رئيس التحرير: عادل صبري 10:54 مساءً | السبت 22 سبتمبر 2018 م | 11 محرم 1440 هـ | الـقـاهـره 34° صافية صافية

فى حدائق التحرش "اوعى تفسح مراتك "

فى حدائق التحرش اوعى تفسح مراتك

المرأة والأسرة

حدائق التحرش

ثورة تغيير فى العيد

فى حدائق التحرش "اوعى تفسح مراتك "

سمية الجوهرى 01 أكتوبر 2014 09:28

يعني هوا حضرتك يا إما تحبس مراتك ف البيت أيام العيد وتقولها اختاري ياحبيتي وشوفي عايزة تعيدي فين فى الأوضة ولا الصالة ولا حتى البلكونة..يا إما تعند وتروح مخرجها فى أماكن ما يعلم بيها إلا ربنا ولوحدكوا وتبقى فيها حالات تحرش كتيره وتقولها عرفتى مابحبش اخرجك فى العيد ليه ! لا ياراجل ناصح انت  كدة..ولعبتها صح ! وخلتها هى المقتنعه انها ماتخرجش ولا يوم من البيت فى العيد ويبقى كده استسلمنا لفكرة التحرش وخليناها هى اللى تتحكم فينا مش احنا اللى نقاومها ونتحكم فيها..وعملناها بعبع للستات فى العيد وكل ده فى مصلحة  الراجل واهدافه الخبيثة وهوا انه يرتاح فى العيد ويقضيها نوم او خروج مع أصحابه بليل ..

 

الكائن الضعيف

وساعتها مراتك تحس انها هي الكائن الضعيف اللى مش قادر يحقق رغباته وخصوصا فى المواسم والأعياد عشان التحرش..وتسمع الرجالة عمّالة تنصح بعض وتقول "اوعى تفسح مراتك فى العيد فى حدائق وأماكن التحرش دى خليها قاعدة كده فى البيت احسن وابقى اخرج انت بليل بس شوية شم هوا وراجع تانى " طب بالنسبة لمراتى اللى مستنية تتفسح فى العيد اوديها فين سيادتك  ؟ فى الفور سيزون مثلا ولا يمكن يكون زحمة فى العيد برضه.. فاطلع بيها يومين على  شرم او حتى تركيا لو شرم مش عاجباك !

 

الزيارات الاجتماعية

ما هي مش كل الناس تقدر تروح أماكن فيها حراسات مشددة وأمن على مستوى عالى لمنع التحرش..ومش كل الناس تقدر تعيد فى مكان هادى وكلاس وغالى..فى أسر كتيرة بتروح أماكن عامة  متوسطة تفسح مراتتها واولادها فيها..فامتخوفش مراتك من المكان ده وتعملها التحرش فزاعة تقلق منها..

وان كنت ياسيدى فعلا خايف عليها تقدر تفسحها فى أيام الأجازات بعد العيد وتستغل العيد فى الزيارات الإجتماعية والأسرية اللى اوشكت على الإنقراض فى زمن التكنولجيا اللى عايشينه ده ..ويبقى اسمك خرجتها وفسحتها وكمان وعملت تواصل اجتماعى مع قرايبكم وأصحابكم و جيرانكم..خدها وزروا جيرانكم ..او اخرجوا مع بعض كأسرة كبيرة ..ومجموعات .لأن المتحرش بيخاف من العزوة والأسرة المتكاتفة مع بعض وعمره ماهيفكر يتحرش بأسرة خارجة  مع بعضها بأعداد كبيرة..يعنى فى طرق كتيرة  تقدر تستمتع بالعيد فيها مع مراتك..لكن ماتحبسهاش فى البيت خالص وتقولها اصل التحرش بينتشر فى الأعياد..ماهو مش بيرسول حضرتك ..دى ظاهرة لازم تحاربها وتقوى مراتك كمان انها تحاربها مش تستغلها فى صالحك وعشان راحتك..
 

