رئيس التحرير: عادل صبري 06:00 مساءً | الثلاثاء 23 أكتوبر 2018 م | 12 صفر 1440 هـ | الـقـاهـره 33° صافية صافية

بالمستندات.. نص تحقيقات النيابة في أحداث فتنة الكرم بالمنيا

بالمستندات.. نص تحقيقات النيابة في أحداث فتنة الكرم بالمنيا

تقارير

السيدة القبطية التي تم تجريدها من ملابسها

الجميع لم يذكروا أن أحدا تم تعريته

بالمستندات.. نص تحقيقات النيابة في أحداث فتنة الكرم بالمنيا

محمد كفافي 31 مايو 2016 17:18

أكد المجني عليهم وشهود الإثبات في القضية رقم 3933 لسنة 2016 إداري مركز أبوقرقاص، والمعروفة إعلاميًا بأحداث قرية "الكرم"، في تحقيقات النيابة، على تعرض منازلهم للحرق والتعدي عليهم بالضرب، دون أن يشيروا إلى واقعة تجريد السيدة"سعاد ثابت" من ملابسها.


وقال إسماعيل سيد، المحامي، وعضو هيئة الدفاع عن المتهيمن، في تصريحات خاصة لـ"مصر العربية"،  أن أقوال جميع المجني عليهم وشهود الإثبات ومنهم "دانيال عبده" زوج السيدة "سعاد ثابت"، أمام النيابة ، لم تشر مطلقًا من قريب أو بعيد أو تصريحًا أو تلميحًا إلي حدوث واقعة تعري أو تجريد سيدة من ملابسها.
 

وأوضح المحامي،في تصريحات لـ "مصر العربية" أن الشاهد الأول "دانيال عطيه عبده"، زوج السيدة سعاد ثابت، لم يشر أو يذكر أن اعتداءً وقع على زوجته، أو أن ملابسها تم تمزيقها، وهو شاهد إثبات في هذه القضية.


وأضاف: الشاهد الثاني، عطيه عياد فرج سليمان وهو قريب ونسيب المجني عليها وبسؤاله ص6 من تحقيقات النيابة لم يتطرق أو يذكر في شهادته رغم وجوده في منزل المجني عليها، وبرفقتهم أثناء الاعتداء أن اعتداءًا من أي نوع وقع على المجني أو أن أحدًا مزّق أو عرى ملابسها، وأن الشاهد الثالث، عياد عطيه عياد فرج والذي سئل في تحقيقات النيابة ص 9  أقر بوجوده مع المجني عليها لحظة الاعتداء، لم يشر أو يذكر هو أيضًا أن ثمة اعتداء وقع علي المجني عليها، كذلك الشاهد الرابع، سامي كمال صلاح شحاته والذي سئل في الصحيفة 11 من تحقيقات النيابة وأقر بتواجده مع المجني عليها إلا أنه أيضًا لم يذكر في شهادته أن ثمة إعتداء من أي نوع وقع علي المجني عليها سعاد ثابت.
 

 وأكد عضو هيئة الدفاع عن المتهمين، أن الشاهد الخامس، فضل سعد شرقاوي والذي سئل في الصحيفة 31 من التحقيقات، لم يذكر أيضًا أن اعتداءً وقع على المجني عليها من أي نوع، بالإضافة إلى أقوال الشاهد السادس، وجيه قاصد إسحق عزب والذي سئل في الصحيفة 33 من التحقيقات ولم يشير الي إعتداء من أي نوع وقع علي المجني عليها سعاد ثابت.

