رئيس التحرير: عادل صبري 05:35 صباحاً | الأحد 27 مايو 2018 م | 12 رمضان 1439 هـ | الـقـاهـره 39° صافية صافية

عزيزي براد بيت.. "أصيل يا أبو رحاب"

عزيزي براد بيت.. أصيل يا أبو رحاب

المرأة والأسرة

الجواز وسنينه

عزيزي براد بيت.. "أصيل يا أبو رحاب"

سمية الجوهرى 07 سبتمبر 2014 07:21

يااااه.. قد كده الزوجة المصرية شايفة جوزها بالصورة دى.. شايفاه الراجل اللى مابيطمرش فيه حاجة .. ومابيهونش عليه يشكر مراته على حاجة حلوة عملتها.. ولا الراجل اللى لو مراته زعلانة ومقهورة يعمل المستحيل عشان تبقى مبسوطة وما يخسرهاش.. ولا حتى الراجل اللى بيفضل رومانسي كده وربنا هاديه لبعد الجواز.. ويتمنوا كلهم في الآخر إن اجوازتهم يبقوا زى براد بيت ..ويفضلوا يندبوا حظهم على جوازتهم "الهباب"

براد بيت وعمايله

فى تصريح لبراد بيت عن إنجلينا جولى قال باختصار :إن أنجلينا بعد عمليتها الجراحية "استئصال الثدي " بقت على طول عصبية ومتوترة , ﻓﻘﺪت 30 ﺑﺎوﻧﺪا و أﺻﺒﺤﺖ ﻓﻰ أﻗﻞ وزن ﻟﻬﺎ ﻓﻰ ال35 عاما..وكانت تبكي باستمرار وتشكو من الصداع الدائم وقلة النوم ورفض التمثيل باختصار ﻟﻢ ﺗﻜﻦ أﻧﺠﻠﯿﻨﺎ اﻣﺮأة ﺳﻌﯿﺪة ﻛﻤﺎ وﻋﺪﺗﻬﺎ.

وقال كمان : ﻋﻼﻗﺘﻨﺎ ﻛﺎﻧﺖ ﻋﻠﻰ وﺷﻚ اﻻﻧﻬﯿﺎر ﻣﻤﺎ زاد ﻣﻦ أﻟﻤﻬﺎ اﻛﺜﺮ و رﻓﻀﺖ ﺗﺼﻮﯾﺮ أى دور وأﻫﻤﻠﺖ ﻧﻔﺴﻬﺎ وﻛﻨﺎ ﻧﻔﻜﺮ ﻓﻰ اﻻﻧﻔﺼﺎل ﻓﻌﻼ ﺛﻢ ﻓﺠﺄة اﻧﺘﺒﻬﺖ ... اﻧﺎ ﻣﻌﻰ اﺟﻤﻞ ﻧﺴﺎء اﻻرض ﺑﻞ إﻧﻬﺎ اﯾﻘﻮﻧﺔ واﻟﻤﺜﻞ اﻻﻋﻠﻰ ﻟﻠﻜﺜﯿﺮات ﻣﻨﻬﻦ ﻟﺬﻟﻚ ﺑﺪأت أﻧﺎم ﺑﺠﺎﻧﺒﻬﺎ وأﻋﺎﻧﻘﻬﺎ ﻣﻦ ﻛﺘﻔﯿﻬﺎ وأﻏﺮﻗﻬﺎ ﺑﺎﻟﻮرود و اﻟﻬﺪاﯾﺎ و اﻟﻜﻼم اﻟﺠﻤﯿﻞ اﻟﺼﺎدق وﻛﻨﺖ ﻓﻰ اﻟﻌﻠﻦ ﻻ أﺗﺤﺪث إﻻ ﻋﻨﻬﺎ وأﺷﯿﺪ ﺑﻬﺎ اﻣﺎم أﺻﺪقائنا ﻟﻦ ﺗﺼﺪق ﻣﺎ ﺣﺪث ﻟﻘﺪ ازدﻫﺮت ﻣﺜﻞ اﻟﻮردة ﻣﺮة أﺧﺮى ﺑﻞ إﻧﻬﺎ ﻋﺎدت أﺟﻤﻞ ﻣﻤﺎ ﻛﺎﻧﺖ واﻛﺘﺴﺒﺖ وزﻧﺎ وﻟﻢ ﺗﻌﺪ ﻋﺼﺒﯿﺔ وأﺣﺒﺘﻨﻰ أﻛﺜﺮ ﻣﻤﺎ ﻣﻀﻲ ..ﻟﻢ ﯾﻜﻦ ﻟﺪى ﻓﻜﺮة أﻧﻬﺎ ﯾﻤﻜﻦ ان ﺗﺤﺒﻨﻰ ﻛﺜﯿﺮا ﻫﻜﺬا ثم أدركت شيئا واحدا "المرأة هي انعكاس رجلها".