نوم وخروج وقهاوى

يعنى فى الآخر فكر ازاى تقضى وقت ممتمع مع مراتك وأسرتك بأى طريقة مختلفة ..مش كل اللى تفكر فيه ازاى تنام اكبر قدر ممكن فى ايام العيد وماتصحاش غير لما هما يناموا وتقوم انت تخرج بقى وتشوف حياتك مع أصحابك بليل ..ولما تيجى مراتك تشتكى تقولها كلمة السر "حدائق التحرش "فاتقوم هى ساكته وتخاف وماتتكلمش..ماهى مش حدائق كاليفورنيا حضرتك

 

ثورة تغيير اجتماعي

يقول د.احمد البحيرى استشارى الطب النفسى: أننا يجب أن نقاوم ظاهرة التحرش فى المناسبات والأعياد ولا نقبل ذلك الواقع المفزع ونسلم بيه ونمنع أسرنا من الخروج والتنزه لهذا السبب ..كما يجب أن نعيد معنى الدفء الأٍسرى ورجوع الزيارات بدل الانفصال الاجتماعي اللي حاصل بدون مساندة أو ب sms أو زيارات سريعة بدون تفاعل حقيقي، عايزين زيارات الجيران ترجع تاني و الناس تعرف بعض و تساند بعض..فيجب أن يكون العيد فرصة لتورة تغيير علي مستوي العلاقات الاجتماعية

 

هاتتفسح مع مين مش فين !

ويتابع البحيرى حديثه قائلا: الموضوع مش كله قيم مادية حنتفسح فين .......في حاجة اسمها حنتفسح مع مين .......هو ده اللي حيخلي للحياة روح و يحمي من التحرش لأن الأسر لو خرجت مع بعضها عمر ما حد حيتحرش بيها.. العيد بداية...... واستغلال الأعياد للبداية بدل ما الانفصال الاجتماعي اللي انتشر حتي بين الأسرة الواحدة.. الإنسان لوحدة عرضة للاكتئاب وسرعة الإحباط و الشعور بالملل و عدم الرضا و عدم الشعور بالاكتفاء.. الناس تتبادل الطاقة و الحب و الدعم و المساندة
 

الانتماء = فرحة العيد

ويختتم د.أحمد البحيري استشاري الطب النفسى حديثه قائلا : الناس لما بتشترك مع بعض وتحس أنها في ضهر بعض ونفعل ده في كل عمارة و كل حي الناس حترجع تحس بالانتماء و الفرحة بالحاجات الصغيرة في العيد حتى لو مش غالية
 

اقرأ أيضا:


 

تحرش">فيديوتحرش">.. تحرش">فتيات: تحرش">هنساعد الشرطة النسائية في مكافحة التحرش

عاكس فتاة فعضته بالمنصورة

تحرش-رصدنا-35-حالة-خلال-عيد-الفطر">"تحرش-رصدنا-35-حالة-خلال-عيد-الفطر">شفت تحرشتحرش-رصدنا-35-حالة-خلال-عيد-الفطر">": تحرش-رصدنا-35-حالة-خلال-عيد-الفطر">رصدنا تحرش-رصدنا-35-حالة-خلال-عيد-الفطر">35 تحرش-رصدنا-35-حالة-خلال-عيد-الفطر">حالة خلال عيد الفطر

تحرش-مئات-الحالات-خلال-العيد">بالفيديوتحرش-مئات-الحالات-خلال-العيد">.. تحرش-مئات-الحالات-خلال-العيد">حملة تحرش-مئات-الحالات-خلال-العيد">"تحرش-مئات-الحالات-خلال-العيد">شفت تحرشتحرش-مئات-الحالات-خلال-العيد">": تحرش-مئات-الحالات-خلال-العيد">مئات الحالات خلال العيد

تحرش">مترو السيداتتحرش">.. تحرش">غرف للتحرش

تحرش-سيد-الموقف">احتفالات ثاني أيام العيدتحرش-سيد-الموقف">.. تحرش-سيد-الموقف">التحرش سيد الموقف

تحرش">بالفيديوتحرش">..تحرش">بنات : تحرش">مش نازلين في العيدتحرش">.. تحرش">وأخريات : تحرش">هنقطع إيد المتحرش

تحرش-في-الميكروباص-متهم-وإن-لم-تفعلها">فيديوتحرش-في-الميكروباص-متهم-وإن-لم-تفعلها">.. تحرش-في-الميكروباص-متهم-وإن-لم-تفعلها">التحرش في الميكروباصتحرش-في-الميكروباص-متهم-وإن-لم-تفعلها">.. "تحرش-في-الميكروباص-متهم-وإن-لم-تفعلها">متهم وإن لم تفعلهاتحرش-في-الميكروباص-متهم-وإن-لم-تفعلها">"


 

  • تعليقات فيسبوك
  • اعلان