رئيس التحرير: عادل صبري 04:00 مساءً | الخميس 19 يوليو 2018 م | 06 ذو القعدة 1439 هـ | الـقـاهـره 36° صافية صافية

أسرة "مجدي عرفة" تروي تفاصيل اعتقاله

أسرة مجدي عرفة تروي تفاصيل اعتقاله

تقارير

الدكتور مجدي عرفة

أسرة "مجدي عرفة" تروي تفاصيل اعتقاله

أحمد علاء 30 أكتوبر 2013 18:00

أجرت فضائية "الجزيرة مباشر مصر" عبر برنامج "رهن الاعتقال" لقاءً مطولًا بأسرة الدكتور مجدي عرفة، وكيل كلية الطب بجامعة المنوفية والذي تم اعتقاله عقب مذبحة فض اعتصامي رابعة العدوية والنهضة منتصف أغسطس الماضي.

 

 
يروي نجله تفاصيل اعتقاله: "بعد فض الاعتصام كنا متأكدين إن فيه حاجة هتحصل ولأن بابا مش مجرم كان عايش حياة طبيعية لغاية يوم الخميس 29 أغسطس جاءت قوات أمن اقتحمت بعض المنشآت علشان يبحثوا عن والدي وناس كمان وفشلوا في مهمتهم لأنه كان في القاهرة وربنا ستر وبعدها بيومين كان رايح العيادة وكان فيه عربية أمن تحت العمارة فاضطر يرجع وبرضه ربنا ستر".


 
ويضيف: "واعتقاله نجح لما مخبر راح يكشف في العيادة ولما تأكد إن بابا موجود اتصل بالأمن وتم القبض عليه وكان في كشف في العيادة والناس تعاطفوا معاه جدًا وبعد كده اتاخد على قسم الشرطة وكان خايف جدًا لما دخل الزنزانة من ضرب المجرمين بس كان قدامه ربنا بس والدعاء له".


 
ويؤكد: "بعد كده اتعرض على النيابة سرًا بدون حضور محامي وأخد 15 يومًا وأخد في عنبر التشهيلات وكان فيه معتقلين كتير جدًا وفضلوا فيه أسبوع ومن سوء وبشاعة الموقف والكارثة الإنسانية قرروا الدخول في إضراب عن الطعام ولما اتكلم مع المأمور أخدوا ومنعوا عنه كل حاجة باستثناء جردل لقضاء الحاجة وزجاجة مياه".
 


تقول زوجته باكية: "الدكتور مجدي كل الناس بتحبه وبيسألوا عليه على طول وبعد الاعتقال حسيت بفقدان الشهداء والناس اللي ماتت.. مستحيل الناس تصدق إنه يتقال عليه إرهابي هو مش كدا خالص وإزاي إرهابي يفتح مدارس ويخدم الناس".

  • تعليقات فيسبوك
  • اعلان