رئيس التحرير: عادل صبري 05:28 صباحاً | الاثنين 20 أغسطس 2018 م | 08 ذو الحجة 1439 هـ | الـقـاهـره 37° صافية صافية

عزيزي الزوج المأنتخ "هي مش كوكي بارك.. حضرتك"

عزيزي الزوج المأنتخ هي مش كوكي بارك.. حضرتك

المرأة والأسرة

الزوج المأنتخ

عزيزي الزوج المأنتخ "هي مش كوكي بارك.. حضرتك"

سمية الجوهرى 09 سبتمبر 2014 08:01

عزيزي الزوج.. أوعى تكون من نوعية الرجالة اللى فاكرة إنها لما بتتجوز وتدخل عش الزوجية يبقى كده دخلت عالم الأنتخة "هى مش كوكى بارك حضرتك " ده جواز ومسئولية مشتركة ومساعدة الطرفين لبعض..  والجواز ليه أهداف كتير غير إنك تتجوز واحدة عشان تكنسلك وتمسحلك وتكويلك وتعملك الأكل وكمان تصحيها عشان تجبلك كوباية الميه "هى مش خدامة فلبنية سيادتك دى مراتك ..آه والله زيمبئولك كده.

وصدقني كمان الست المصرية فاهمة كويس أوى إن الراجل لما بيتجوز هو اللى بيتحمل مسئولية الشغل بره البيت وهى اللى بتتحمل مسئولية البيت بكل تفاصيله حتى لو كانت بتشتغل هى كمان عشان تساعد فى وضع المعيشة اللى بقى صعب ده..لكن مافيهاش مشكلة إنك تساعدها باللى تقدر عليه فى أى حاجة فى البيت..مافيش مشكلة لو انت واقف قدام التلاجة ووشك فى وشها "اللى هى التلاجة طبعا " إنك تتعب شوية وتوطى حبتين وتمد إيدك للرف اللى فيه أزايز الميه وتجيب الإزازة وتشرب وتروى عطشك كده"معلش الموضوع يمكن يكون صعب  لكن لما تتعود عليه هاتلاقيه زى شكة الدبوس فى الأول وسهل بعد كده..آه والله زمبئولك كده.

عادى وبتحصل يعنى مش لازم تناديها وتقومها من مكانها أو تصحيها من نومها وإنت واقف قدام التلاجة عشان تجبلك كوباية مية.. هي مش خدمتك الفلبنية اللى ادتهالك الست الحاجة هدية فى يوم فرحك..هى زى مراتك برضه وبتتعب طول اليوم فى شغل البيت ومافيهاش حاجة لما تقدر تعبها وتساعدها شوية  ...

يوم أجازتك

وتصدق كمان عزيزى الزوج المأنتخ مافيهاش أى شبهة جنائية لو يوم أجازتك كده فكرت إنك تساعد مراتك إنشالله فى تحويل الأكل للسفره.. أو لو ربنا كرمك بقى وبقيت مُبزر كده .. تقوم تقولها أنا اللى هاعمل السلطة النهاردة ياحبيبتى.. طبعا هى مش هاتصدق نفسها فى الأول بس عادى اعمل نفسك مش واخد بالك وكمل هدفك للنهاية..يعنى أي حاجة كده تحس بيها مراتك أنك مقدر تعبها وبتساعدها ولو بطبق سلطة.. وابقى ياسيدى استغله  في وسط الخناقات الزوجية اللى جاية بعد كده..  وزلِها بيه مش مشكلة ..فكل ماتتخانق معاك قولها مش فاكرة طبق السلطة اللى عملتهولك الجمعة اللى فاتت "تصدقى إنك مابيطمرش فيك " يعنى هاتلاقي ليه مميزات كتير بعد كده تقدر تستخدمها لصالحك ..آه والله زمئولك كده

عبارة عن موضة

تعلق د.رئيفة رجب، استشاري العلاج السلوكي والمعرفي قائلة : اولا مفهوم الخادمة الفلبينية مفهوم حديث أو بمعني أصح موضة وده تعبير مرفوض  ولكن عندما يعتبر الزوج زوجته جاريه أو مملوكة فهذا يرجع إلي نشأة هذا الرجل أو خلل في تنشئته وأيضا ممكن يرجع إلى تعود منذ بداية زواجه وخدمة الزوجة له من باب التدليل والدلع من بداية الزواج.

رفقا بالقوارير

  وفي كل الأحوال فهذا أسلوب مرفوض من سلبيه الزوج وقد أوصانا الرسول  صل الله عليه بقوله : «رفقا بالقوارير» . ولهذا أقول لكل زوج أن يتفهم وضع المرأة والزوجة أم العيال سواء كانت تعمل وتساهم في أعباء المنزل من مصروفات أو سيده بيت. من اختياره  أن يراعي ما أوصانا به الكتب السماوية من رعاية حق الزوجة في المعاملة والكلمة الطيبة و المساندة العاطفية سواء بالكلام أو المساهمة ببعض المتطلبات الأسرية داخل المنزل فليس عيبا أن يساعدها في بعض أعمال المنزل كلما سنحت له الفرصة فهذا لن يقلل من رجولته بل يزيده احترامًا من أسرته.


اقرأ أيضا: 

عزيزتى-ست-البيت-زوجك-محتاجك-أنثى-مش-محتاجك-آلة">عزيزتى ست البيت عزيزتى-ست-البيت-زوجك-محتاجك-أنثى-مش-محتاجك-آلة">"عزيزتى-ست-البيت-زوجك-محتاجك-أنثى-مش-محتاجك-آلة">زوجك محتاجك أنثى مش محتاجك آلةعزيزتى-ست-البيت-زوجك-محتاجك-أنثى-مش-محتاجك-آلة">"

عزيزى-وهدان-ما-تقوم-تطمن-على-مراتك">عزيزى وهدان عزيزى-وهدان-ما-تقوم-تطمن-على-مراتك">"عزيزى-وهدان-ما-تقوم-تطمن-على-مراتك">ما تقوم تطمن على مراتكعزيزى-وهدان-ما-تقوم-تطمن-على-مراتك">"

مراتك مش رقٌاصة

أرجالزوج-الكيوت-اعتبره-زى-ابنك-برضه">حضرِة الزوج الكيوت الزوج-الكيوت-اعتبره-زى-ابنك-برضه">"الزوج-الكيوت-اعتبره-زى-ابنك-برضه">اعتبره زى ابنك برضهالزوج-الكيوت-اعتبره-زى-ابنك-برضه">"


 

  • تعليقات فيسبوك
  • اعلان