هوا فيه كده

الغريب بقى إن البوست ده أول ماتنشر على الفيس بوك آثار غضب ستات كتير ..اللى قعدوا ينقموا على رجالتهم يعنى "جيه على الوجيعة " وكل واحدة قامت محركة حاسة الحسد على أنجلينا والنعمة اللى عايشة فيها "هوا فيه كده " وتقريبا جت التعليقات كلها ندب على حظهم مع الرجالة اللى مابتقدرش ولا بتفهم معنى الحب والرومانسية ولا التعامل مع مشاكل الحياة الزوجية وكان من أبرز التعليقات:

تعليق أروى اللى قالت فيه " الزوج المصري كنكه بت مش براد بت )

وأم سلمى اللى قالت (يا رب اجعل من كل ازواجنا براد وحولهم لبرات بيت )

(اللهم بردد كل رجالتنا قولوا أمين ) ده كان تعليق داليا عباس

وكان تعليق صبا بيقول (الزوج المصرى " عليا الطلاق لو ما تعدلتى وبطلتى نكد لارمى عليك اليمين " هذا حالنا )

وندا اللى كتبت (فيك الخير يا براد. اصيل وجدع )

وكان من أظرف التعليقات تعليق يسرا اللى قالت فيه ( الراجل المصرى زيه زى الجنيه المصرى ) اللي أخد لايكات كتير

وعليا اللى ندبت حظها وقالت ( شايفين الرجالة ياموكوس إنت وهوا ده ايه الحظ ده )

وفجر قدمت حل قالت فيه (الحل الوحيد اننا نستورد رجال من الخارج ونصدرهم رجالنا وابقو قبلوني لوالناس ف الخارج متشلوش من الرجل المصري )

( أنا عايزة من براد بيت هنا فى مصر ) كان تعليق شيرين أحمد

وكانت تعليقات الرجالة نادرة جدا لكن كان أبرزهم تعليق لشاب قال فيه ( انتوا عايزين براد بيت على إيه..هوا أنتوا فاكرين نفسكوا أنجلينا جولى..)


 

البداية أساسها الست

ويعلق د.أحمد البحيرى استشاري الطب النفسى قائلا: الستات فاكرة إن المشكلة في الرجالة مع أن البداية أساسها فى الست فببساطة  اللي بتربي الست و اللي بتنقل الثقافة للمجتمع الست والي بتعاني مما صنعت يديها هي  الست.. والستات حافظة سر التقاليد في المجتمع وأحمد شوقي قال "الأم مدرسة "

ويتابع البحيري قائلا :والرجل مشترك أيضا فى تلك المسئولية فهو  المسئول عن التعليم ورؤية التغير في المجتمع وعن قرار تعليم وتثقيف المرأة سواء كانت زوجة أو أم أو اخته او إبنته ..ولاشك أننا تنقصنا طبعا تنقصنا مهارات الزوجية و الوالدية و الكل بيتناقش في المهر و العفش و لا يتناقش في مهارات المقبلين علي الزواج لاستمرار الزواج أو السعادة فيه و يعتبرونه شيئا تلقائي ومن هنا تأتى المشاكل أيضا.


 

اقرأ أيضا:

الملل الزوجي "مصيدة الأزواج الشابة"

"الزوج الغضوب".. شخصية ماتنفعش للجواز

"الراجل القفل" بلاش منه

الزوج وعقدة الانتقام الوهمية

للبنت: ليس كل ما تشاهدينه فى الأفلام هو الحب

أسيب خطيبي ولا الحب هايجي

عزيزي الزوج النايتي.. "مراتك ما اسمهاش وِلية"


 

  • تعليقات فيسبوك
  • اعلان