رئيس التحرير: عادل صبري 03:01 مساءً | الجمعة 25 مايو 2018 م | 10 رمضان 1439 هـ | الـقـاهـره 39° صافية صافية

فيديو .. زوجة الأزهري ترصد تفاصيل اعتقاله

فيديو .. زوجة الأزهري ترصد تفاصيل اعتقاله

تقارير

خالد الأزهري

فيديو .. زوجة الأزهري ترصد تفاصيل اعتقاله

أحمد علاء 02 نوفمبر 2013 17:15

أجرت فضائية "الجزيرة مباشر مصر" لقاءًا مع زوجة الدكتور خالد الأزهري، وزير القوى العاملة الساب، لرصد تفاصيل اعتقاله عقب الإطاحة بالرئيس المعزول، الدكتور محمد مرسي، من حكم البلاد أوائل يوليو الماضي.

 

قالت زوجته : منذ "الانقلاب" نعاني حياة صعبة وحالة التلفيق لا نهاية لها وبالنسبة للدكتور خالد وجهوا له تهمة التستر على البلتاجي وحرق مبنى محافظة الجيزة وهو أصلًا كان في رابعة ومش كان موجود في المنطقة أصلًا ولما اتقبض عليه دخل ملحق مزرعة طرة وفيها أربعة سجون هو قبل العقرب على طول وأول زيارة كانت بعد الاعتقال بـ 12 يوم وكان ثلاثة بس من حقهم يدخلوا الزيارة.

 

وأضافت : الدكتور خالد مسجون مع الدكتور سعد الكتاتني والمهندس سعد الحسيني والدكتور محمد بديع والشيخ حازم أبو إسماعيل والمهندس أبو العلا ماضي والدكتور محمود أبو زيد والأمن محدد مرة واحدة في الأسبوع للزيارة ولما بتعمل تصريحات بندخل في معاناة رهيبة مع المسئولين ولما بندخل للزيارة  لازم كل حاجة تتفتش حتى الأكل والعصائر رغم إن الكلام ده المفروض يتعمل مع الجنائيين لكن الحمد لله على الثبات اللي هما فيه لأننا عارفين إن كل ده بأجره عند ربنا.

 

وتقول : الأمن دايمًا بيحاول يدخلنا في مضايقات لكن احنا عارفين اللي فيها وبنستحمل وبنسمع كلام العساكر والضباط لأنهم يبرروا اللي بيحصل بأنه تنفيذ أوامر لكن قوات الأمن دول عارفين إن خالد مظلوم وهما عارفين عنه إزاي كان بيشتغل لخدمة العمال وعاوز يحقق كل مصالحهم.

 

 وترصد : لازم يكون أمن مخبرين من أمن الدولة حاضرين الزيارات دي وكل حاجة بتتقال في الزيارة لازم توصل لقيادات الأمن في السجن ومرة الدكتور خالد طلب مني شوية حاجات اعملها وأنا علشان أفتكرها كتبتها في ورقة لقيت حد من الأمن جاي وقطع الورقة وبصراحة مش عارفة احنا عملنا إيه للناس دول والإخوان عملوا ايه علشان ده كله.

شاهد جانب من رواية زوجة الدكتور الأزهري :

http://www.youtube.com/watch?v=8Ak68h7IBG8

  • تعليقات فيسبوك
  • اعلان