رئيس التحرير: عادل صبري 06:12 صباحاً | الخميس 13 ديسمبر 2018 م | 04 ربيع الثاني 1440 هـ | الـقـاهـره 22° غائم جزئياً غائم جزئياً

6 تصرفات تجاهليها عند ركوبِك المترو

6 تصرفات تجاهليها عند ركوبِك المترو

المرأة والأسرة

مترو السيدات

فى مترو السيدات "التفكير ممنوع"

6 تصرفات تجاهليها عند ركوبِك المترو

سمية الجوهرى 22 ديسمبر 2014 10:12

عند التحاقك بمحطة المترو لركوب عربة السيدات، ما عليك إلا أن تتركي عقلك جانبًا ولا داعي للتفكير كثيرًا في تلك المواقف والتصرفات التي ستذهلك رغما عنكِ بل قد تشل حركتك لثوانٍ معدودة.

تصرفات يجب تطنيشها :

  1. عند وقوفك أمام باب الصعود لركوب العربة مثل بقية خلق الله فلا تنزعجي عندما تجدين نفسك تدخلين عربة المترو بقوة الدفع الإجبارية وليس بقوة الإرادة النابعة منك "فأنتِ كده كده هاتدخلى حتى لو لسه وقفة بتفكري وماقررتيش هاتركبى ولا لأ  "
  2. حاولى تفكي 20 ج كده قبل ما تركبي المترو ..لأن في أنواع كثيرة من المنتجات اللى هاتبهرك من ناحية واللي ها تضطري تشتريها من ناحية تانية لأنها اترمت على رجلك حتى لو شاورتى إنك مش محتاجاها ..وياريت تشتريها بالذوق لأنها منتجات أقرب للإجبارية منها للاختيارية
  3. الراجل اللي كل مرة تلاقيه ناطط فى المترو ده عشان يشحت بمقولته المشهورة "ساعدونى ياجماعة لأنى مش قادر أمشى على رجلى ولازم أعمل عملية ضرورى " بلاش تفكرى فيه كتير وتعملى نفسك ذكية  وتحاولى تحلى المعادلة  "هوا إزاى مش قادر يمشى على رجله وعمٌال يلف طول النهار على نفس الرجل  " آمال المعجزات بتحصل إزاى !
  4. الموقف الرابع: إنك لما تحاولي تعملي عمل خير وتقومي لست كبيرة عشان تقعد مكانك وتفضلى واقفة قدامها عشان أول ماتقوم تقعدى مكانك تانى..فاتلاقيها فجأة  بتشاور لصحبتها ولا لقريبتها تيجى تقعد مكانها ..يبقى ساعتها ماتستغربيش و امشى بمقولة "اعملى الخير وارميه في المترو "
  5. لو محتارة تعملي ايه على الغدا ..مش عليكى غير إنك تتكلمى مكالمة واحدة لجوزك وتقوليله بصوت عالى عشان يسمعك اعمل ايه ياحبيبى النهاردة على الغدا ..وفى ثانية الحيرة هاتنتهى لأنك هاتلاقى كل اللى حواليكى داخلين معاكى فى المكالمة وبيقدموا ليكى اقتراحات ظريفة تكفى "منيو الأسبوع كله " وكله بثواب
  6. وأخيرا لما تقررى تتجهى ناحية الباب لأنك هاتنزلى المحطة الجاية فلازم تسألى اللى واقفة قدام الباب دى ولازقه فيه "إنتى نازلة المحطة الجاية " لأنها تقريبا هاتقولك لأ مش نازلة ..والطبيعى إنك هاتقوللها طيب انتى واقفة كده ليه؟ ممكن توسعى للى هاينزل المحطة  الجاية..لكن اركنى الطبيعى ده على جنب وحاولى تتعاملى بمبدأ " له فى ذلك حكم".

  • تعليقات فيسبوك
  • اعلان