رئيس التحرير: عادل صبري 04:02 مساءً | الاثنين 19 نوفمبر 2018 م | 10 ربيع الأول 1440 هـ | الـقـاهـره 26° صافية صافية

حضرِة الزوج الكيوت "اعتبره زى ابنك برضه"

حضرِة الزوج الكيوت اعتبره زى ابنك برضه

المرأة والأسرة

اعتبره زى ابنك

حضرِة الزوج الكيوت "اعتبره زى ابنك برضه"

سمية الجوهرى 24 أغسطس 2014 11:09

الزوج من دول يبقى متشطر أوى وعامل فيها سبع رجالة فى بعض وإن هوا المسئول عن كل حاجة تخص إبنه اللى لسه مولود. وعشان هوا الأب والراجل هوا اللى هايسميه ولأن سنة الحياة من وجهة نظره بتقول إنه لازم يسميه على اسم أبوه عشان اسم العيلة يعيش. فقرر يسميه سيدهم ويدلعه ويقولوله ياسيد٫.. "كيوت خالص"٫

حق مراتك

ولما تيجى مراته تدخٌل وإن من حقها تسمى إبنها اسم جديد وهى برضه اللى تعبت فى جمله وتعبت فى ولادته..يقولها أنا أبو الولد ومن حقى أسميه أى اسم وبعدين إنتى عايزة الحج يزعل..طيب مالحج بتاعها برضه اللى هوا أبوها ممكن يزعل عشان عايز بنته تسمى إبنها على اسمه لكن مش مشكلة ده أبوه وهوا المسئول عن كل حاجة عنه وهوا اللى يسميه.. وإذا كان كده ماشى..

عايز أنام

وأول خطوات المسئولية من حضرت الزوج الكيوت.. إن أول مامراته تروٌح من المستشفى هى وإبنها يطردها من الأوضة ويقولها روحى نامى إنتى وإبنك فى قوضة الأطفال ..أنا ماستحملش عياط العيال طول الليل وعايز أنام شوية..طيب حس شوية من اللى لسه قايمة من عملية دى وعايزة جوزها يقف جمبها ويحسسها إنه معاها وشايل مسئولية إبنه.مش يطردها. لا ويقولها كمان إتعودى إنك تنامى لوحدك لحد ما إبنك يتم سنة على الأقل ويبطل عياط بليل..يا أخى إعتبره زى إبنك برضه واعطف عليهم ونيمهم معاك فى الأوضة.

شايل إيدك

وتانى خطوات الإستفزاز من الزوج الكيوت. لما الست تجيبلك حتة عيل تفرح بيه ..إنك تبقى شايل إيدك من كل حاجة تخصه وكأنه إبن الجيران مثلا ومراتك اللى أصرت تربيه وإنت مش موافق..يعنى مافيهاش حاجة لو عيط قوم إعمله الببرونه مثلا ..مافيهاش حاجة لو تغيرله ولا سيادتك بتقرف..ده على أساس إنها مش مفروض تقرف لأنه إبنها لكن إنت مفروض تقرف لأنه إبن الجيران..والله لو اعتبرته زى إبنك مش هاتقرف وتبقى مبسوط إنك تقوم تساعد مراتك فى مسئوليات إبنك الصغير ..

منتهى الاستفزاز

طيب نيجى لتالت خطوة فى خطوات الزوج الكيوت المستفزة ..وإن لو مراته أخيرا عرفت تخطفلها ساعة ولا ساعتين كده وتريح شوية لأنها طول الليل مابتنامش والبيبى اللطيف يصحى ويعيط..يروح الزوج اللطيف برضه يصحيها ويقولها قومى شوفى إبنك عايز إيه..بدل ماتشيله إنت الساعة دى وتلاعبه شوية لحد مايسكت وتهشكه كده "زى إبنك برضه" وتسيبها تريح شوية وتهيألها جو الراحة ده من كتر تعبها..لا ده يروح ويصحيها وهوا بيزعق ومتنرفز كمان..ماهى هى المسئولة بقى مش إبنها .حد قالها تخلفه..صح هى اللى غلطانة..إنها معتبراه زى إبنها وبتتعب عشانه وإنت معتبره إبن البواب مثلا اللى مراتك بتعطف عليه."ماشاء الله كيوت خالص "

آراء مختلفة

تقول نسمة محمود ساخرة 27 سنة ومتزوجة (أنا جوزى بقى حنين خالص عن بقية الرجالة اللى بتطرد مراتتها من الأوضة.. لا هوا يسبنا فى الأوضة ويقفل علينا ويروح ينام فى الريسبشن ويعيش حياته تلفزيون واللاب بتاعه وكل حاجة متوفرة.. ولو طلعت بره بالبيبى يقولى لا بقى انا مش سايبلك الأوضة عشان تيجى تقرفينى أنا هنا.. انا عايز أنام .. مش بقولك ده كيوت خالص.

ويقول مصطفى أحمد 30 سنة متزوج (هى الستات بتزعل ليه مش إحنا بنتعب بره ونجيب لهم فلوس لولادنا طيب ماهما يتعبوا جوة شوية وبعدين لو أنا ماعرفتش أنام بليل مش هاعرف أصحى الصبح أروح الشغل٫٫ ولا إيه؟)

ولكن لآية محمد 26 سنة رأى مختلف عن مصطفى قائلة ( هما كده الرجالة ماعندهاش غير سيرة ما انا بتعب بره دى..لكن الست برضه ليها مسئوليات كتير وبعدين إحنا مش بنقولهم اقعدوا بيهم طول الوقت احنا بس بنطلب انهم يساعدونا وخصوصا لما نكون خلاص تعبانين وجايبين آخرنا وعايزين أقرب حد لينا يشيل معانا مسئولية الأولاد شوية حتى لو ساعه فى اليوم حتى لو هاياخد البيبى يلاعبه ويستكته شوية يعنى أى مشاركة نحس إنهم بيحسوا بينا وغن الطفل ده إبنه مش ابن الجيران)


عزيزى-الزوج-إزاى-تحرق-أعصاب-مراتك">عزيزى الزوجعزيزى-الزوج-إزاى-تحرق-أعصاب-مراتك">.. "عزيزى-الزوج-إزاى-تحرق-أعصاب-مراتك">إزاى تحرق أعصاب مراتكعزيزى-الزوج-إزاى-تحرق-أعصاب-مراتك">"

  • تعليقات فيسبوك
  • اعلان