المزلقان وليا حقوق في المنطقة، أجي أطالب بحقي من الوحدة المحلية عفيفي يقولي هو انت لك الورث معايا"، متابعًا: "عفيفي ظلمني"، مضيفًا: "بلاش الكوسة احنا في عهد الراجل الجدع عهد أبونا السيسي، عشان كدا مش هنسيب حقنا".

 

وأعرب عن غضبه، قائلًا: "أنا راجل عندي 46 سنه ومريض مش هعيش تاني، إيه المشكلة لما أجهز عيالي، أنا مش طالب من الدولة تديني معاش كل إللى أنا عاوزه إديني مكان أكل منه لقمة عيش".

 

وتابع: "ناخد حقنا منين ولا عشان ناس معاها وناس معهاش تتعب احنا ممعناش"، مؤكدًا: "أنا طلعت عيالي من المدارس وبيتي كله بصمجي من قلة مفيش، أنا اتظلمت كتير كل 100جنية كانوا بياخدوها مني".

 

وطالب الرئيس عبد الفتاح السيسي بتكليف لجان مسؤولة للتولي البحث في قضيتهم ويبتعد عن الوحدات المحلية ويقوم بإلغائها تمامًا؛ لأن العاملين بها هم الذين يضللونه على حد قوله، قائلًا: "الراجل مشكورًا بيعمل كل مجهوده بس اللي وراه في الوحدة المحلية هي اللي بتضلله وبتوقف المسيرة وراه، عشان نظام الكوسة لسه مخلصش".

 

اقرأ أيضًا:

بتهمة "التزويغ".. محافظ أسيوط يحيل 23 موظفًا للتحقيق

  • تعليقات فيسبوك
  • اعلان