رئيس التحرير: عادل صبري 05:12 صباحاً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية
مراتك مش رقّاصة

المرأة والأسرة

مراتك مش رقاصة

مراتك مش رقّاصة

سمية الجوهرى 03 أغسطس 2014 06:35

(أنا نفسى أتجوز رقاصة..ياااه لو مراتى زى بتوع السينما دول وبنات الفيديو كليب..هوا فى أحلى من الرقص والدلع مع صافيناز ..أحلى من الرقص مافيش..الخ )..

كلمات وعبارات أصبحت تتردد كثيرا بين الشباب والرجال من خلال تعليقاتهم على الفيس بوك أو من خلال أحاديثهم الترفيهية على القهاوى والكافيهات أو حتى على سبيل الدردشة فى أماكن العمل أو الدراسة فى أوقات الراحة..وبذلك بنية الهزار أحيانا..وتارة أخرى بنية الأمانى والأحلام (إن مراته تبقى رقاصة ) ..وعلى الجانب الآخر تجد أيضا بوستات لفتيات كثيرات على الصفحات الخاصة بالبنات على الفيس بوك تقول ( أنا جوزى عايزنى أبقى كل حاجة من البيت من أول الام والبنت والمربية والخادمة والطباخة وفى الآخر يقولى عايزك تبقى رقاصة آخر الليل طب ده على أساس إنى سوبر وومن) ..

مش عيب

مش عيب إن مراتك ترقص..ولا عيب إن مراتك تدلع عليك ..لكن العيب إنك تبقى عايزها زى صافيناز وهيفا وبتوع التت مثلا ولما تشوف واحدة منهم تبصلها و تقولها شوفتى الجمال والدلع..شوفتى الأنوثة اللى على أصولها..مش البومة اللى متجوزها ووشى فى وشها طول النهار..شوفتى صافيناز عاملة إيه ..وتقعد تتملى فى جمالها ودلعها وتنزل كليباتها وتشير فيديوهاتها .وإنت على الجانب التانى قاعد تقرف مراتك طول النهار ونازل فيها طلبات وزعيق وعصبية وشغل بيت وفى آخر الليل تطلب منها تكون رقاصة وفتاة ليل وتقولها كله بالحلال..


 

ستات عادية


تقول د.دعاء راجح المستشارة الأسرية والإجتماعية :الراقصة وفتاة الفيديو كليب والقنوات والمواقع الاباحية ...دول ستات عادية جدا زيى وزى أختك ومراتك وبنتك 
بس دول ستات شغلتها اللى بتاكل منها عيش إغراء حضرتك 
وكل ما تتفنن فى هذا .. كل ما أجرتها بتزيد 

زى حضرتك ما بتكون مهندس كومبيوتر هايل ..وسايب كومبيوتر البيت بايظ بقاله سنتين ...علشان أكل العيش 
وزى ما حضرتك دكتور أد الدنيا ...و عندك أمراض الدنيا كلها 
وزى المثل ما بيقول : باب النجار مخلع 

وتتباع راجح حديثها قائلة : إنك تطلب حضرتك من زوجتك انها تكون زى الى انت بتشوفها...دى حاجة فوق الطاقة زى بالظبط لما تطلب من عامل نظافة يصلح الكومبيوتر والا تطلب من سباك يعمل عملية جراحية 

مش فتاة ليل

زوجتك ليست راقصة وليست فتاة ليل بتاخد أجرتها آخر كل ليلة .زوجتك ممكن تجتهد فى إمتاع حضرتك ..لكن أجرتها الوحيدة اللى ممكن تشجعها على كدة هى حبك واهتمامك ومساعدتك ورعايتك ليها.الزوجة أجرتها معنوية ...وان لم تعطها ما تريد ..لن تعطيك ما تريد ...
أعتقد انها حسبة عادلة جدا ..ما يثير المرأة و يجعلها فعلا محبة للتفنن فى هذا الجانب هو حبك و اعجابك و كلماتك العاطفية قبل الجنسية 

الحب والمشاعر الجميلة

وتختتم الاستشارية الأسرية دعاء راجح رأيها قائلة :من فضلك لا تتعامل مع مراتك زى ما بتتعامل مع البنات القذرة اللى انت بتعمل شات معاهم مراتك مفتاحها الحب والمشاعر الجميلة النبيلة والحوار العاطفى الرومانسى ولبسك وعطرك و نظافتك ..وليست الكلمات و الحركات الجنسية الوضيعة 



اقرأ أيضًا:

 


 

  • تعليقات فيسبوك
  • اعلان