رئيس التحرير: عادل صبري 12:43 مساءً | الخميس 22 نوفمبر 2018 م | 13 ربيع الأول 1440 هـ | الـقـاهـره 28° صافية صافية

بالفيديو| سائقو التوك توك بالأقصر: إحنا على باب الله والمرور منكد علينا

بالفيديو| سائقو التوك توك بالأقصر: إحنا على باب الله والمرور منكد علينا

تقارير

أحد سائقي التوك توك بالأقصر

بالفيديو| سائقو التوك توك بالأقصر: إحنا على باب الله والمرور منكد علينا

الأقصر - أماني خيري 30 سبتمبر 2016 16:55

"شغال علي التوك توك من سنين كنا بنتشغل براحتنا وبنسدد في أقساطها، فجأة لاقنا ظابط المرور بيوقف كل التكاتك وبياخدها"، هكذا بدأ أحد سائقي التوك توك بمنطقة أرمنت الوابرات والواقعة جنوب غرب محافظة الأقصر، في شرح معاناته هو وزملائه مؤكدًا أن المرور "منكد عليهم عيشتهم" بحد وصفه.


يقول طارق سيد، لـ "مصر العربية": "إحنا أرزقية علي باب الله، معانا التوك توك بس وشغالين عليها من سنين، لكن المرور مش سايبنا في حالنا"، لافتا إلى أنهم توجهوا كثيرا لإدارة المرور ومجلس مدينة أرمنت لإستخراج رخصة للتوك توك لكنهم رفضوا.

وأكد محمدعبداللطيف، والحاصل علي ليسانس آداب قسم لغة عربية، على إضطراره لشراء التوتوك بعد يأسه في الحصول علي أي وظيفة حكومية أو تتبع القطاع الخاص، ولكنه لم يسلم أبدا من قبضة رجال المرور.


 وتابع "عبدالطيف" حديثه مستنكرًا،  "مشينا علي الخط السريع قالوا ممنوع، وأشتلغنا داخل البلد، لكن برضه كانوا بيحرروا ضدننا محاضر وبياخدوا التكاتك علي الشونة وبيعملولنا غرامات، وإحنا مش معانا معيشة غيره و معانا ولاد ،وبنشتغل متهددين زي الحرامية، هما عايزنا نسرق ولاية !!

وأضافت أحمد سعد، أنهم يضطرون لدفع غرامة 2000 جنيها لاستعادة التوتوك في حالة ضبطه، وأيضا أرضية تصل لـ1000جنيه نظير وجوده داخل الشونة مع وقف شهر من العمل ، معبرا" مفيش حاجة ابيعها وبعت حلق المدام علشان أسدد الغرامة ومستلف 2000جنيه ومعايا بيت هعيش اذاي!.


وتبدو عليه علامات التعجب، يقول أحمد سلطان" أنا هسدد قسط التوكتوك ولا هوكيل عيالي ولا هدفع غرامة علي التوك توك كل شوي !،ومفيش شغل والتراخيص واقفة لو مش عايزنها ماكنوش نزلوها من الأول!

وفي هذا الإطار أكد اللواء عادل مهران سكرتير عام محافظة الأقصر، علي ضرورة تقنين أوضاع التكاتك بشكل عام وبشروط محددة تتضمن تغيير خطوط السير لتشمل القري فقط والرسوم والتراخيص، مضيفا إلي مناقشة ذلك  في الدورة التشريعية القادمة بمجلس النواب.

ولفت، سكرتير عام محافظة الأقصر، إلى أن مايحدث مع سائقي التكاتك من تغريم يشمل فقط المخالفين بهدف الحد من وجود التكاتك وإجبارهم علي تغيير خطوط السير بداخل القري فقط منعا للازدحام.
 


شاهد الفيديو..

 

اقرأ أيضًا:

  • تعليقات فيسبوك
  • اعلان