 

وإليكم نص أقوال المجني عليهم وشهود الإثبات نصيًا من واقع التحقيقات:

 

"أولًا"  أقوال " دانيال عطية عبده" زوج السيدة سعاد ثابت

س. إسمك إيه؟

ج. دانيال عطيه عبده شحاته 78 سنه فلاح ومقيم قرية الكرم ابوقرقاص المنيا

س. ما تفصيلات شكواك ؟

ج.اللي حصل انا كنت قاعد في البيت لقيت ناس داخله عليا البيت وسالوني علي ابني اشرف قلتلهم معرفش عنه حاجة ولعوا نار في فرش البيت والثلاجات وكل حاجة في البيت والبيت ولع كله وبعدين دخلوا ضاحي ولعوا فيه وفي كل الفرش اللي جوه وبعدين دخلوا علي بيت وجيه قاصد ولعوا فيه وولعوا في بيت سامي كمال وده كل اللي حصل

س.متي  وليه حدث ذلك؟

ج. الكلام ده حصل امبارح يوم 20/5/2016 بعد صلاة العشاء بقرية الكرم ابوقرقاص

س.ما سبب ومناسبة تواجدك بالزمان والمكان سالف الذكر ؟

ج. انا كنت قاعد في البيت بتاعي وكنت جاي من الورشه بتاعتي

س.ومن كان به انذاك ؟

ج.انا كنت انا ومراتي

س. وما الذي حدث تحديدا انذاك ؟

ج .اللي حصل اللي انا كنت قاعد في البيت لقيت محمود عبد الرحيم ومجاهد صلاح حسن ومجدي محمد محمد زناتي واحمد توفيق سيد ورفعت محمود عبد الرحيم ورمضان محمود عبد الرحيم ومحمد محمود عبد الرحيم واحمد محمود عبد الرحيم ونظير اسحاق احمد عبد الحافظ وعبد المنعم اسحاق احمد وصالح عبد الحافظ احمد عبد الحافظ دخلوا عليا وضربوني علي وشي وولعوا النخله وفي وش البيت والبيت كله اتحرق ولع وكان فيه "سبعة عشر الف جنيه"كانوا في جيبي خدوها مني وبعدين دخلوا ولعوا في البيت اللي جنبي بتاع ضاحي وبيت وجيه وكسروا بيت سامي كمال

س. وما صلتك بكلا من مجاهد صلاح حسن ومجدي محمد محمد زناتي واحمد توفيق سيد ورفعت ومحمود عبد الرحيم ورمضان محمود عبد الرحيم ومحمد محمود عبد الرحيم واحمد محمود عبد الرحيم ونظير اسحاق احمد عبد الحافظ وعبد المنعم اسحاق عبد الحافظ وصالح عبد الحافظ احمد ؟

ج.هم بلدياتي وجيراني ونظير اسحاق ده صاحب ابني اشرف

س.وهل كان بحوزة سالفي الذكر ثمة اسلحة او ادوات ؟

ج.ايوه اسحاق كان معه بندقيه الي وابنه عبد المنعم كان معه فرد خرطوش ورفعت كان معه طبنجه وده اللي شفته بس والباقي كان بس كان معه اسلحة بس مخدش يالي

س.وهل استخدم ايا من سالفي الذكر السلاح الذي كان بحوزتهم ؟

ج.ايوه ضروبوا به نار في الهوا وكانوا بيضربوا نار علي البيوت والبيوت اتحرقت من ضرب النار

س.كم عدد الاعيره الناريه التي استخدمها سالفي الذكر ؟

ج.هي كثيره معرفش

س.وفي أي اتجاه قاموا سالفي الذكر باطلاق الاعيرة الناريه ؟

ج.كانوا بيضربوا عليا نار وعلي البيت عندي

س.هل بك ثمة اصابات؟

ج.لا

س.وهل توجد ثمة خلافات بينك وبين المتهمين سالفي الذكر؟

ج.ايوه فيه خلافات بين نظير وابني اشرف دنيال

س.وما طبيعة تلك الخلافات ؟

ج.معرفش

س.وهل ترقي الخلافات لقيام المتهمين بتلك الواقعة ؟

ج.معرفش

س.وما قصد المتهمين من ارتكاب تلك الواقعة ؟

ج. هم كانوا عاوزين يموتوا اشرف واخوه وعايزين يحرقوا البيت بتاعي

س.وهل ثمة اتفاق فيما بين المتهمين علي ارتكاب تلك الواقعة ؟

ج.ايوه علشان هم كانوا بيضروبوا نار علينا وحرقوا البيت بتاعي

س.هل توجد ثمة تلفيات بمنزلك؟

ج.ايوه

س.وهل من ثمة معين شاهد علي تلك الواقعة ؟

اهل البلد كلها شافت الواقعة

س.هل لديك اقوال اخري ؟

ج.لا

 

