رئيس التحرير: عادل صبري 01:35 صباحاً | الاثنين 21 مايو 2018 م | 06 رمضان 1439 هـ | الـقـاهـره 32° صافية صافية

حكايات زوجية.. "تراعينى أراعيك...تهملنى أدوس عليك"

حكايات زوجية.. تراعينى أراعيك...تهملنى أدوس عليك

المرأة والأسرة

خلافات زوجية

حكايات زوجية.. "تراعينى أراعيك...تهملنى أدوس عليك"

سمية الجوهرى 11 سبتمبر 2014 12:32

جوزك دلعك وجابلك هدية فى عيد ميلادك تروحى منعنشة وجايباله هدية فى عيد ميلاده.. مراتك بسطتك وعاملتلك ليلية رومانسية مفاجأة ماكنتش تتوقعها تروح مبسوط منها وتعزمها تانى يوم على الغدا بره البيت.. جوزك طنشك ومافتكرش عيد جوازكوا تروحى إنتى كمان مطنشة وتنكدى عليه وتعيشيه يوم هباب على أصوله عشان نسى المناسبة السعيدة دى.. مراتك تعبانة واعتذرتلك عن عزومة أصحابك تروح تردهلها وماتروحش معاها عند أهلها فى يوم أجازتك.

وده من أهم أسباب فشل العلاقة زوجية" target="_blank">الزوجية.. علاقة الند.. تراعينى أراعيك وأهتم بيك.. تهملنى أهملك وأدوس عليك وعلى أى لحظة حلوة بينا ومافتكرش ليك أى حاجة حلوة.. وتتقلب الحياة زوجية" target="_blank">الزوجية لعلاقة مصالح عاطفيه .. مصالح فى المشاعر والعطاء والحب .. لو حسيت باهتمامك بيا أنا كمان أهتم بيكى.. ولو طنشتينى أنا كمان بعرف أطنش وأتجاهل كويس.. لو عملت فيا معروف أردهولك ولو عاملتنى بإساءة يبقى لازم تُترد فى ساعتها.. وتتحول بعدها الحياة زوجية" target="_blank">الزوجية لحلبة مصارعة بين الأزواج وينتظر كل منهم إعلان إسم الفائز اللى قدر يرد الموقف بطريقة سريعة ومستفزة تجرح التانى وتقل منه ومن كرامته..

معاملة التجار

تقول الاستشارية الأسرية والإجتماعية د.دعاء راجح من خلال صفحتها نصيحة من القلب عن أحد أسباب فشل العلاقة زوجية" target="_blank">الزوجية هى معاملة المثل.. أو معاملة التجار تراعينى قيراط اراعيك قيراط هتعملى كذا هعملك كذا.. مش هتعملى كذا مش هعملك كذا .للأسف تربينا واتغرست فى عقولنا مثل هذه الأفكار السلبية مع انها فكرة بعيدة كل البعد عن قيمنا الاسلامية التى تقول :عامل الناس بما تحب أن يعاملوك به .. لا بما يعاملوك به.

لازم آخد حقى

وتتابع راجح قائلة: فقدنا قدرتنا على العطاء فوق الحب.. فقدنا قدرتنا على التفضل خلاف الواجب.. فقدنا قدرتنا على التغافل والتغافر والتسامح، أصبح العطاء والتفضل والذوق والرقى فى التعامل من قبيل العبط والهطل.الاساءة لابد أن ترد بمثلها .. .لازم آخد حقى .. مفيش أى اعتبار لكون الاساءة دى ممكن تكون مش مقصودة .. .او ممكن تكون خطأ عابر .. ممكن نعديها .. او نعاتب عليها وخلاص .. أو ممكن يكون خلل فى الشخصية مش قادر يسيطر عليه او ممكن الظروف الى حواليه هى الى ضغطت عليه مش لازم كل إساءة تتردو مش لازم تاخد حقك باساءة مثلها ومش لازم تاخد حقك بالاسلوب دا .. .فيه اساليب تانية كتير ممكن تاخد بيها حقك .. وممكن حقك يكون اعتذار او هدية او اى طريقة تانية.

لعبة الحياة

وتختتم الاستشارية د.دعاء راجح حديثها قائلة: أحد الاسباب الرئيسية التى أراها سبب الطلاق هذه الفكرة السلبية التى تسيطر على أفكارنا وتجعلنا نتصرف كأننا فى حرب مع الآخر أو فى لعبة تنافسية مين يكسب فى الآخر ودائما ما أقول : اوعى تحط شريك حياتك فى الفريق الآخر المنافس والمعادى .. فأنتما فريق واحد تلعبان لعبة الحياة سويا لتحقيق الفوز والنجاح سويا.


اقرأ أيضًا:

زوجة-عن-العلاقة-الحميمة-لست-مجرد-عشيقة">الزوجة عن العلاقة الحميمة : زوجة-عن-العلاقة-الحميمة-لست-مجرد-عشيقة">لست مجرد عشيقة

الراجل يا قلب أمه .. مش قادر يفهم الست

أنا لا أكذب ولكنى "بصطاد عريس"

مراتك مش رقٌاصة

عزيزي براد بيت.. "أصيل يا أبو رحاب"


 

  • تعليقات فيسبوك
  • اعلان