رئيس التحرير: عادل صبري 08:03 مساءً | السبت 26 مايو 2018 م | 11 رمضان 1439 هـ | الـقـاهـره 39° صافية صافية

أحمد أمين: إزاي تكتب شعر عامية في 30 ثانية

أحمد أمين: إزاي تكتب شعر عامية في 30 ثانية

المرأة والأسرة

الممثل الساخر أحمد أمين

فيديو ساخر

أحمد أمين: إزاي تكتب شعر عامية في 30 ثانية

سمية الجوهرى 20 فبراير 2015 13:57

لأن كتابة الشعر العامية أصبحت وظيفة من لا عمل له...حيث يظهر أحدهم على الساحة ويكتب كلمتين عامية في 30 ثانية على أنها شعر وينشرها على صفحته الشخصية وربما يصنع منها كتيب صغير يتم طباعته ليصبح شاعر عامية مشهور يتحدث الناس عنه ويدخل ضمن قائمة الشعراء الذي يتم استضافتهم في وسائل الاعلام المختلفة.


لذا سخر الكاتب والممثل الثلاثيني أحمد أمين من تلك الموجة في كتابه الشعر عن طريق فيديو ساخر "ازاى تكتب شعر عامية في 30 ثانية ".

 

إزاي تبقى شاعر عامية:

وقال ساخرا: شعر العامية بقى موضوع كبير أوى ماينفعش يتقال في 30 ثانية لازم يتقال في 48 ثانية مثلا لكنى هاحاول اختصر الموضوع في إني أقوله بسرعة جدا والخصة في مدرستين ولو مسكت في أي واحدة من المدرستين دول هاتلاقى نفسك مش بتكتب شعر عامية بس لا هاتلاقى نفسك بتقفل تقوم شاعر على طول

 

المدرسة الأولى:

مدرسة الغربة والتنهيدة وهى عبارة عن 37 مكعب من الكلام العميق جدا الملىء بالوجع والتنهيدة "والتنهيدة دى بقى انت توظفها في القصايد بطريقتك "مثال " فاكره ياما لما كنتى ساكنة دايما في السُكات وكنتى بتعدى السعات..ضل برد المشربية لمسه طرف الجلابية..ضحكه حلوه وذكريات.." ولو اتزنقت في النص عادى غير قول مثلا "انا الفلاح..انا السواح..انا المرتاح على عيونك..انا اللى عشقت طين أرضك وأنا اللى بكره هايخونك " خليك صادم لو بقيت تقليدى هاتقلب شعر غنائى "وراعى الموسيقى الداخيلة لان ده سنس الشاعر "

 

المدرسة الثانية:

مدرسة "العبرالى الصريح " ودى مالهاش أي علاقة بالليبرالية هي اسمها كده..زى ماتلاقى واحدة اسمها سامية انت مش عارف ليه..بس هي اسمها كده..الهم ان المدرسة دى اسهل كتير من اللى فاتت..اللى فات في الغربة والتنهيدة بيتعبوا لكن دى مافيهاش شعر أصلا الفكرة كلها قايمة على الآداء..

 

مثال خد بالك من السكتات والآداء ولازم يكون في عنوان في الأول زى "رسالة من تليفون مقفول " صحيت الصبح بدري..شربت النسكافيه..نزلت عالسلالم..فتحت باب البيت وقفت عالرصيف استنى الميكروباص..البرد كان رصاص..ووصلت الشغل تسعة وتلت..دخلت عالمدير..قفشت عالمدير..ورجعت للسرير..رجعت للسرير "

وبكده تكون بقيت شاعر عامية مشهور في 30 ثانية

 

 

شاهد الفيديو :

http://www.youtube.com/watch?v=SnD_GjZtRjY

  • تعليقات فيسبوك
  • اعلان