"ثانيًا" أقوال " عطية عياد فرج "

س. إسمك ايه ؟

ج.اسمي عطية عياد فرج سليمان 57 سنه فلاح ومقيم شرارة ابوقرقاص

س.ما تفصيلات حدوث اصابتك ؟

ج.اللي حصل انا سمعت ان نسيبي دانيال عطية عنده مشاكل فانا رحت اشوف اية الحكايه واول ما رحت لقيت زيطة وناس قايمة علي البيت ولقيت واحد مشي علي وضربي بدبشك بندقيوة الي علي دماغي وابنه نظير ضربني بعصي ظهري ووقعت علي الارض وحسيت بدوخه ومحستش بحاجة بعد كده وده كل اللي حصل وشفت ناس بتحرق البيت بتاع دانيال

س.متي واين حدث ذلك ؟

الكلام ده حصل يوم الجمعه 20/5/2016 ما بين المغرب والعشاء بناحية الكرم مركز ابوقرقاص

س.ماسبب ومناسبة تواجدك بالمكان والزمان سالف الذكر ؟

ج.انا سمعت ان فيه مشاكل مع نسيبي دانيال عطية فرحت علشان اشوف اية الحكايه

س.من كان برفقتك انذاك؟

ج.كان معايا ابني عياد عطية عياد

س.وما الذي حدث تحديدا انذاك ؟

ج. اللي حصل انا سمعت ان فيه مشكله عند نسيبي دانيال فرحت علشان اشوف فيه اية ونحل الموضوع واول ما رحت عند البيت عنده لقيت نظير ضربني بدبشك البندقيه الالي علي دماغي وابوه ضربني علي ظهري وقعت علي الارض وخدوا مني المحفظة والبطاقة والفلوس اللي كانوا في جيبي وبعدين لما شفتهم وكان معاهم ناس كتير كانوا بيولعوفي البيت بتاع دانيال عطية وده كل اللي حصل

س.وهل كان بحوزة ايا من سالفي الذكر ثمة اسلحة او ادوات ؟

ج.ايوه

س.ومن تحديدا كان بحوزته ثمة اسلحة او ادوات ؟

ج.نظير كان معاه بندقيه الي وابوه اسحق احمد كان معاه عصي

س.وهل استخدم سالفي الذكر تلك الاسلحة التي كانت بحوزتهم ؟

ج. ايوه نظير اسحق ضربني بالبندقيه الالي بالدبشك بتعها علي راسي وابوه اسحق احمد ضربني بعصي علي ظهري بس كان فيه ناس بعيد عني معاهم اسلحة وبيضربوا نار في الهواء علي البيت بتاع دانيال

س.فما هي كيفية حدوث اصابتك تحديدا ؟

ج.هو نظير اول ما شفني داخل البيت بتاع دانيال راح ضربني بدبشك البندقيه علي دماغي

ملحوظة

تبين لنا وجود ضماضات طبيه علي راسه لم نشا فضها حفاظا علي الماثل وقرر لنا الماثل انها نتيجه اثر اصابتي نتيجة التعدي عليه من قبل كلا من نظير اسحق وابوه اسحق احمد

س وما قصد المتهمان من التعدي عليك ؟

ج.هو قصدهم يضربوني

س.وهل شاهدت واقعة حريق منزل المدعو دانيل عطية ووجيه قاصد واسحاق وفضل سعد شرقاوي ؟

ج.انا شفتهم وهما بيحرقوا منزل دانيل عطيه

س.ومن تحديدا قام بارتكاب تلك الواقعة ؟

ج.انا اللي اعرفه ان واحد اسمه نظير اسحق وابوه اسحق احمد والباقيين معرفهمش

س.هل توجد ثمة خلافات سابقة فيما بينك وبين المتهمين سالفي الذكر ؟

ج.لا

س.هل لديك اقوال اخري ؟

ج.لا

 

 

"ثالثًا" أقوال "عياد عطية عياد فرج"

