رئيس التحرير: عادل صبري 07:49 صباحاً | الخميس 20 سبتمبر 2018 م | 09 محرم 1440 هـ | الـقـاهـره 36° صافية صافية

عزيزتى ست البيت "زوجك محتاجك أنثى مش محتاجك آلة"

عزيزتى ست البيت زوجك محتاجك أنثى مش محتاجك آلة

المرأة والأسرة

زوجك محتاجك أنثى

عزيزتى ست البيت "زوجك محتاجك أنثى مش محتاجك آلة"

سمية الجوهرى 28 أغسطس 2014 14:09

فى مقولة شهيرة دايما بيقولها الخبراء الاجتماعيين لما الست تيجى وتشتكى من جوزها وتقول أنا بعمله كل حاجة وقايده صوابعى العشرة شمع عشانه وهوا "مابيطمرش فيه" ولا بيأثر فيه تعبى معاه.. فابيكون الرد الطبيعى دايما من الخبراء اللى وردت عليهم شكاوى ستات كتير من النوع ده هوا "إنك بتعملى اللى إنتى عايزاه مش اللى هوا عايزه" يعنى ممكن تكونى بتعملى كل حاجة لكن هوا مش عايز الحاجات دى كلها هوا عايز حاجة واحدة بس هو عايزك أنثى.. عايز حبك وحنيتك عايز مشاعرك وقلبك..

رومانسية ..أنوثة..حب

ورغم نصائح الخبراء دايما للزوجات وخاصة للمتزوجات حديثا لكن برضه بنشوف مشكال كتير بتشتكى منها الست إن جوزها مابيقدرش اللى بتعمله عشانه..تلاقيها بتقول دايما ده أنا بعمل كل حاجة ليه من تحضير أكل ولبس ومكوة وغسيل وتنضيف بيت ومسيح وتربية أطفال وهوا مش عاجبه ..ولما تيجى تسأل الراجل يقولك آه هى بتعمل الحاجات دى كلها كويس أوى لكنانا مش محتاج ده كله قد مانا محتاج منها الرومانسية معايا,.. أنوثتها فى بيتها. قلبها. مشاعرها .. الخ..

فامتكونيش مجرد آلة مُجردة من الأحاسيس والمشاعر ..آلة مابتعرفش تعمل غير الكنيس والمسيح وتوضيب البيت..وفى الآخر لما الآله تعطل يحس جوزك إنه محتاجها عشان تشتغل ولأنه إتعود عليها.. مش محتاجها عشان بيحبها ومتعلق بيها..

نهمل مشاعرنا

تنصج د.دعاء راجح الإستشارية الأسرية والإجتماعية من خلال نصيحة من القلب ستات البيوت قائلة : فى زحمة الحياة و كثرة المسئوليات و الطلبات و المشكلات ... و ما بين العمل و المطبخ و الاولاد خاصة الصغار و طلبات الزوج ..ننسى قلوبنا تماما نهمل مشاعرنا ...نكبت عواطفناحتى نتحول الى مجرد آلات و اجهزة تعمل من الصباح الى المساء بشكل متواصل و لا تتوقف الا عند النوم

أهم مايميز المرأة

فأهم مايميز المرأة ..قلبها ..عاطفتها ..حنانها ...رقة مشاعرها فإن فقدت هذا تحولت الى آلة ..زى الغسالة والثلاجة و البوتاجاز و المكنسة يستخدمها الآخرون و لا يحبونها ..مع إنها تقدم الكثير و لايمكن الاستغناء عنها نهائى .. تخيلى حياتك بدون غسالة !!!!! أول ما بتعطل ..نتصل علطول بمن يصلحها وأول ماتخرب و مفيش منها أمل ..بنشترى غيرها لأنه لا يمكننا الاستغناء عنها ...و لكن هل نحبها و تتعلق قلوبنا بها ؟؟ بالطبع لا

لا تتحولى الى آلة

وتختتم الاستشارية الأسرية د.دعاء راجح حديثها قائلة :عندما تفقد المرأة عاطفتها تتحول الى هذه الآلة فى نظر زوجها و أبناءها لايمكنهم الاستغناء عنها و لكن إن خربت يشتروا غيرها علطول
الأبناء بعد زواجهم يهملون أمهاتهم.. و الرجل إن فقد قلبك يبحث عن أخرى. فالرجل يحتاج الى رقتك و حنانك و قلبك و عاطفتك أكتر من الأكل و الشرب و غسيل الهدوم و كويها .يحتاج الى إبداء الحب و المشاعر : بالنظرة الحانية .. بالكلمة الرقيقة ...انا احبك ..وحشتنى ... باللمسة الناعمة ...مسكة اليد . ...وضع الايد على الصدر...بالاحتضان الهادئ . ..بالأنوثة.٫ بالقبلة..بالرسالة.. بكل أشكال الحب والرومانسية وإظهار المشاعر٫

 

مراتك مش رقٌاصة

ست-مش-عبد-أسود-خاف-عليها-وخليك-لطيف">الست مش عبد أسود ست-مش-عبد-أسود-خاف-عليها-وخليك-لطيف">(ست-مش-عبد-أسود-خاف-عليها-وخليك-لطيف">خاف عليها وخليك لطيفست-مش-عبد-أسود-خاف-عليها-وخليك-لطيف">)

  • تعليقات فيسبوك
  • اعلان