رئيس التحرير: عادل صبري 08:46 مساءً | الأحد 23 سبتمبر 2018 م | 12 محرم 1440 هـ | الـقـاهـره 34° صافية صافية

بتحبى على الفيس.. "جتِك خيبة "

بتحبى على الفيس.. جتِك خيبة

المرأة والأسرة

الحب على الفيس

عن حب البنات

بتحبى على الفيس.. "جتِك خيبة "

سمية الجوهرى 23 أغسطس 2014 12:04

تلاقى البنت من دول كاتبة الحالة الاجتماعية "مرتبطة" وتعدى سنة ورا سنة ولسة مرتبطة..إيه يا بنتى إنتى مش ها تتخطبى بقى؟ معلش أصل عنده ظروف شوية.

طيب ما يجى يتقدم لباباكى .لا مش هاينفع لأنه قالى إنه عايز يجي وهوا جاهز من كله..طيب وإنتى مصدقاه..آه طبعا ده بيحبنى جدا وعلى طول مهتم بيا ومابيرضاش يخرج مع أصحابه ويسهر معايا على النت وبقالنا كذا سنة ومابيعرفش غيرى خالص..طيب إنتى إيه اللى خلاكى واثقة فيه كده..إحساسى..

آآه قولتيلى إحساسك "جتِك خيبة " ..وده آخرة الحب على الفيس إحساسك..

الواد الجان

قاعدة تحبيلى على الفيس مع واحد ماتعرفيش حاجة عنه غير صورته اللى يمكن عاملها فوتوشوب عشان يبان الواد الجان المقطع السمكة وديلها.. مع شوية كلام من بتوع السيما متزوقين. وفى الآخر تقوليلى عايشة قصة حب ..طيب ماهو لو راجل وشاريكى يجى يحوٌل الخيال ده لواقع ويكلم أهلك حتى لو عنده ظروف يشرحها ليهم ويبين لهم موقفه..مش قاعد مثبتك بكلامه وحبه اللي عدٌى حب روميو وجوليت بمراحل..ولو يوم ماتكلمتوش على الفيس ياحرام يموت ويتعذب وإنتى فرحنالى بكلمة مرتبطة ورافضة العرسان اللى بيتقدمولك عشان خاطر حبيبك اللى بيضحى عشانك ومابيرضاش ينزل الكافية مع صحابه عشان يقعد يدردش معاكى لأنك ياحبة عينك مخنوقة اليومين دول "جتِك خيبة "

مجرد كلام

تعلق د.دعاء راجح الإستشارية الإجتماعية من خلال صفحتها نصيحة من القلب على ظاهرة حب البنات على الفيس قائلة : البنات الى بتحب على الفيسهو قاعد يقول لك كلام حبو يظهر اهتمامه بيكى بالكلامو بيغير عليكى بالكلامو حنين اوى بالكلامو بيموت فيكى كلامو يشاركك احزانك و افراحك و همومك و مشاكلك بالكلامو بيتكلم معاك بالساعات عن نفسه و حياته ..كلام
و بيتجوزك و بيحلم معاك بالمستقبل بالكلام>ناوية ان شاء الله تجيبوا أطفال .....بالكلام برضه

تلاعب وعذاب

وتتابع دعاء راجح نصيحتها للبنات قائلة : ان لم يظهر من تحبين أى مبادرة الى أى فعل يتحرك فيه من أدام موبايله او الكومبيوتر بتاعه ..علشان خاطرك ...يبقى دا راجل بتاع كلام و بسما أسهل الحب بالكلاموما أروع الحب بالكلامبس فى النهاية لازم أفعال تثبت ان هذا الكلام حقيقى و صادق و من قلبه فعلاالبنات بتقع كتير فى الحب و تتعذب كتير لما تكتشف التلاعب بيها ....و دا بيأثر على حالتك النفسية و حياتك الزوجية فى المستقبللما يجيلك زوج رائع بتاع أفعال مش كلام .......و انت تفضلى مشتاقة للكلام لانك اتعودتعلى الحب بالكلام ..لا هتقدرى تحبى جوزك و لا هتقدرى تنسى كلام من كنت تحبين.


 

حب-هايجي">أسيب خطيبي ولا الحب هايجي

  • تعليقات فيسبوك
  • اعلان