رئيس التحرير: عادل صبري 01:52 مساءً | الاثنين 19 نوفمبر 2018 م | 10 ربيع الأول 1440 هـ | الـقـاهـره 26° صافية صافية

نفسك تسهري في ديسكو؟

نفسك تسهري في ديسكو؟

المرأة والأسرة

سهرة ديسكو

نفسك تسهري في ديسكو؟

سمية الجوهري 07 أكتوبر 2014 08:11

"جاتنا نيلة في حظنا الهباب.. في ناس هايصة ولايصة وفي ناس فى الهم دايسة " جمل كتيرة بتتقال على لسان ستات البيوت الأصيلة وخاصة لما بيكون في مناسبة أو عيد أو احتفالية.. وبتبقى نتيجة دايما لأحلام بتحلمها الزوجة وبتتمنى إنها تتحق فى المناسبة دى ..خروجة حلوة...عزومة فى مكان شيك..سهرة لطيفة فى مكان رومانسى وآه بقى لو كانت صالة ديسكو الواحدة تطلع همها فيه ..وبتقعد تحلم كده لحد ما تفوق على صوت جوزها وهوا بيقولها "عايزة تروحى فين ياحجة "ديسكو ليه ! ايه قلة الأدب والكلام الفارغ ده ..إنتى ماتعرفيش إننا عيلة محترمة.

فتقعد تتحسر الزوجة على خيبتها وحظها المنيل فى جوازتها وتنزل نق وحسد فى فلانة اللى اتفسحت فى المكان الفلانى وعلانة اللى جوزها وداها سهرة فى مكان رومانسى وتختمها بندب بينتهى دايما بكلمة "آه يامرارتى يانى "


 


 

لو عايزة تتجننى..إتجننى

طب ليه تقعدى تتحسرى وتستنى الفرحة على إيد حد تانى وبطريقة شخص تانى.. ليه إنت ماتقرريش إنك تفرحى وتفرحى اللى حواليكى ..ليه ماتثوريش على الروتين وعاداتك اليومية وتعملى اللى نفسك فيه وعلى قد إمكانياتك..عايزة تروحى ديسكوا اعملى ديسكو فى البيت..عايزة سهرة فى كازينو هادى ظبطي الكازينو فى بيتك ..عايزة ترقصى وتهيصى وتتنططى ..اتجننى وجننى جوزك معاكى وغيرى جو البيت وقضى وقت ممتع زى مانتى عايزة.


 

اعملى عيد فى بيتك

تعلق د.دعاء راجح الاستشارية الأسرية والإجتماعية من خلال نصيحة من القلب قائلة : لو جوزك مش عايز يخرجك فى العيد اعملى انتى عيد فى بيتك ..اصنعى سعادتك بايدك..لو عايزة سهرة رومانسيىة فى كازينو هادىء البسى احلى هدوم عندك ...و ترابيزة عليها شموع وورود فى البلكونة ...مع موسيقى هادية فى الخلفية ...واقعدى اسمعى اغانى عاطفية ..و تخيلى ان جوزك بيقولها لك ...هتحسى بسعادة برضه ..فالعقل لايفرق بين الحقيقة و الخيال و اعزميه على كوباية شاى فى البلكونة يمكن يقبل عزومتك ..


 

صالة ديسكو

وتتابع راجح : لو عايزة تعملى سهرة صاخبة فى صالة ديسكو اعمليها بسهولة ومش لازم تقعدى تتحسرى على حظك الهباب ممكن جدا تلبسى لبس رياضى ..و شغلى موسيقى رقص ..و هاتى اطفالك و غنوا و ارقصوا و صوتوا لحد ما تتعبى و اقلبوها صالة ديسكو ..هتلاقى نفسك بتضحكى من قلبك وولادك بيضحكوا و فرحانين و ياريت كاسين كاركاديه والا تمر هندى و قوليله فى صحتك هاتلاقيه يبتشجع و يبقوم معاكم  ويفرح بفرحكم..يعنى ابدعى ..فكرى ..افرحى نفسك و فرحى جوزك عيالك ماتخليش سعادتك فى ايد حد تانى يتحكم فيها ..اعملى الى نفسك فيه و خرجى نفسك من الكآبة 


 

اقرأ أيضا:

عيد-على-مراتك">بـ عيد-على-مراتك">10 عيد-على-مراتك">طرق رومانسية عيد-على-مراتك">"عيد-على-مراتك">قوم عيد على مراتك عيد-على-مراتك">"

الرجل العنيد.. إليكِ كتالوج التعامل معه

بيت-أصيل-يا-أبو-رحاب">عزيزي براد بيتبيت-أصيل-يا-أبو-رحاب">.. "بيت-أصيل-يا-أبو-رحاب">أصيل يا أبو رحاببيت-أصيل-يا-أبو-رحاب">"

"الزوج الغضوب".. شخصية ماتنفعش للجواز

عزيزي الزوج النايتي.. "مراتك ما اسمهاش وِلية"

زوجة-مستعبطة-إزاى-تطفشى-جوزك-من-البيت">يوميات زوجة مستعبطة زوجة-مستعبطة-إزاى-تطفشى-جوزك-من-البيت">"زوجة-مستعبطة-إزاى-تطفشى-جوزك-من-البيت">إزاى تطفشى جوزك من البيتزوجة-مستعبطة-إزاى-تطفشى-جوزك-من-البيت">"


 

  • تعليقات فيسبوك
  • اعلان