رئيس التحرير: عادل صبري 01:59 مساءً | الخميس 18 أكتوبر 2018 م | 07 صفر 1440 هـ | الـقـاهـره 28° صافية صافية

مواطنون عن انقطاع الكهرباء:الحكومة بتضحك علينا

مواطنون عن انقطاع الكهرباء:الحكومة بتضحك علينا

تحقيقات

انفجار محول كهربائي- أرشيفية

مواطنون عن انقطاع الكهرباء:الحكومة بتضحك علينا

محب عماد_ محمد الشرقاوي 16 أغسطس 2014 16:02

أزمات مزمنة يعيشها المصريون أصابتهم بحالة من اليأس والإحباط على رأسها الانقطاع المتكرر للكهرباء الذي بدأت بوادرها أواخر عهد الرئيس الأسبق حسني مبارك، خاصة في فصل الصيف.

 

وتزايدت في عهد الرئيس المعزول محمد مرسي، والذي وقف بين أنصاره في خطابه الأخير محاولًا تبرير الأزمة بقوله "الواد بتاع الكهربا بياخد 20 جنيه عشان ينزّل السكينة".

 

وبعد عام من انتهاء حكمه وتولي الرئيس الحالي عبد الفتاح السيسي حكم البلاد، لم تُحل الأزمة بل أخذت في الزيادة والتعقيد، ليفاجأ الجميع بوزارة الكهرباء تخرج في بيان رسمي، قائلةً إن السبب الرئيسي لاستمرار المشكلة هو تفجير أعضاء جماعة الإخوان بتفجير أبراج الضغط العالى.

 

الملفت للأنظار هو غياب الحل عن الحكومات المتعاقبة، لتلقي كل منها عبء الأزمة على أكتف معارضيها، "مصر العربية" رصدت ردود الشارع حول استمرار الأزمة وغياب الحل.

 

"اللي سايب حلة طبيخ للزمن بتبوظ"، بهذه الكلمات بدء محمد ابراهيم البالغ من العمر 70 عاما المقيم بداير الناحية بالدقى، حديثه عن انقطاع الكهرباء المتكرر قائلاً:"الحكومة مبتعملش حاجة ولا معاها فلوس، يمكن فعلًا الإخوان بيفجروا الأبراج بس هنعرف منين!، في أزمة في البلد لازم نستحملها، ماهو اللي عنده تكييف بيتحرق واللي عنده تلاجة الأكل اللي فيها بيبوظ".

 

وأضاف محمد عبدالستار، المقيم بصفط اللبن، متحدثًا عن معاناته ليلة أمس قائلًا:"امبارح النور قطع من الساعة 10:30 مساءً حتى 3:15 فجرًا، فخدت ابني وطلعنا نمنا في عشة الفراخ في الهواء"، ويستطرد متحدثًا عن تصريحات وزارة الكهرباء عن الأزمة قائلًا :"الحكومة بتضحك علينا يا بيه، قبل ما يمسك السيسي النور كان بيقطع مرتين دلوقتي وصلت لـ 11 مرة في اليوم".

 

بينما قال عبدالله عبدالمنعم، المقيم بصفط اللبن: إن مواعيد قطع الكهرباء أصبحت منتظمة حتى فى وقت الصلوات دون أي مراعاة لأوقات العبادة، ويكمل عبدالمنعم بأنه يريد من الحكومة أن تصارح الجميع بسبب الأزمة وحقيقة تدهور الأوضاع في هذه المدة القصيرة.

 

وأضاف: "كنا بنقول مرسي وحش والكهربا بتقطع مرتين في اليوم، دلوقتي بتقطع 5 أو 6 مرات، وأوقات بتوصل لساعتين في اليوم، كنا بنعيب علي مرسي لما قال ان اللي بيقطع الكهربا بياخد 20 جنيه وينزّل السكينة، تخرج علينا الحكومة وتقول الإخوان بيفجروا الأبراج طيب هما فين من ده، بصريح العبارة الحكومة اللي تتحجج بان الإخوان هم اللي بيفجروا الأبراج متستاهلش تقعد ع الكرسي طالما لاتستطيع حماية الناس" وذلك على حد تعبيره.

 

وتضيف سعدية محمود المقيمة بشارع سليمان جوهر بالدقى، بأن الأمر زاد عن حده تماماً، فما يحدث فينا حرام "الدنيا حر والناس محتاجة تشرب مياه ساقعة، دا حتى لما النور بيقطع ماتور المياه مبيشتغلش فيبقي لا نور ولا مايه"، متسائلة هي الحكومة مش عارفة تحل الأزمة ؟!، وكنا فى بادئ الأمر بيقولوا مرسي لكن دلوقتي مفيش مرسي، مشوفناش إخوان بيفجروا أبراج الضغط ولا حتي سمعنا عنه.

 

وأوضح إبراهيم عبدالقادر صاحب أحد محلات الجزارة بالدقى، أن المشكلة لا تتمثل فى انقطاع الكهرباء ولكنها تتمثل فى وقف الحال وقطع الأرزاق "فاللحوم بالثلاجات فسدت وضميرنا يحتم علينا عدم بيعها مرة أخرى للجمهور حفاظا على سمعة المحل، والأمر لا يقتصر على مرة أو اثنين ولكن مرات عديدة والخسائر تزداد"، مشيراً إلى أن الحكومة لا تتعامل بجدية مع الأزمة وأصبح كل ما يحدث يتم اتهام الإخوان وكأنهم هم السبب فى تدهور أحوال البلاد.


 

اقرأ أيضًا:


 

الكهرباء-دوريات-لتأمين-الأكشاك-والمحطات-ضد-التخريب">الكهرباءالكهرباء-دوريات-لتأمين-الأكشاك-والمحطات-ضد-التخريب">: دوريات لتأمين الأكشاك والمحطات ضد التخريب

الكهرباء">فيديوالكهرباء">.. محلب يوضح أسباب انقطاع الكهرباء

مجهولون يفجرون محولا كهربائيًا بالعاشر من رمضان

الكهرباء-عاوز-تليفزيون-بدل-اللي-باظ">مواطن تعليقًا على انقطاع الكهرباءالكهرباء-عاوز-تليفزيون-بدل-اللي-باظ">: "عاوز تليفزيون بدل اللي باظالكهرباء-عاوز-تليفزيون-بدل-اللي-باظ">"


 

  • تعليقات فيسبوك
  • اعلان