رئيس التحرير: عادل صبري 08:11 مساءً | الثلاثاء 13 نوفمبر 2018 م | 04 ربيع الأول 1440 هـ | الـقـاهـره 26° صافية صافية

فيديو..الناجي الوحيد بمركب السويس: "19 ساعة سباحة أنقذتني من الموت"

فيديو..الناجي الوحيد بمركب السويس: 19 ساعة سباحة أنقذتني من الموت

تقارير

الناجي من مركب السويس

فيديو..الناجي الوحيد بمركب السويس: "19 ساعة سباحة أنقذتني من الموت"

محمد طلال 26 ديسمبر 2013 08:14

"اللي حصلي دا معجزة.. أنا مش مصدق إني حي لحد دلوقتي.. بعد19 ساعة في المية 50 كيلو سباحة".. كلمات قالها الناجي الوحيد من حادث غرق المركب السياحي "سي كوين" في مياه البحر الأحمر أثناء رحلتها من مدينة شرم الشيخ إلى مدينة السويس، ليعبر بها عن فرحته لرؤيته أولاده وزوجته وأهله مرة أخرى.

"مصر العربية" أجرت حوارا مع  "علي السيد علي مبروك"، 40 سنة، من مركز تلا بمحافظة المنوفية، الناجي الوحيد من المركب، لتتعرف منه على معجزة نجاته من الغرق..

 

يقول مبروك: "بعدما خدنا خط السير من شرم الشيخ كنا الساعة 5 مساء في عرض البحر تقريبا عدينا مدينة الطور.. الموج كان عالي أوي وفجأة عاصفة ضربت المركب ودمرت مؤخرتها".

 

ويضيف "مبروك"، ووجهه مليء بالأسى: "بعد عشر دقائق وقبل المركب ما تغرق كلها بعتنا استغاثة لفريق الإنقاذ وغفر السواحل ولكن لم يستجب أحد مطلقا وما قيل في وسائل الإعلام عن وصول الإنقاذ بعد نصف ساعة كذب وافتراء، وبعد ربع ساعة المركب غرقت قدام عنينا.. مسكت في خشبة 4 متر وفضلت أقاوم الموج 19 ساعة من أول المركب ما غرقت وبعدها مشفتش أي حد من الـ4 اللي كانوا معايا".

 

وتابع: "مفيش غير ربنا وحده هو اللي كان معايا، 50 كيلو عوم وجسمي داب من المية .. كل شريط حياتي قدام عنيا وعيالي وأهلي كأنهم معايا اللحظة دي على الخشبة".

 

واستطرد: "أول ما سمعت صوت في البحر رد ليا الأمل من جديد عومت بكل عزمي وقولت بأعلى صوت انقذوني غتوني .. وكانت بريمة بترول في نص البحر أنقذوني من المية وعملولي الإسعافات وبعد كدا نقلوني لمستشفى رأس غارب العام".

 

وأنهى مبروك حديثه قائلا: "شفت الموت بعيني وبعد ما وصلت المستشفى شفت المساعد بتاعي ميت وبينقلوه من  المستشفى.. هو الوحيد اللي شفته من الفريق اللي كان معايا على ضهر المركب.. الحمد لله رجعت لأهلي من جديد بعد ما فقدت الأمل في حياتي ". 

 

شاهد الفيديو :

http://www.youtube.com/watch?v=tsrMjKRypK4

  • تعليقات فيسبوك
  • اعلان