رئيس التحرير: عادل صبري 11:23 مساءً | الأربعاء 15 أغسطس 2018 م | 03 ذو الحجة 1439 هـ | الـقـاهـره 37° صافية صافية

داليا الشيمي: الحب قبول غير مشروط

داليا الشيمي: الحب قبول غير مشروط

المرأة والأسرة

د. داليا الشيمي

داليا الشيمي: الحب قبول غير مشروط

رفيدة الصفتي 09 ديسمبر 2015 10:23

طالبت الدكتورة داليا الشيمي خبيرة علم نفس الأزمات، ومديرة مركز عين على بكرة للمساندة النفسية والتنمية الأسرية، الأزواج بالارتقاء بمفهوم الحب، واصفة إياه بأنه قبول غير مشروط.


وقالت في تدوينة لها عبر صفحتها على موقع التواصل الاجتماعي "فيسبوك": "المشكلة ليست في حجم كرشك اللي مش عاجبها، ولا في وزنك اللي مضايقه، ولا في حجابك، ولا في الصلعة بتاعتك، ولا في أي حاجة ظاهرة.. المشكلة في أن الآخر لم يصل لمرحلة رؤية ما بداخلك والاقتناع بك ليتخطى الخارج.. عشان كده لو كرشك نزل هاتقولك أسنانك، ولو وزنك نزل هايقولك حجابك!!"

 

وأضافت خبيرة علم نفس الأزمات: "ما تصدقش ان ممكن حد يحبك يقف عند مظهرك الداخلي.. فاللي بيحب طعم القلقاس مش بيفكر هو شكله قبل الطبخ بيكون عامل ازاي ناهيك عن الممبار مثلا.. ولا الفاكهة الجميلة اللي بناكلها بشهية واحنا عارفين ان اسمها كاكا !!".

 

وتابعت: "أنا هنا مش بهزر.. الشخص اللي عاوز يشفيك هو بيحب صورة في خياله.. مش بيحبك انت في ذاتك.. ارتقوا بمفهوم الحب عشان ما تقعوش في حد فاكر نفسه عند جزار مترو ولا كارفور واقف يشفي مادام هايدفع حلو!!!"

 

ووجهت الشيمي رسالتها للأزواج: "انضجوا بقى.. أما عن القبول الجنسي فده مفهوم آخر.. أخيرًا عشان نكون واضحين"، مشيرة إلى أن كل الدراسات النفسية اللي درستها "بتقول ان الريجيم تحت ضغط القبول من الآخر هو أكبر جريمة ترتكبها في حق نفسك، وسرعان ما يرتد عدوانك على نفسك بإنك تزيد جداااا فور الحصول على القبول، وكأنها عقوبة للنفس والآخر.. ‫#‏الحب_قبول_غير_مشروط".

اقرأ أيضا:

  • تعليقات فيسبوك
  • اعلان