رئيس التحرير: عادل صبري 12:17 مساءً | الخميس 24 مايو 2018 م | 09 رمضان 1439 هـ | الـقـاهـره 39° صافية صافية

فيديو.. مواطنون: جينا لوظائف الكويت قالوا لنا الشغل في قناة السويس

فيديو.. مواطنون: جينا لوظائف الكويت قالوا لنا الشغل في قناة السويس

أسماء أبوبكر 07 سبتمبر 2014 12:56

تجمع عشرات المواطنين صباح اليوم أمام مقر وزارة القوى العاملة بمدينة نصر، منذ الصباح الباكر وذلك لسحب استمارات العمل بدولة الكويت وفقا للإعلان الذي طرحته الوزارة بحاجتها إلى 14 حرفة مختلفة تضم مهن "سائق وكهربائي ونجار" وغيرها ولكن المفاجأة كانت عدم توافر أي فرصة عمل سوى للمهندسين فقط.

فيقول فتحي عبد العزيز، أحد المواطنين المتواجدين أمام مقر الوزارة: "أنا جيت من قنا بعد ما عرفت إن في إعلان القوى العاملة طالبة فيه صنايعية من مهن مختلفة وبعد ما قطعت كل المشوار دا قالولي إحنا مش عايزين غير مهندسين فقط".


 

وأضاف: "بيقولونا اشتغلوا في قناة السويس الجديدة والعقد بمدة سنة، يعني أنا جاي عشان أسافر الكويت يقولي أشتغل في القناة".


 

ويبين عمر ناصر أن اﻹعلان الذي طرحته الوزارة يتضمن 14 مهنة مختلفة، قائلا "اﻹعلان اللي إحنا شفناه فيه 14 صنعة مختلفة".


 

وتابع: "جينا النهاردة بناء على اﻹعلان دا، لكن المفاجأة كانت إنهم مش واخدين غير المهندسين بس".


 

بينما سخر محمود سعد من قول الموظفين له "أحنا محتاجين صنايعية بمؤهل عالي"، قائلا "أنا عايز أعرف الصنايعي مطلوب منه يكون بيعرف صنعة ولا يكون معاه مؤهل عالي، أنا مش فاهم حاجة".


 

وتساءل عصام، مواطن "لماذا يسافر المهندسون وفرص العمل متوفرة لهم داخل الدولة، هم المهندسين هيسيبوا البلد ليه ويسافروا طالما بيشتغلوا وبمرتب كويس يعني الكلام دا مش منطقي، من اﻷولى يسافر الصنايعية وأصحاب الحرف اللي مش ﻻقيين شعل هنا".


 

واتهم العمال المتواجدون الوزارة ببيع هذه الوظائف التي كانت مطروحة إلى مكاتب العمل، فيقول علي محمود، مواطن "إحنا عرفنا إن الوزارة باعت الوظائف اللي كان معلن عنها للعمال لمكاتب العمل وطبعا إحنا مش هنقدر نطلع عن طريق مكاتب العمل اللي بتطلب فوق الـ20 ألف جنيه".


 

 

  • تعليقات فيسبوك
  • اعلان