س. إسمك إيه ؟

ج .إسمي عياد عطية عياد فرج 30 سنه عامل ومقيم شراره مركز ابوقرقاص ولا احمل تحقيق شخصيه

س.ما تفصيلات حدوث اصابتك؟

ج.اللي حصل انا كنت رايح مع ابويه عند جدي دانيال في الكرم واول مرحت  طلعت علينا ناس كتير  ولقيت واحد ضربني وعورني في زراعي الشمال والباقيين حوالي ستة اشخاص ضربوني بالعصي علي جسمي ووقعت علي الارض وسبوني ومشيو وده كل اللي حصل

س.متي واين حدث ذلك؟

ج.الكلام ده حصل يوم الجمعه 20/5/2016 ما بين المغرب والعشاء بناحية الكرم مركز ابوقرقاص

س.ما سبب ومناسبة تواجدك بالمكان والزمان سالفي الذكر؟

ج.انا كنت رايح مع ابويه علشان عرفنا ان فيه مشكله مع جدي دانيال

س.ومن كان برفقتك انذاك ؟

ج.كان معايا ابويا عطية عياد

س.وما الذي حدث تحديدا انذاك؟

ج.اللي حصل اول ما وصلنا عند بيت جدي لقيت زيطة وناس كتير في الشارع واول ما شفوني مشيوا عليا ودورو فيه الضرب ووقعت علي الارض وبعد ما وقعت علي الارض سابوني ومشيوا

س.ومن تحديدا قام بالتعدي عليك بالضرب واحدث اصابتك؟

ج.انا معرفش حد فيهم وابويه هو اللي يعرفهم

س.وهل كان بحوزة سالفي الذكر ثمة اسلحة  او ادوات ؟

ج.ايوه انا شفت واحد منهم كان معاه بندقيه الي وواحد كان معاه فرد خرطوش وناس كانت شايله شوم عصي وخشب فيه مسامير

س.وهل تقف  علي هوية تلك الاشخاص الذين كانوا يحملون تلك الاسلحة سالفي الذكر ؟

ج.لا انا معرفش لاني انا مبرحش البلد دي خالص واللي يعرفهم ابوية

س.  وهل ثم اعيره ناريه اطلقت في تلك الواقعة ؟

ج.ايوه فيه ناس كانوا بيضربو نار معرف اسمائهم

س. وكم عدد الاعيرة الناريه التي اطلقت انذاك ؟

ج.معرفش هما ضربو نار كتير

س.وما هي كيفية حدوث اصابتك ؟

ج.اللي حصل انا اول ما دخلنا عند البيت ناحية بيت دانيال جه اتنين مسكو ابويه وابتدو يضربو فيه وبعد كده جت ناس ودفعوني علي الارض وقعدو يضربو فيه لغاية ما اغمي عليا وسابوني ومشيو

س. وما قصد المتهمين من التعدي عليك انذاك ؟

ج.هم قصدهم يضربوني

س.وهل شاهدت واقع حريق منزل كلا من دانيال عطيه ووجيه قاصد وسامي صدلم وفضل سعد شرقاوي

ج. لا انا مشفتش غير بيت دانيال عطيه بس

س. ومن تحديدا قام بارتكاب  وقائع الحريق سالفة الذكر ؟

ج.انا معرفش حد فيهم

س. هل من ثمة خلافات بينك وبين المتهمن الذين قاموا بالتعدي عليك واحداث اصابتك ؟

ج.لا مفيش خلافات بيننا

س .هل لديك اقوال اخري ؟

ج.لا

 

"رابعًا" أقوال :"سامي كمال صدام شحاته "

س. إسمك ايه ؟

ج.سامي كامل صدام شحاته 64 سنه فلاح ومقيم الكرم مركز ابوقرقاص ولا احمل تحقيق شخصيه

