رئيس التحرير: عادل صبري 03:59 صباحاً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

قواعد المرور الـ7 الأكثر انتشارا في مصر

قواعد المرور الـ7 الأكثر انتشارا في مصر

المرأة والأسرة

في قيادة السيارة النساء أفضل.. والرجال أكثر تهورا

قواعد المرور الـ7 الأكثر انتشارا في مصر

قسم المرأة والأسرة 29 مايو 2015 10:57

حر وتراب وخنقة، بالتأكيد ينتج عنهم خروج عن السيطرة وخناقات ومشدات كتير بين الناس.. وده فعلا اللي بدأ يحصل في شوارع مصر مع هبوب أول موجة حر في صيف 2015، واللي جعل رواد "الفيس بوك" يجمعوا ما سموه "بقواعد المرور السبع الأكثر انتشارا في مصر"، ونشروها وتداولوها عبر شبكات التواصل الاجتماعي، باكين على حظهم ومتمنين حدوث التغيير لما هو أفضل، وواضعين المرأة في خانة مظلمة ومتهمينها أنها لا تفقه في القيادة إلا "الكلاكس" الذي يحي الجماد، رغم أن الدراسات أثبتت أن "مفاجأة | في قيادة السيارة النساء أفضل.. والرجال أكثر تهورا".


اليك قواعد المرور السبع الاكثر انتشارا في مصر.. وأنت قاعدتك ايه؟؟!!


صاحب المركبة الأغلى هوه اللي غلطان، بغض النظر عن مين دخل على مين، أو مين كسر على مين، كل دي اعتبارات ثانويه، إنما القاعدة المترسخة في اذهان الجميع أن الأغنى مستهتر ورقيع وجايبها من البودرة، اما الأكثر غلبا فشقيان وعليه اقساط ...

 

أنت فى نظر اى سواق ميكروباص "ماما جايبهالك " ، حتى لو علقت عقد العمل بتاعك في الخليج ع الازاز اللى ورا ، وحتى لو كان عمرك 80 سنه، برضه ماما كتبهالك ف الورث....

 

مجرد انك تدى اشاره.. فده يديك الحق مباشره فى عمل كل ما يحلو لك بغض النظر عن البنى ادم اللى وراك، مش مهم اديتها امتى، مش مهم انك كسرت من حاره لحاره، المهم ان فيه اشاره "تنفع اغنيه".

 

الموتوسيكلات ومن يقودها كائنات نورانيه تبرز من العدم ولا تظهر فى المرايات ولا تستخدم الكلاكسات فأنت وحظك ...

 

اللى ورا دايما غلطان.. إلا اذا كان اللى ورا قليل الأدب وصوته عالى، فى الحاله دى بيكون اللى قدام غلطان وابن ستين فى سبعين كمان، والشارع كله بيشهد بكده ...

 

سواقين النقل التقيل "التريللا".. ملهمش اى علاقه بالقواعد دى، دول كائنات عايشه في عالم علوى موازى.. محدش فيهم بيشوف اصلا اى كائن مننا، ولا هو راكب ايه .. فاحذروهم.

 

الستات أحباب الله، ويؤمنوا إيمانا راسخا أن كلاكس السياره يمتلك القدره على إحياء الجماد ، فينتهى بهم الحال لابسين في عمود.. وهم يصيحون بعصبيه شديده مؤكدين انهم زمروله أكثر من مره .

 

اقرأ أيضا:

 

 

  • تعليقات فيسبوك
  • اعلان