رئيس التحرير: عادل صبري 03:53 صباحاً | الأربعاء 21 نوفمبر 2018 م | 12 ربيع الأول 1440 هـ | الـقـاهـره 28° صافية صافية

عزيزتى الزوجة المودرن "جوازة سى السيد مش قرعة"

عزيزتى الزوجة المودرن جوازة سى السيد مش قرعة

المرأة والأسرة

سى السيد فى المستقبل

عزيزتى الزوجة المودرن "جوازة سى السيد مش قرعة"

سمية الجوهرى 02 أكتوبر 2014 09:41

ولأن أغلب العرسان بيستنوا الأعياد والمواسم عشان يعلنوا فرحهم ويقرروا يدخلوا عش الزوجية بسلام.. فابتلاقى نفسك وبدون ماحد يسألك مجبر إنك تسمع تشوف البدع منهم.. وأولها عند الكوافيرة.. يعنى زى مانتوا عارفين فرح فى العيد بالنسبة للبنت يعنى أسبوع قبلها رايحة جاية على الكوافير عشان ترتب ليوم فرحها قبل يوم الوقفة وأول يوم العيد "إيشى صبغة على كيرايتين.. على باديكير ومسكات وتفاصيل تانية كتير" والتفاصيل دى ماتحلاش غير بحكاوى الستات وتجاربهم اللى بتنتهى بحكمة لازم العروسة تاخد بالها منها عشان جوازتها ماتطلعش قرعة..

جوازة حامضة

هى فى جوازة قرعة!! ده كان سؤالى للبنوتة اللى متجوزة بقالها خمس سنين ونازلة حكم وأمثال فى ودن العروسة اللى قاعدة على الكرسى جمبها بقالها 3 ساعات بتعمل شعرها كيرايتن..فردت البنت بكل ثقة طبعا ده فى جوازة قرعة وحادقة وحامضة كمان "ياساتر يارب ليه بس كده"؟

1- انا هاقولك ياستى ماهو لما تكون شخصيتك ضعيفة قدام جوزك يبقى كده الجوازة بانت من أولها إنها قرعه وهوا اللى هايتعود يتحكم فيكى ويعمل تايجر المسيطر عليكى
2- ولما هوا يتعود يأمر وينهى ويشخط وانتى ياحبة عينى مش قادرة تفتحى بؤك يبقى دى جوازة حامضة وباين ريحتها من أولها وابقى اشربى بقى ياعمرى فى الآخر
3- ولما ماتخديش بالك من أولها ان كل زوج شرقى شارب من طباع سى السيد .فاتحاولى إنتى تكسرى أنياب الطباع دى من شهر العسل تبقى دى جوازة حادقة وماحدش يقدر يدوقها.

عشان كده لازم تخلى بالك من أولها والرك على أول الجواز فازى مابيقولوا "جوزك على ماتعوديه " وأنا دايما بقول الست اللى مالهاش كلمة فى بيتها وجوزها عامل عليها سى السيد تبقى ياحرام جوازتها طلعت قرعة..

زوجة مودرن

قلتلها ليه كده تخوفى البنت وتديها انطباعات وحشة عن الزوج المصرى.. ماهو ممكن جوزها يطلع سى السيد وهى بذكائها كزوجة مودرن ومتعلمة ومثقفة وبتاعت تكنولجيا تعرف تتعامل معاه بدون مصادمات ولا تحكمات ولا فرض رأى.. وممكن جوزها يطلع نوع تانى من الأزواج انتى مش عارفاه اصلا..ماهى الشخصيات بتختلف ومش كل اللى تتجوز سى السيد تبقى جوازتها قرعه..

والغريبة ان العروسة سابت ليها دماغها زى ماسابت للكوافيرة شعرها تلونه باللون اللى هى عايزاه وشايفاه هايليق عليها وهى مستسلمة كليا لحكم الستات الغريبة لاومصدقاها كمان..

الكائن المتسلط

تقول د.دعاء راجح الاستشارية الأسرية والاجتماعية من خلال صفحتها نصيحة من القلب أن الفتاة غالبا ماتقبل على الزواج وهى مشبعة ومحملة بكم هائل من التوقعات والأفكار السلبية عن الزوج الشرقى اللى هوا سى السيد. فالرجل ليس الكائن المتجبر المتسلط الذى يريد ان يفرض سلطته و رغباته علي المراةانتى لست في حرب مع الرجل أو ضد الرجلانزعى من عقلك هذه الفكرة.. غيرى طريقة تفكيرك من (لابد ان يعمل برأيى لانه الصواب) .. الى (لابد ان نأخذ سويا قرارا صائبا) اسلوبك فى الحوار مع زوجك و طريقتك فى عرض رأيك لها أثر كبير على تهيئته لقبول أو رفض أفكارك

حكمة الجدات

وتتابع راجح: عندما تختلفين مع زوجك فى الرأى فقط وأؤكد على (فقط)..أعرضى رأيك وإيجابياته لاتسفهى رأيه وتذكرى سلبياته ...قاومى هذه الرغبة بقوة ولا تبدى حماسا زائدا فى الدفاع المستميت عن رأيك ..اعرضيه بمنتهى الهدوء.. فقط اعرضيه .. ولسان حالك يقول: هذا رأيى ولك كامل الحرية فى اتخاذ القرار هذا سيجعله مؤهلا للتفكير فيما تقولين.. وسيشعره بالسيطرة وأن القرار لازال فى يده.. لذا تحتاج المرأة الجديدة أن تتعلم حكمة الجدات فكنا نسمع زمان عن حكمة بعض الجدات التى تدير كل شيء بعقلها ورأيها وحكمتها وتدع (سى السيد) يبرم شنباته ويرفع صدره ويمد كرشه ويقف آمرا وناهيا قاومى الرغبة فى فرض السيطرة وإقرار رأيك بالقوة فحياتك الزوجية ليست ساحة معركة.. بل هى مأوى للهدوء والسلام.


عزيزتى أم العيال: إزاى تعكننى على جوزك فى يوم أجازته

كيف تصبحين مُطلقة فى 15 خطوة

عزيزي الزوج المأنتخ "هي مش كوكي بارك.. حضرتك"

عزيزتى ست البيت "زوجك محتاجك أنثى مش محتاجك آلة"

مراتك مش رقٌاصة

عزيزى الزوج المتأنتك.. "فى الشغل هالله هالله وفي البيت يعلم الله"

عزيزى وهدان "ما تقوم تطمن على مراتك"

جوازة-باظت">معركة الانتقام من جنس الرجالةجوازة-باظت">.. "جوازة-باظت">الجوازة باظتجوازة-باظت">"

  • تعليقات فيسبوك
  • اعلان