رئيس التحرير: عادل صبري 11:55 صباحاً | الجمعة 21 سبتمبر 2018 م | 10 محرم 1440 هـ | الـقـاهـره 34° صافية صافية

بالفيديو..مواطنون: كحك إيه دلوقتي؟ هو فين العيد أصلا؟

بالفيديو..مواطنون: كحك إيه دلوقتي؟ هو فين العيد أصلا؟

تقارير

الأسعار نار بمحلات الكعك والبسكوت

زيادة غير مسبوقة في الأسعار

بالفيديو..مواطنون: كحك إيه دلوقتي؟ هو فين العيد أصلا؟

منارعاطف ونورا ناصر 18 يوليو 2014 14:41

ليست مجرد حالة تأمل.. بل مستوى من الذهول يسيطر حاليا على المارين أمام "فاترينات" محلات الكعك والبسكوت مع اقتراب عيد الفطر المبارك.

 

وطالما لجأ "الغلابة" إلى عمل "الكعك البيتى" في مواجهة سعار الغلاء الفاحش، لكن مع ارتفاع مكونات الكعك ايضا سرقت فرحة الفقراء بموسم العيد.

 

كاميرا "مصر العربية" رصدت تأملات الذاهلين أما أحد محلات الكعك والبسكوت، الاسعار نار أصلا، لكنها هذا العام ارتفعت بنسبة لا تقل عن 25% مقارنة بالعام الماضي.

 

 يقول المواطن أحمد اسكندر: "اسعار الكحك زادت بشكل كبير جدا، وبنسبة تصل إلى 40 %، حتى الناس الغلابة اللى كانت بتعمله فى البيت المكونات اصبحت غالية جدا عليهم، حتى الفول "غذاء الفقراء" اسعاره  ارتفعت،  الناس الغلابة تعمل إيه؟! الناس هتمشى تكلم نفسها فى الشارع من الاسعار".

 

 ويضيف سالم محمود: "كحك ايه دلوقتي؟ الكحك دا للناس الرايقة، وبعدين الناس مبقتش حاسه باى عيد، اما الناس الغلابة اللى زي حالاتنا فبتاكل اللقمة بالعافية، واهم شى بالنسبالى اكسى اولادى واجبلهم الاكل اخر اليوم، ربنا يعينا على الايام دي".

 

 ويرى خالد مصطفى أن ارتفاع أسعار الكعك لن يؤثر سلبا على المرفهين من أصحاب المستوى الاقتصادي المرتفع، لكنه سيؤثر على محدودي الدخل، قائلا: "الناس اللى كانت بتشترى 3 كيلو السنة الماضية هتشترى السنة دى كيلو واحد فقط، اما اللى كان بيشترى كيلو السنة الماضية مش هيشترى خالص السنة دي".

 

 وعلقت اميرة محمود  قائلة: "مين هينزل يجيب 3 او 4 كيلو كحك بـ 70 جنيه للكيلو الواحد؟ اما  البسكوت والبتى فور والغربية فاسعارها خيالية، اللى هيشترى هيجيب منين لاسرتة كلها علبة ممكن تكون بـ 400 جنيه؟ مرتبه هيجيب اية ولا إيه بس؟ فى بيوت عمرها ما دخل الكحك بيتها، الله يكون فى عونهم، اما الناس المرفهة فهتشترى ومش هتفرق معاها زيادة الاسعار ".

 

و ترى امل محمد ضرورة مرعاة الموظفين ومحدودي الدخل، وطالبت رئيس الجمهورية بضرورة اتخاذ ما يلزم من إجراءات لحمايتهم، قائلة: "أمال احنا انتخبنا السيسى ليه؟ عشان يخفض الاسعار"

 

وأضافت: "اسعار الكحك مش مهمه، اللى يقدر يشترى بيجيب، واللى مبيقدرش امره لله، المشكلة الاكبر فى الكهرباء اللى بتتقطع بشكل مستمر، كنا بنشتم في مرسى عشان قطع الكهرباء والميه، ومفيش اى حل للمشكلة لحد دلوقتي"

 

اقرأ أيضا:

  • تعليقات فيسبوك
  • اعلان