س.ما تفصيلات شكواك ؟

ج. اللي حصل انا كنت قاعد في البيت ولقيت حريق ونار كتير طالعة من عند بيت دانيل فطلعت اشوف فيه ايه واول ما طلعت من البيت لقيت واحد اسمه مصطفي احمد مصطفي واولاده منعونا ودخلونا بيت وقفلوا علينا لغاية ما الموضوع ما خلص لقينا بيت وجيه مولع وكسرين بيتي ومكسرين فرش البيت بتاعي وبتاع ابني ومبهدلين الاجهزة الكهربائيه مكسره وخدو من البيت مبلغ سبعة الاف جنيه  والمحفظة والبطاقة وكل ده علشان عرفت انه فيه خلافات بين اشرف ابن دانيال وبين جماعة مسلمين وولعو في بيت وجيه علشان هو يبقي نسيب وجيه وواخد بنت وجيه وده كل اللي حصل

س. متي واين حدث ذلك ؟

ج.الكلام ده حصل يوم الجمعه 20/5 /2016 بعد المغرب  علي طول بناحية الكرم مركز ابوقرقاص

س. ما سبب ومناسبة تواجدك بالمكان والزمان سالف الذكر ؟

ج.انا كنت قاعد في بيتي

س. من كان برفقتك انذاك ؟

ج.كان معايا اهل بيتي

س. ما الذي حدث تحديدا انذاك ؟

ج. اللي حصل انا كنت قاعد في البيت وسمعت صوت دوشه بره طلعت اشوف فيه ايه لقيت نار كتيره طالعة من بيت دانيال ولقيت واحد اسمه مصطفي واولاده خدوني عندهم ودخلونا البيت وقفلوا علينا البيت وبعدها بشويه طلعت علشان اشوف فيه ايه اللي حصل لقيت البيت بتاعي كله مكسر والفرش مكسر ومتبهدل والاجهزة الكهربائيه مكسره ولقيت سبعة الاف جنيه مسروقه من البيت وبعدين ولعوا في بيت وجيه قاصد وبيت فضل سعد شرقاوي وده كل اللي حصل

س. وما صلتك بكلا من وجيه قاصد واسحاق عزب وفضل سعد شرقاوي ؟

ج.احنا من بلد واحدة ومسيحيين زي بعض

س .وهل تقف علي الاشخاص الذين قاموا بالتعدي علي منزلك  وحريق منزل كلا من وجيه واسحاق عزب وفضل سعد ؟

ج.انا اعرف ان فيه واحد اسمه نظير اسحاق احمد وابوه اسحق احمد عبد الحافظ ومحمد محسن وفرغلي وتوفيق عبد الحافظ توفيق وعاطف سيد عبد الحافظ وسلامه عاطف سلامه ووائل عبدالله توفيق وهما دول اللي حرقوا البيوت وسرقوا بيتي وبهدلوه

س. وهل كان بحوزة سالفي الذكر ثمة اسلحة او ادوات ؟

ج.ايوه كان فيه ناس معاهم بسلاح لكن ذلك كسرو البيت عندي

س. ومن تحديدا كان بحوزته ثمة اسلحة او ادوات ؟

ج .اللي كان معاه سلاح حجاب احمد عبد الحافظ كان معاه بندقيه الي واحمد فؤاد توفيق كان معاه طبنجه وصابر فاروق توفيق كان معاه طبنجه وعبد المنعم حسن حين كان معاه فرد خرطوش

س. وما دور سالف الذكر تحديدا في وقائع التعدي علي منزلك ؟

ج. دول برضو كانوا بيضربو نار علي البيوت وكانوا بيساعدو الناس اللي بتحرق البيوت والكل دخل البيت عندي

س. وهل استخدم سالف الذكر تلك الاسلحة التي كانت بحوزتهم ؟

ج. ايوه

س. وفي أي اتجاه كانوا يصوبوا تلك الاعيره الناريه ؟

ج. هما كانوا بيضربوا نار علي البيوت وفي الهواء

س. وكم عدد الاعيره الناريه التي اطلقوها سالفي الذكر ؟

ج. هم ضربوا كتير معرفش كام عيار بالزبط

س. وهل توجد خلافات بينك وبين سالفي الذكر ؟

ج. لا مفيش خلافات  بس هما كان فيه خلافات بين دانيال ووجيه

س. وما قصد المتهمين من ارتكابهم تلك الوقائع ؟

ج. ايوه هم  كانوا بيتسارو علي اشرف دانيل وبحرقوا بيوت المسيحيين في كل البلد عندنا

