رئيس التحرير: عادل صبري 10:12 صباحاً | الجمعة 23 فبراير 2018 م | 07 جمادى الثانية 1439 هـ | الـقـاهـره 26° صافية صافية

الدقهلية بدون أضاحي بسبب ارتفاع الأسعار

الدقهلية بدون أضاحي بسبب ارتفاع الأسعار

سارة حامد 12 أكتوبر 2013 16:25

شاعات قليلة ويهل علينا عيد الاضحى المبارك ونظرا للظروف التى تمر بها البلاد وتحديدا محافظة الدقهلية فإن الاقبال على شراء الاضاحى هذا العام ضعيف جدا مقارنة بالاعوام السابقة .

 

يقول عادل مصطفى - تاجر مواشى ان الاقبال هذا العام ضعيفا على شراء اضاحى العيد بسبب ارتفاع اسعار الاضاحى هذا العام عن العام السابق .

 

ويضيف"طول اليوم مفيش ولا واحد بيشترى كله بييجى يسأل عن السعر ويمشى ,وانا عايز ابيع ومش هينفع اقلل السعر  عشان الاعلاف غاليه هى كمان.

 

ويقول حامد مسعد" جزار- ان اسعار الخروف الضأن  هذا العام يصل 37 جنيها للكيلو ,أما أسعار اللحوم المذبوحة من العجول البلدى فالصغيرة منها يتراوح سعرها من 50 إلى 55 جنيه، والكبيرة ما بين 40 إلى 47 جنيه للكيلو الواحد .


وتقول هبه عبد الرحمن –ربة منزل "ان شراء الاضحية هى عادة دائمة لها وزوجها ولكن هذا العام ستنقطع هذه العادة نظرا للارتفاع المهول فى الاسعار .


وتضيف هبه"ربنا يسامحنا بقى بس احنا فعلا مش قادرين نشترى الاضحية السنه دى واتمنى ان الاسعار تنخفض شويه عشان الناس الغلابه اللى نفسهم يضحوا .

 

اما محمد عبد الوهاب –تاجر مواشى يقول "ارتفاع الاسعار كان سببا فى قطع عيشنا لآن دى عادة بنستناها كل سنه عشان ربنا يرزقنا من وراها .

واستنكر قائلا"مش عارف حال البلد هيتصلح امتى كل يوم الاسعار فى الطالع والحركة نايمه .

 

نصائح يعطيها عم "على الجزار" بقوله" افضل  انواع الخراف هى  التى تتغذى على الذره وتأتى من قنا واسيوط.


ويضيف"الخروف فى عمر سنه هو افضل واحلى لحم ,وانه يكون وزنه لا يتعدى 65 كيلو, ويجب على  الأطباء البيطريين ان  يقوموا بالكشف على الخراف قبل ذبحها والتأكد من سلامتها صحيا .


وعندما سألنا سمير القصبى  جزار-عن أسعار الاضاحى قال أن  سعر العجول يبدأ من عشرة الاف جنية الى 13 الف  حسب الوزن.

 

ويؤكد سمير ان هناك زيادة على اسعار اللحوم تقدر ب 30% عن العام الماضى ,ويصف مايحدث بالورطة التى تعرض لها كلا من تجار المواشى والجزارين بعدما اصبح الاقبال على الشراء ضعيف .


ويضيف "عندنا كمية كبيرة من اللحوم المفروض تتباع قبل العيد عشان لو فضلت هنخسر كتير .

 

وعن حال ربات البيوت "تقول الحاجه زينب ممدوح"ننتظر كل عام عيد الاضحى بفارغ الصبر عشان نشترى اللحوم التى تحسسنا بالعيد ولكن يبدو ان الوضع هذا العام مختلفا عن الاعوام السابقه وتسبب جشع الجزارين والتجار فى منعنا من اكل اللحوم .

 

وتطالب الحاجه زينب من مديرية التموين بشن حملات مستمره على محلات الجزارة وتجار المواشى ,وخفض الاسعار لتجنب تلك الازمة.

 

مش هنشترى لحمه غير بعد العيد  وهنقضى العيد ب الاسماك والدواجن على مالاسعار تكون انخفضت هكذا تحدثت "اميمه ناجى "ربة منزل .


 
وتتعجب اميمه قائلة " لسه هنشوف ايه تانى مش كفايه اللى بيحصل فى البلد وكل يوم والتانى واحد يموت ,كمان اللحمه سعرها غلى ,وقالت"ربنا ينتقم من الظالم.

 

وأكد الدكتور  محمدين يوسف   وكيل مديرية  الطب البيطرى بالدقهلية أن  هناك حملات مكثفة على المجازر  والسلخانات  وذلك بالتنسيق مع مديرية  الصحة والتموين ومديرية الأمن لضمان انضباط الأسواق ومحال بيع اللحوم بجميع أنواعها وحـماية المستهلك من الاستغلال والتأكد من صلاحية السلع المعروضة وتكثيف الحملات على الثلاجات القائمة بحفظ اللحوم والأدوات الغذائية وتوافر الخدمات الأساسية للمواطنين وضبط المخالفين.

  • تعليقات فيسبوك
  • اعلان