رئيس التحرير: عادل صبري 01:13 مساءً | الجمعة 06 ديسمبر 2019 م | 08 ربيع الثاني 1441 هـ | الـقـاهـره °

بالفيديو..باعة الترجمان: بنصرف من جيوبنا.. واللي بيتكلم بيودوه القسم

بالفيديو..باعة الترجمان: بنصرف من جيوبنا.. واللي بيتكلم بيودوه القسم

تقارير

سوق الترجمان

بعد 10 أيام من قرار النقل..

بالفيديو..باعة الترجمان: بنصرف من جيوبنا.. واللي بيتكلم بيودوه القسم

محمد يحيى - ليلى البرنس 01 سبتمبر 2014 17:51

"إحنا كدا بنبيع لبعضينا.. وبنموت بالبطيء"، "بنصرف من جيوبنا ومفيش زباين"، هكذا عبر الباعة الجائلون الذين تم نقلهم إلى سوق الترجمان عن حالة الركود التجاري بالسوق، مضيفين غياب خدمات مثل الكهرباء، والواسطة والمحسوبية للحصول على الأكشاك، دفعهم إلى وصف قرار نقلهم بـ"خراب البيوت".

سيف محمد (أحد الباعة الجائلين)  يقول: "إحنا كده بنبيع لبعضينا.. وبنموت بالبطيء"، مؤكدا أن الوضع على غير حقيقة ما ادعت الحكومة بأن المكان هناك صالح للتجارة: "الحكومة قالت لنا إنه فى خلال 5 أو 6 أشهر سيكون المكان صالحا"، مضيفا: "هناكل إحنا منين الكام شهر دول؟".

 

وعلى صعيد غياب الخدمات مثل الكهرباء يضيف جمال أبوالقمصان (بائع متجول): "بنصرف من جيوبنا ومفيش زباين.. وبعدين نشتغل إزاى ومفيش كهربا؟!  وكمان ممنوع دخول الأنبوبة للترجمان والبضاعة بتبوظ مننا".

 

السيد أحمد (بائع متجول) كشف عن وجود وساطة ومحسوبية في توزيع أماكن البيع، يقول: جيت عشان أخد مكان ملقتش إسمى مكتوب وناس كتيره مش من المنطقة خدت تصاريح لأن معاهم وسايط".

 

وأعربت رضا إبراهيم عبدالله (بائعة مياه غازية) بالترجمان عن استيائها من قرار النقل قائلة: "إحنا بنشترى التلج على حسابنا من بره عشان مفيش كهربا.. واللى بيتكلم بيودوه على قسم بولاق".

 

وقال فؤاد الجمال (بائع جائل): "القانون على دماغنا ولما الحكومة قالت القرار مقدرناش نتكلم.. لكن بقالى 3 أيام الفلوس مبتدخلش جيبى"، كما أن المكان غير مؤهل تماما لحركة البيع والشراء.

 

وندد أسامة العرابي بما وصفه بالصورة الزائفة التى ينقلها الإعلام عن الباعة الجائلين قائلا: "قلتوا علينا إرهاب.. وقلتوا علينا بلطجية .. لو كنا كده مكناش بقالنا 15 يوم مش لاقيين ناكل".

 

شاهد الفيديو:

http://www.youtube.com/watch?v=BG9igYy2r6g

 

اقرأ أيضا:

 

  • تعليقات فيسبوك
  • اعلان