رئيس التحرير: عادل صبري 04:20 صباحاً | الأحد 25 أغسطس 2019 م | 23 ذو الحجة 1440 هـ | الـقـاهـره °

بالصور| هبة الطويل.. عندما تتحول الأحذية للوحات فنية

بالصور| هبة الطويل.. عندما تتحول الأحذية للوحات فنية

تقارير

هبة أثناء تلوينها الأحذية

بالصور| هبة الطويل.. عندما تتحول الأحذية للوحات فنية

أميرة الخولي 10 أبريل 2016 21:44

هبة الطويل فتاة موهوبة.. ابتكرت فكرة جديدة تستغل بها موهبة الرسم، فمارست الرسم على الأحذية.


نبغت "هبه" منذ صغرها في الرسم والتلوين، لكنها ابتكرت في حياتها شيئًا جديدًا وهو الرسم بالقماش كي لا تنمحي الرسومات بالغسيل.  


تقول هبة لـ "مصر العربية" : "من وأنا صغيره متعوده كل صيف أعمل حاجة جديدة فى الرسم والتلوين فبدأت من سته ابتدائي.. كنت برسم بالحنة، وبعدها دخلت مجال "الهاند ميد" بس كنت حابه أعمل حاجه مختلفه".
 

"اتعلمت فن  "شو أرت"، وهو الرسم والتلوين على الأحذية و عجبني وبدأت فيه، من سنة تقريبًا وعملت صفحة على موقع "فيس بوك" عشان الناس تشوف الشغل، ولقيت تشجيع من اللى حواليا وخاصة والدى فاستمريت فى الموضوع".

 

وأضافت: "الناس عجبها الشغل والرسومات اللى بعملها من خلال الصفحة وبدأت  تطلب إنى أعملهم أحذية وأرسم الرسومات اللى بيحبوها وبيطلبوها ومعظم الزبائن من البنات اللى بتحب تلبس حاجة ملونة ومرسوم عليها" .
 

وعن مشروعها البسيط قالت: "أنا بعمل شوزات قماش وبرسم عليها بألوان قماش اللى هى الوان بيترسم بيها علي القماش و بتكون ثابته و ميحصلهاش حاجه لو اتعرضت لميه او غسيل، وأسعار الحاجات اللى بعملها مش غالية متوسطة عشان أنا واخدة الموضوع حب وعشق للرسم مش مجرد مكسب و بحلم إن يكون عندي محل صغير بس يكون حاجه جانبيه جنب شغلي الأساسي  فى مجال  الجرافيك لما اتخرج".

 

 

اقرأ أيضا :

  • تعليقات فيسبوك
  • اعلان