رئيس التحرير: عادل صبري 07:42 صباحاً | الاثنين 22 أكتوبر 2018 م | 11 صفر 1440 هـ | الـقـاهـره 33° صافية صافية

الستات عفاريت.. "بـ 7 أرواح"

الستات عفاريت.. بـ 7 أرواح

المرأة والأسرة

الستات عفاريت

الستات عفاريت.. "بـ 7 أرواح"

سمية الجوهرى 12 يناير 2015 08:06

الستات عفاريت.. ليس مجرد عنوان لفيلم كوميدي أخرجه حسن الإمام عام 1947.

 

ولكنها صفة ألصقها الرجال عادة بالستات عندما يتحدثون عنهن.. فهن لا يملون من الخناق والصراخ والنكد والمراقبة لهم طوال اليوم.. عفاريت بسبع أرواح.. فيشتكي دائمًا الرجل من زوجته التي لا تتركه لحاله.. فتظل وراءه باستماته لتكدر عليه صفو حياته حتى لو اختفت منها كما دار في أحداث الفيلم فرغم أن زوجة" target="_blank">الزوجة توفت بعد حياة غير مستقرة مع زوجها.. تزوج الزوج بصديقتها..لذا انتقمت منهم عن طريق شبح ظل يطاردهما وينغص عليهم حياتهما ويسبب لهم القلق إلى أن اطمأنت في النهاية على ابنتها وحب زوجته لها فتركتهما في النهاية ليعيشا بسلام.. إذا فالستات من وجهة نظر الرجالة "عفاريت ."

 

"طبيعة الست غير الراجل"
 

يقول أحمد حمدي 26 سنة محاسب "المشكلة إن الست ش عارفة عايزة إيه بالظبط تحس إنها مشتتة لو جوزها كريم تلاقيها بتتخانق عشان مابيساعدهاش في البيت.. ولو هوا خدوم وبيساعدها في البيت تلاقيها منكدة عليه عشان ما بيخرجهاش طيب إحنا نعمل ايه هما ليهم دماغ مع نفسهم ومهما عملتلهم برضه مش هايعجبهم ."

 

وبالنسبة لمصطفى محمود 29 سنة مدير تسويق يقول: "الحكاية باختصار إن طبيعة الست غير طبيعة الرجل عشان كده الست على طول مابيعجبهاش تصرف جوزها ولو كان ملاك لأنه في الآخر هيبقى مختلف عن تصرفها وتفكيرها ومن هنا بتبدأ المشاكل عشان كده من المهم قبل ما الست تتجوز تفهم أوي وتتعلم إن طبيعة الراجل غير طبيعة الست في من ناحية القلب والعقل".

 

"عفاريت لكن طيبين"
 

وعن شيماء عبد المنعم 31 سنة ربة بيت تقول " الستات عفاريت آه لكن طيبين وأى تصرف صغير أو موقف بيفرحهم وزى مالست مش عارفه طبيعة الراجل..الراجل برضه مابيعرفش يقرب من تفكيرها وبيقعد طول الوقت يشتكى من نكدها وعصبيتها بدل ما يفهم إيه اللى مدايقها ويحاول يحله."
 

ويعلق هشام سعد 28 سنة مدرس قائلاً: "أنا في رأى إن الستات بتفنن تشوف إيه اللي ناقص في جوزها وتمسك فيه وتفضل تتخانق عليه.. يعني لو جوزها مش مرتب تلاقيها طول النهار بتتخانق معاه عشان فوضويته بدل ما تتقبل الأمر ده منه.. ولو هوا مش رومانسي تفضل طول الوقت تندب حظها بدل ما تتعلم هي إزاي تكون رومانسية معاه بطريقة تعديه ويتعلم منها وهوا اللى بيخلى الرجالة في الآخر تكره الجواز وتشتكى من الستات "

 

"عاطفية بطبعها"
 

تعلق وفاء الشاطر، مدرب زواج صحي، على تصرفات الستات قائلة: "المرأة إنسان لديه قدرة عالية على التعبير وتغلب العاطفة على تفكيرها.. ومن هنا يكون منظورها لعلاقاتها بشريك حياتها فتكثر عليه النقض وهو راجع لطريقه تفكيرها وتنتظر منه أن يرى الأمور مثلها."

 

"الرجل منطقي"
 

وتتابع الشاطر قائلة: "اعلمي سيدتي أن الرجل منطقي لأبعد الحدود فهذه طبيعته كما أنكِ عاطفيه، الرجل إذا اكتفى من الحب والحنان يذهب سريعًا إلى كيانه الخاص به والمختلف عنكِ فهو يستمد منكِ الحنان والحب والحياة، شريك لا يتركك لا يمل منكِ".

 

"أحادي التفكير"
 

عزيزتي زوجة" target="_blank">الزوجة: "الرجل لا يحب اللوم فتجنبيه في الحوار بينكما، واعطيه المساحة الكافية في وقت انشغاله فهو أحادي التفكير، وانتي قدراتك مختلفة عنه قادرة على القيام بأكثر من العمل".

عزيزى الزوج: "تحب المرأة من الرجل أن ينصت إليها ويجب أن تعلم أنها متقلبة تبعا للعاطفة الغالبة عليها".

 

"لا يوجد إنسان كامل"
 

 وأخيرًا تنصح وفاء الشاطر، مدرب الزواج الصحي، الزوجات بألا تبحث عن النقص؛ فالرجل إنسان وليس هناك إنسان كامل وبالطبع انتي ينقصك أيضًا الكثير.. ولكن في النهاية كلاكما يكمل الآخر.

 

 

 

كيف تصبحين مُطلقة في 15 خطوة

عزيزي الزوج المانتخ "هي مش كوكي بارك.. حضرتك"

عزيزتى ست البيت "زوجك محتاجك أنثى مش محتاجك آلة"

ثورة النساء هي طاقة الأمل

مراتك مش رقٌاصة

4 أشياء تنفر الرجل من زوجته

الست مش عبد أسود (خاف عليها وخليك لطيف)

 

  • تعليقات فيسبوك
  • اعلان