س. وهل فيه ثمة اتفاق فيما بين المتهمين علي ارتكاب تلك الوقائع ؟

ج. ايوه

س. هل توجد ثمة تلفيات في منزلك؟

ج. ايوه فيه تلفيات كتيره

س. وما هي طبيعة تلك التلفيات ؟

ج.هي الاجهزة الكهربائيه كلها مكسره والفرش بتاع ابني اتكسر

س.وبكم تقدر قيمة تلك التليفات ؟

ج.هي الاجهزة الكهربائيه غاليه والفرش غالي  ومعرفش تقدر بكام

س.هل من ثمة معين شاهد تلك الواقعة ؟

ج.البلد كلها شافت الواقعة

س.هل لديك اقوال اخري ؟

ج .لا

 

"خامسًا" أقوال "فضل سعد  "

س. إسمك ايه ؟

فضل سعد شرقاوي 65 سنه مساعد شرطة بالمعاش ومقيم قرية الكرم مركز ابوقرقاص واحمل بطاقة رقم 25105092400213

س. ما تفصيلات شكواك ؟

ج. اللي حصل انا كنت قاعد في البيت انا واولادي ولقيت زيطة بره البيت ولقيت الباب بيخبط فطلعت فتحت الباب لقيت عبد الحافظ سيد ماسك بندقية الي وقال خش جوه يا ابن الكلب وبعدين حاولنا نقفل الباب بالعافية مقدرناش ولقيت عبد الحافظ بيقول للناس اللي كانت معاه لف من وراء الباب وانا لفيت من وراء الباب علشان اشوف هيعملوا ايه لقيت فضل  راح ضرب طلقة علي الباب وبعدين قفلت الباب من جوه وجرينا انا وابني غرب البيت علشان اشوف هيعملوا ايه لقيت عبد الحافظ بيضرب نار في الهواء وبعدين رموا ملوتوف علي الغرف  اللي في اخر البيت من غرب والحاجات اللي في الغرف اتحرقت وولعت وده كل اللي حصل

س.متي واين حدث ذلك ؟

ج.الكلام ده حصل يوم الجمعه الموافق 20/5/2016 حوالي الساعة الثامنة مساءا بناحية الكرم ابوقرقاص

س. من كان برفقتك انذاك ؟

ج.كان معايا ابني واهل بيتي

س. ومن تحديدا قام بارتكاب تلك الوقائع ؟

ج.انا شفت عبد الحافظ سيد وفضل سيد ومجاهد صلاح حسن ورفعت محمود عبد الرحيم ورمضان محمود عبد الرحيم ومحمد محمود عبد الرحيم واحمد محمود عبد الرحيم وهيثم احمد فؤاد وخالد مسامح عوض وصابر صابر فوزي

س. هل كان بحوزة سالفي الذكر ثمة اسلحة او ادوات ؟

ج. ايوه مجاهد كان معاه جركن بنزين ورفعت محمود كان معاه زجاجات ملوتوف واحمد محمود عبد الرحيم كان معاه ملوتوف وهيثم احمد كان معاه ملتوف وعبد الحافظ كان بندقيه وخالد مسامح كان معاه زجاجات ملتوف وعبد الحافظ سيد كان معاه بندقية الي وفضل سيد عبد الحافظ كان معاه بندقية خرطوش ومحمد محسن فرغلي عبد الحافظ كان معاه جركن بنزين

س. وهل استخدم ايا من سالفي الذكر تلك الاسلحة او الادوات ؟

ج. ايوه عبد الحافظ كان يضرب بالبندقيه وفضل سيد كان بيضرب بالبندقيه اللي معاه والباقيين كانوا يرمو نار علي البيت

س. وهل من ثمة معين شاهد تلك الواقع ؟

ج. البلد كلها شافت

س. وهل توجد ثمة خلافات فيما بينك وبين المتهمين سالفي الذكر ؟

ج. لا مفيش خلافات وهما جيراني

س. وما الذي دعي سالف الذكر الي ارتكابهم تلك الوقائع ؟

ج.هما عملوا كده علشان انا مسيحي زي دانيال عطيه عبده بسبب ابنه اشرف ومرات نظير اسحق

