رئيس التحرير: عادل صبري 09:35 مساءً | الأربعاء 12 ديسمبر 2018 م | 03 ربيع الثاني 1440 هـ | الـقـاهـره 22° غائم جزئياً غائم جزئياً

عزيزى الزوج.. "إزاى تحرق أعصاب مراتك"

عزيزى الزوج.. إزاى تحرق أعصاب مراتك

المرأة والأسرة

ارحم اعصاب مراتك

سياسة حرق الدم

عزيزى الزوج.. "إزاى تحرق أعصاب مراتك"

سمية الجوهرى 14 أغسطس 2014 12:25

(جوزى بيتفنن فى حرق أعصابى كل يوم.. ومهما اعمله مافيش فايدة ..ده كأنه متجوزنى عشان يحرق فى اعصابى وينكد عليا مش عشان يسعدنى ويفرحنى) جملة سمعتها كتير من بنات لسه متجوزة يعنى فى سنة أولى جواز ومنهم اللى عدى عليهم كذا سنة لكن النتيجة واحدة والشكوى واحدة وهوا جوزى طول اليوم بيحرق فى أعصابى لحد ما قربت أتجنن منه خلاص.٫ عن طريق استخدام "سياسة حرق أعصاب مراتك"٫٫


 

إزاى تحرق أعصاب مراتك

الحقيقة إن السؤال اللى بيجى على ذهن اى حد هو إزاى الزوج بيحرق أعصاب مراته..والإجابه هانلاقيها فى بوست اتنشر على الفيس بوك من فترة تحت عنوان للرجال فقط بيوضح الطرق اللى ممكن يستخدمها الزوج فى التنكيد على مراته  وحرق اعصابها وكان منها :

فى عيد ميلادها وقبل ماتقولها كل سنة وانتى طيبة قولها والله كبرتى ياحبيبتى وهاتلها هدية "كريم لمعالجة تجاعيد الوجه "
فى وقت تلاقى مراتك عاملة رجيم روح انت بقى زى الشاطر كده وعبى التلاجة بما لذ وطاب من الأكل والحلويات عشان تحرق دمها
دايما انتقد اكلها وطريقة تنضيفها للبيت وترتيبها لكل حاجة بتعملها
اعمل نفسك هتنام وانت بتتفرج على التلفزيون وأول ماتمسك الريموت منك .خده منها تانى وقولها ده انا مستنى برنامج من الصبح عايز اتفرج عليه
بعد ماتيجى تقعد جنبك بعد يوم تنضيف للبيت..قولها ممكن تقومى تعمليلى أكل عشان حسيت بالجوع فجأة


 

وبكدة تأكد عزيزى الزوج إنك هاتحرق اعصاب ودم مراتك وبجدارة وبدون منافس..وكانت فعلا تعليقات البنات ان دى الطرق اللى بيستخدمها الأزواج مع زوجاتهم عشان يجبولهم شلل أطفال متأخر من تصرفاتهم اللى تحرق الأعصاب وفى منهم اللى قال ده انا جوزى بيعمل اكتر من كده بكتير عشان يحرق دمى ..


 

ارحم أعصاب مراتك

ولكن للدكتورة دعاء راجح الاستشارية الأسرية رأى آخر فى الأسباب اللى بتحرق اعصاب الزوجة حيث تقول من خلال نصيحة من القلب : إن البنت بتتجوز عشان تحس بالأمان والسكن.. أى الأمان المعنوى والمادى وفى تصرفات إنت بتعملها بتفقدها الإحساس بالأمان وبتخليها دايما متوترة وعصبية ومنها :

1- تصرفاتك غالبا بتفقدها هذا الاحساس بالأمان و بتخليها دايما عصبية ومتوترة

2- حديثك و نظراتك للنساء فى الحقيقة او على التليفزيون و صفحات الانترنت

3- ادمانك الافلام و القنوات و الصفحات الاباحية

4- الشات مع البنات سواء كان شات محترم او غير محترم

5- ذكرك لغيرها من النساء و ابداء اعجابك بهن و نظراتك لهن
6- ارتباطك بالموبايل و عمل باسوورد و خوفك من انها تلمسه\

وفيه ستات بتحس بزوجها من نظرات عينيه و حركاته المتوترة و ذهنه الشارد لما يكون بيفكر فى واحدة تانية
تصرفاتك دى بتزرع الشك فى قلبها.. و تحسسها دايما بعدم اخلاصك ليها.. و انك ممكن ترميها فى أى وقت و تدور على غيرها.. و انك فاقد القدرة على الحفاظ على قلبك و تفكيرك فى غيرها

وده كان من رأيها إنها أسباب تكفى لحرق أعصاب الزوجة واحساسها بالتوتر والقلق طول الوقت حيث قالت فى النهاية : لو عايز تعيش فى سلام و هدوء تحكم فى تصرفاتك لكن لا تنشد ابدا الحب و انت غير قادر على منحه


 

نعم.. أنا زوجة" target="_blank"> زوجة سلبية ومجرد كرسي في البيت

الحب بين الأزواج.. يتعفن بالإهمال

الزوجة عن العلاقة الحميمة : لست مجرد عشيقة


 

  • تعليقات فيسبوك
  • اعلان