رئيس التحرير: عادل صبري 05:12 صباحاً | الأربعاء 17 أكتوبر 2018 م | 06 صفر 1440 هـ | الـقـاهـره 28° صافية صافية

"الوصلة".. للتغلب على انقطاع الكهرباء بالدقهلية

الوصلة.. للتغلب على انقطاع الكهرباء بالدقهلية

تقارير

وصلات من المولدات الكهربائية

على غرار وصلات الدش..

"الوصلة".. للتغلب على انقطاع الكهرباء بالدقهلية

منى محمود 19 أغسطس 2014 15:15

واصل التيار الكهربائي انقطاعه بقرى ومدن محافظة الدقهلية، حيث يصل الانقطاع لـ 10 ساعات متواصلة في معظم قرى الدقهلية؛ ما دفع المواطنين لابتكار وسيلة جديدة لحل اﻷزمة وهي أن يأخذوا "وصلات" من أصحاب المولدات على غرار "وصلات الدش".

 

نهال عطية، مدرسة من مدينة المنصورة، تقول "معظم المواطنين اللي مش قادرين يجيبوا مولد كهربائي إيه ذنبهم في إن الكهربا تقطع كل شوية"، مناشدة محافظ الدقهلية ووكيل وزارة الكهرباء بضرورة التحرك وحل مشكلة انقطاع التيار.

 

يقول أشرف عبد الهادي موظف- لجأنا إلى الحصول على وصلة للكهرباء من بعض الجيران الذين يمتلكون مولدات كهربائية؛ نظرًا لارتفاع تكلفتها وذلك يكون مقابل مبلغ يتم دفعه شهريًا لهم يتراوح ما بين 5 لـ 10 جنيهات شهريًا.

 

ويضيف أحمد عبد القادر، محاسب، أن بعض الجيران طلبوا توصيل أسلاك من المولد الكهربائى الخاص به، لرغبتهم فى الإناره وعدم قدرتهم على شراء المولد، مؤكدا أن التيار الكهربائى ينقطع لفترات طويلة وبساعات متواصلة وهو مايتسبب فى خسائر فادحة للمواطنين.
 

وتتابع هناء المنسي، ربة منزل "الحياه بقت صعبة جدًا والكهربا بقت بتقطع لساعات طويلة جدًا، والمشكلة في إن الأطفال الصغيرين بيعانوا من حرارة الجو, وفكرنا إننا ناخد وصلة من عند الجيران اللى عندهم مولد كهربائي بس موافقوش وقالوا اشتروا واحد".

 

وتضيف: "لما الكهرباء تفضل قاطعة في اليوم 7 ساعات يبقى ده اسمه إيه، وإحنا مش قادرين نشتري مولد وغيرنا كتير مش قادرين يشتروا، إحنا إيه ذنبنا إن الحكومة فاشلة".

 

وتتابع: "الرئيس السيسى قال هيحل مشكلة الكهرباء، ولحد دلوقتى المشكله ما اتحلتش وزادت وبقت بتقطع أكتر من الأول والناس مش قادرة تتكلم".
 

ويقول سعيد محروس، عامل "والله العظيم قطع الكهرباء بالشكل ده حرام، يا ريت الحكومة تراعي ربنا فينا، إحنا لا عارفين نشتغل ولا ناكل ولا نشرب، وولادنا اللي داخلين على دراسة ومذاكرة هيكون الوضع معاهم إزاي!".

 

ويؤكد محروس أن عددًا كبيرًا لجأ إلى الحصول على أسلاك من الجيران الذين يمتلكون مولدات، وخاصة فى القرى كوسيلة للإنارة؛ مشيرًا إلى أنه فكر جديًا في الموضوع وذلك بعد الاتفاق مع صاحب المولد على دفع 7 جنيهات شهريًا كرسوم ثابتة.

 

 

 

 

 

اقرأ أيضًا:

  • تعليقات فيسبوك
  • اعلان