س.وما هو قصد المتهمين سالف الذكر من ارتكابهم تلك الواقعة ؟

ج. هما قصدهم يحرقو البيت علشان نمشي من البلد

س. وهل من ثمة اتفاق سبق فيما بين المتهمين علي ارتكاب تلك الوقائع

ج. ايوه

س . وهل من ثمة تلفيات غير ذلك ؟

ج. ايوه هما ولعو في اخر اوضتين في البيت من غرب ناحية الزراعات

س .هل لديك اقوال اخري ؟

ج.لا

 

"سادسًا" أقوال "وجيه قاصد   "

س. اسمك ايه ؟

اسمي وجيه قاصد اسحق عزب 64 سنه فلاح ومقيم الكرم مركز ابوقرقاص واحمل بطاقة رقم 25206072400331

س. ما تفصيلات شكواك ؟

ج. اللي حصل انا كنت قاعد في البيت انا واهل بيتي وبعدين سمعنا ان المسلمين بيحرقوا بيوت المسيحيين فخدت اولادي وبعتهم عند جيراني مطفي احمد مصطفي وبعد كده طلعت بره عند مصطفي فوق السطح شفتهم وهم بيحرقوا البيت عندي وبيحرقوا فيه

س.متي واين حدث ذلك ؟

ج.الكلام ده حصل يوم الجمعه   20/5/2016 حوالي الساعة السابعة و الثامنة مساءا بناحية الكرم ابوقرقاص

س. من كان برفقتك انذاك ؟

ج.كان معايا ابني واهل بيتي

س. ومن تحديدا قام بارتكاب تلك الوقائع ؟

ج. عبد الحافظ سيد عبد الحافظ وفضل سيد عبد الحافظ وعاطف سيد عبد الحافظ ومحمد محسن فرغلي ومحسن فرغلي وهيثم احمد فؤاد

 

س. هل رايت من  سالفي الذكر كان بحوزته  ثمة اسلحة او ادوات ؟

ج. ايوه  عبد الحافظ سيد كان معاه بندقية الي وفضل سيد عبد الحافظ كان معاه بندقية خرطوش وعاطف كان معاه بنزين ومحمد محسن كان معاه سنجه ومحسن فرغلي كان معاه فرد خرطوش وهيثم كان بيحرق بالبنزين

س. وهل استخدم ايا من سالفي الذكر تلك الاسلحة او الادوات ؟

ج. ايوه كان عبد الحافظ   يضرب بندقيه الي معاه في الهواء وفضل سيد كان بيضرب بالبندقيه اللي معاه في الهواء والباقيين كانوا بيحرقوا  في البيت عندي

س. وهل من ثمة معين شاهد تلك الواقع ؟

ج. البلد كلها شافت

س. وهل من  ثمة خلافات فيما بينك وبين المتهمين سالفي الذكر ؟

ج. لا مفيش خلافات بيني وبينهم لكن فيه خلافات بينهم وبين نسيبي اشرف دانيال

س. وما الذي دعي سالف الذكر الي ارتكابهم تلك الوقائع ؟

ج.هما عملوا كده علشان اشرف واخد بنتي و مسيحي  زيهم

س.وما هو قصد المتهمين سالف الذكر من ارتكابهم تلك الواقعة ؟

ج. هما قصدهم يحرقو البيت بتاعي واسيب البلد

س. وهل من ثمة اتفاق سبق فيما بين المتهمين علي ارتكاب تلك الوقائع

ج. ايوه

س .  وكيف وقفت علي ذلك؟

ج.علشان هم جم كلهم مع بعض

س. وهل من ثمة تلفيات غير ذلك ؟

ج. ايوه هما ولعو في البيت بتاعي وكسروا الفرش بتاع البيت

س .هل لديك اقوال اخري ؟

ج.لا

 

 

اقرأ أيضًا:

 

  • تعليقات فيسبوك
  • اعلان