رئيس التحرير: عادل صبري 01:11 مساءً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

بيتَك "مش غُرزة بلدي"

بيتَك مش غُرزة بلدي

المرأة والأسرة

قلبلى البيت غُرزة

بيتَك "مش غُرزة بلدي"

سمية الجوهرى 28 أكتوبر 2014 11:18

عزيزى الزوج المُدخن: مش معنى إن مراتك فقدت الأمل خلاص فى إنك تبطل السجاير وتبقى إنسان جديد.."وتقولك بعد ما نفد صبرها معاك: لوعايز تدخن يا سيدى دخن براحتك بس مش فى البيت ولا معايا ولا قدام العيال". تروح حضرتك سايق فيها.. لأ وتقولها كمان.. أنا هادخن براحتى وفى المكان اللى أحبه سواء فى كافى شوب 5 نجوم أو فى قهوة بلدى أو حتى فى بيتى.. وتؤفور أكتر بقى وتلاقيك عاملها مفاجأة وداخل عليها بشيشة صغيرة كيوت كده. فاتقولك إيه ده يابيبى؟ فترد عليها بكل برود وتقولها: أصل أنا قررت أدخن شيشة كمان فى البيت فى الأوقات اللى مش قادر أنزل فيها على القهوة ياحبى.. وتقلب بيتك" غُرزة بلدى".


ماقدرش أزعل السيجارة

تقول زوجة أحد المدخنين: "جوزى قالبلى البيت قهوة ده حتى القهوة بيجلها وقت وتشطب وهوا مابيشطبش أبدا طول الوقت قاعد ومعاه علبة السجاير والطفاية ومش هامه مين اللى قاعد معاه ورغم إنه عارف إنى بدايق جدا من التدخين لكن يقدر يزعلنى ولا يزعل السيجارة أصلها ساحراله لدرجة أنى جبت تلفزيون تانى فى الأوضة وبقيت أنا أقعد أغلب الوقت لوحدى وهوا قاعد فى الصالة لوحده قدام التلفزيون يدخن لحد ماينام".

وتقول أخرى: "أنا ماكنتش أعرف إن جوزى بيدخن فى الخطوبة واتفاجئت بعد الجواز إنه بيدخن وانهارت لما عرفت إنه عنده العادة السيئة دى وأخدت موقف منه ووعدنى إنه هايبطل خصوصا لما خلفت إبنى الأول لكن للأسف بطلها شوية ورجعلها بشراسة بعد كده ولما اقوله التدخين زى مابيضرك بيضرنى أنا وإبنى يقولى قومى اقعدى فى حتة تانية..قولتله طيب انت اللى حاول مادخنش فى البيت يقولى ماعرفش دى سيجارة مش شيشة."

 

نفور وغضب

وتعبر إحداهن عن غضبها من زوجها الذى لا يبالى من التدخين فى البيت ليلا ونهارا قائلة: "أنا مش بيضايقنى التدخين بس لأنه ضار بصحته وبصحتى كمان.. لا أنا الموضوع عندى بقى أكبر من كده.. أنا بقيت مش طايقة نفسُه ولا ريحته خصوصا لما بيقرب منى وقت العلاقة وبقيت أنفر منه رغم انه بيحاول يغير ريحة السجاير والشيشة بأى حاجة تانية لكنها بتبقى ثابته فيه ورغم أنه حس انى بقيت أنفر منه وهوا ولا هنا يقولى أنا بحب السجاير أصلا يعنى مش عادة بس".

وتقول آخر المشتركات معنا برأيها: "أنا جوزى بقى دخل عليا فى عيد ميلادى بشيشة صغيرة وقالى انا قررت انى ماأنزلش القهوة تانى واقعد معاكى وأشيش هنا براحتى "يعنى قلبلى البيت من الآخر غُرزة بلدى " وكنت وقتها هاقع من طولى من صدمة المفاجأة عليا وصدمتى من تفكيره"

 

ضغوط نفسية

تعلق د.رئيفة رجب، استشارى العلاج السلوكى والمعرفى على الزوج المدخن وخصوصا فى البيت قائلة: في البداية أنا باسأل كل الستات اللي بيشتكوا هو إنت في مرحلة الخطوبة كان خطيبك مش بيشرب سجاير وبعد الجواز بدأ يشرب؟ دي مشكلة تانية ترجع للعلاقة الزوجيهة والوسط الاجتماعي والضغوط النفسيه علي الرجل بعد الزواج وده يتطلب منك مجهود كبير منك في البيت لحل تلك المشكلة:

وأولها: تخفيف المشاكل المحيطة به وخاصة مشاكل البيت والأولاد.

 2- تحملك بعض المتاعب الأسرية من أجله.

3-  تهدئة جو البيت دائما ليستعيد الزوج راحته النفسية والشعور بالهدوء والطمأنينة في البيت وبالتالي يبتعد عن التدخين.

 

حبك وحنيتك ودلعك

وإذا كان يدخن من فترة طويلة فعليكِ مساعدته على الإقلاع عن التدخين بلطف وليس بعصبية عن طريق :

 1: كأن تقولى له إن خوفك على صحته من أضرار التدخين أكبر من خوفك على نفسك وعلى النقود التى تهدر فى شراء السجائر.

2-  أبعديه بذكائك عن الأماكن والتجمعات التى تساعده على التدخين.

3-  هيئى بيتك أن يكون له جو رومانسيا وهادئا حتى تستطيعى أن تطلبى منه بلطف أن يقلع عن التدخين فى البيت فتلك العادة لاتناسب جو البيت الهادئ.

4- إن اقتنع وأقبل على الإقلاع عن التدخين تحملى الأعراض الإنسحابية ضد النيكوتين..أى تحملى عصبيته وغضبه معكِ وسامحيه مقدما عن أى شىء يصدر منه حتى تمر تلك الفترة بسلام.

5-  شاركيه فى أنشطة اجتماعية ورياضية تبعده عن جو التدخين تدريجيا.

6-  زورى معه عيادات الإقلاع عن التدخين وقدمى له المشروبات والأكلات التى تساعده على عدم التدخين.

7-  وأخيرا بحبك له وحنيتك ودلعك معه كأنثى تستطيعين أن تساعديه أن يقلع عن تلك العادة السيئة مع الصبر معه.

 

رسالة للزوج

وتتابع د.رئيفة رجب حديثها قائلة: ومن جهة أخرى أنت ايها الزوج إعرف جيدا أن التدخين في البيت فهو إستجابه سلبيه للزوجه و الأولاد فالجميع يستنشق الدخان وله تاثير قوي عليهم ..

ولا تنزعج يوما إن وجدت ابنك يدخن وكيف ستعرف من الأصل أن ابنك او بنتك تدخن فملابسهم دائما معطره بدخان الشيشه او السيجارة التى تدخنها والبيت كله معبىء برائحة دخانك فلن تكتشف أمرهم بسهولة . وحتى لو ضبطته متلبسا بالتدحين فهو يحبك ويتعلم منك وطبيعى أن يقلدك فى التدخين.. ولهذا اقول لك لا تشرب السيجارة فى بيتك أمام أسرتك وأطفالك فأنت نموذج بالنسبة لهم..فلو أصررت على التدخين إذا اشربها بعيدا عنهم خارج البيت وهنا ممكن أن تتحدث مع أطفالك على مضار التدخين لأنك لو وجدت من ينصحك ويتابعك ويشد عليك وأنت صغير لما أصبحت مُدخن اليوم ..

 

  • تعليقات فيسبوك
  • اعلان