رئيس التحرير: عادل صبري 03:42 مساءً | الجمعة 16 نوفمبر 2018 م | 07 ربيع الأول 1440 هـ | الـقـاهـره 26° صافية صافية

حسيت بالعيد؟.. والمصحف ما شوفته

حسيت بالعيد؟.. والمصحف ما شوفته

المرأة والأسرة

الفرحة بالعيد لم تعد كالسابق

حسيت بالعيد؟.. والمصحف ما شوفته

سمية الجوهرى 09 أكتوبر 2014 10:39

كلمت صاحبتى خامس أيام العيد وعيدت عليها وفى آخر المكالمة سألتها حسيتى بالعيد السنادى قالتلى أكيد.. زى شكة الدبوس بالظبط.. يعنى لاحسيت بالعيد ولا شميته حتى.. غير فى أول يوم العيد بس وتحديدا فى صلاة العيد ولما دبحنا بعد الصلاة لكن بعد كده الأيام كانت زى أى يوم عادى من أيام ربنا..

فين العيد ده!

فسألت واحدة صحبتى تانيه إيه رأيك فى العيد السنادى ؟ قالتلى فين العيد ده ! هوا فى حد بقى يحس بالعيد أصلا ..العيد مابقاش زى زمان ومفيش حد بقى ينبسط فى العيد ..يعنى العيد بقى بالنسبة لناس كتيرة فرصه للراحة والنوم مش فرصة للسعادة والفرح زى ماكنا زمان بنقول " العيد فرحة"

كبرنا وشلنا الهم

قلت طيب أغير كده وأسال حد من قاريبى فسألته من خلال الفيس بوك وقلتله حسيت بالعيد السنادى ؟ راح باعتلى بوست ساخر مكتوب فيه ..لا والمصحف ماشوفته ..

أسماء سألت د.دعاء راجح المستشارة الإجتماعية والأسرية وقالتلها باختصار هوا إحنا ليه فقدنا فرحتنا بالعيد ؟هوا إحنا ليه مابقناش نفرح بالعيد زى زمان..هل عشان كنا صغيرين فاكنا بنفرح بالعيد ولا كبرنا وشلنا الهم مابقناش نفرح بالعيد ولا العيد هو اللى مابقاش يفرح؟

ليه فقدنا فرحتنا بالعيد؟

فأجابتها د.دعاء راجح المستشارة الإجتماعية قائلة : فرحتنا بالعيد اختلفت عن زمان مش لسبب واحد ده لأسباب كتيرة والأسباب دى بتختلف من شخص لآخر ولكن فى أسباب بيتفق عليها كتير من اللى بيفقدوا فرحتهم فى العيد ومنها:

1- فرحتنا بالعيد اختلفت عن زمان لأننا إتغيرنا كتير عن زمان فقدنا براءة الطفولة و انطلاقها و تلقائيتها و بقينا مقيدين نفسنا بافكار و اعراف و تقاليد و عادات و موروثات و قيود نفسية ما انزل الله بها من سلطان.

2- فيجب أن نعيد التفكير فى الكثير من هذه الموروثات ..فما وجدناه مفيد اخذنا به و ماوجدناه غير ذلك تركناه و اعرضنا عنه.

3- تانى سبب لاننا تحملنا مسئوليات ...هذه المسئوليات اهمتنا و اثقلتنا و للاسف الشديد بقينا عاملين و لا مؤاخذه زى البهائم الى دايرة فى الساقية ...او الحمير الى شايلة حمل ثقيل.. مع اننا بنى آدمين ...يعنى بشوية تفكير بسيط المفروض لما نتعب من المسئولية المفروض نحطها على الارض شوية نرتاح و بعدين نشيلها تانى ...ودا الفرق بيننا و بين البهائم الى ماتعرفش تفكر التفكير دا.

لازم تستجم

4- لازم نقتطع وقت للراحة ...للاستجمام ..للتحلل من المسئوليات ..وقت لنفسنا نسعد فيه بعمل نحبه و نستمتع بيه ...وقت بتاعنا علشان نقدر نشيل تانى و نجدد طاقتنا للشيل بيعجبنى اوى الاجانب هنا و تقديسهم للاجازة الاسبوعية و ازاى بينطلقوا و يجددوا حياتهم فيها ..بالخروج و التنزه و التجديد و التغييرعلشان كدة مش شايلين الهم زينا ..و تلاقيهم ديما بيضحكوا و مبسوطين ..لانهم بيرتاحوا و بعدين يشيلوا تانى ..لانهم لامؤاخذه بيفكروا.

5- سبب ثالث : آفة التبرير و الاسقاط ..يعنى دايما راميين سبب التعاسة على جوزى و العيال و شغلى و البلد و السياسة و اهلى وحبايبى و المجتمع و الناسمع ان سعادتك نابعة من جواك ..سعادتك انت من يصنعها.
6- سبب رابع :وسواس الحسد ...فيه ناس بتخاف تسعد احسن تتحسد ...و بتخاف تبين سعادتها علشان الحساد.

 

عيد-على-مراتك">بـ عيد-على-مراتك">10 عيد-على-مراتك">طرق رومانسية عيد-على-مراتك">"عيد-على-مراتك">قوم عيد على مراتك عيد-على-مراتك">"

عزيزى الزوج المتأنتك.. "فى الشغل هالله هالله وفي البيت يعلم الله"

مراتك">عزيزى الزوجمراتك">.. "مراتك">إزاى تحرق أعصاب مراتكمراتك">"

مراتك-ترجع-إلى-الخلف-وهاتتقفش-متلبس">انتبهمراتك-ترجع-إلى-الخلف-وهاتتقفش-متلبس">.. مراتك-ترجع-إلى-الخلف-وهاتتقفش-متلبس">مراتك ترجع إلى الخلفمراتك-ترجع-إلى-الخلف-وهاتتقفش-متلبس">.. مراتك-ترجع-إلى-الخلف-وهاتتقفش-متلبس">وهاتتقفش متلبس

جوزك-غلط-مع-اللِّب">عزيزتي الزوجة السهتانةجوزك-غلط-مع-اللِّب">.. جوزك-غلط-مع-اللِّب">جوزك غلط مع اللِّب

حضرِة الزوج الكيوت "اعتبره زى ابنك برضه"

  • تعليقات فيسبوك
  • اعلان