رئيس التحرير: عادل صبري 09:42 صباحاً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

تعرف على نصيحة هويدا الدمرداش لأهل الزوجين

تعرف على نصيحة هويدا الدمرداش لأهل الزوجين

المرأة والأسرة

يجب أن تكون العلاقة جيدة بين الزوجين والأهالي

تعرف على نصيحة هويدا الدمرداش لأهل الزوجين

رفيدة الصفتي 15 يناير 2016 13:42

 

نصحت هويدا الدمرداش المستشارة في العلاقات الأسرية، ومؤسسة علاقات البنج بونج أهالي الزوجين بحسن المعاملة، وحسن الاستقبال، وعدم رصد أخطاء الآخرين.

 

وقالت موجهة نصيحتها لأهل الزوجة: "أحسنوا استقبال زوج البنت ورحبوا به حتى لو كنتوا زعلانين منه، لأنه لو أحس للحظة بعدم ترحيب، المرة الجاية هيقول لبنتكم: روحي انتي لأهلك أنا مش فاضي"، مطالبة أهالي الزوجة: "بلاش تحطوا بنتكم في صراع "هو جوزك مش بييجي لنا ليه؟".

 

أما بالنسبة لأهل الزوج، قالت الدمرداش: "البنت اللي اختارها ابنكم زوجته ومش بس كده كمان افتكروا انها أم أولاده، لو لم تحسنوا استقبالها ورصدتوا أخطاءها هتكره وجودها معاكم".

 

وأضافت في تدوينة لها عبر صفحتها على موقع التواصل الاجتماعي فيسبوك: "وللأسف هي ممكن تستغنى عنكم بسهولة بأهلها وأصحابها وعالمها، وانتوا كمان تقدروا تستغنوا عنها، لكن اللي انتوا مش هتقدروا تستغنوا عنه هو أبناءها اللي هم أحفادكم".

 

وتابعت المستشارة الأسرية: "بلاش أحفادكم يشوفوا في عين أمهم إنها مش بتحبكم، بلاش تخسروا الأحفاد وتعيشوا ابنكم في صراع "يا احنا يا زوجتك" أو صراع "أنت مش عارف تربي زوجتك".

 

وأوضحت: "العيشة بالمعروف أحلى بكتير من العيشة بالتسلط والقهر والتوبيخ، احتضنوا زوجة الإبن واقبلوا منها الحلو، وتغافلوا عن عشان ابنكم نفسه مش ملاك، اشتروا سعادتكم بسعادة الإبن بزوجته في وسطكم وسعادة الأحفاد في بيت يحب ويحترم أمهم".

 

اقرأ أيضا:

  • تعليقات فيسبوك
  • اعلان