رئيس التحرير: عادل صبري 11:17 صباحاً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

خلافات العيد.. طازة وفريش

خلافات العيد.. طازة وفريش

المرأة والأسرة

خلافات العيد

خلافات العيد.. طازة وفريش

سمية الجوهرى 29 يوليو 2014 12:28

هناك نوع معين من الخلافات بين الأزواج تشتعل شرارتها من أول يوم العيد وأحيانًا من يوم وقفة العيد.. وهوا نوع مختلف عن بقية الخلافات السنوية لأنها لا تنشأ إلا في العيد "يعني خلافات طازة وفريش  "

صلاة العيد

صلاة العيد هي بداية قصة الخلافات "الطازة" في أول يوم العيد .

تقول مروة هشام متزوجة 27 سنة "كل واحد مننا أنا وجوزي بيحب يصلي العيد عند مكان بيت عيلته عشان يقابل أصحابه بتوع زمان وقرايبه وأهله ومن هنا بيبتدي الخلاف الصبح أنا نفسي أروح أصلى في المكان اللي بحبه هوا كمان لدرجة إن فى سنة جوزى قالى خلاص روحى صلى إنتى مع اهلك وقرايبك وانا كمان هاروح اصلى مع أصحابى عشان نحل المشكلة.

وعن محمد خالد 35 سنة يقول ( مفيش عيد بيمر علينا غير لما أتسأل السؤال ده هانصلي العيد فين عندنا ولا عندكم ؟ وتقعد تقنع فيا وأنا أقعد أقنع فيها.. لحد ماتوصلت لحل أقنعتها إننا خلاص هانصلي العيد في الجامع اللي تحبيه اللى جمب بيت عيلتك ونقضى اليوم عند أهلى وكده نبقى خالصين.. وهى واقفت على الموضوع ده بس بتعتبر في الآخر إن ضحكت عليها وانا المستفيد أكتر.

عند أهلي ولا أهلك

يقول مصطفى أحمد 29 سنة متزوج (والله في العيد كل واحد مننا بيبقى عايز يقضي أكتر وقت مع أهله لأنه فرصة بتبقى أجازة وطول السنة الواحد بيبقى مشغول ومراتي في نفس الوقت بتبقى حابة تتجمع مع أهلها وعيلتها فانيجى عند أول مشكلة هانقضى أول يوم العيد عند مين .وأنا من الطبيعى بحب اقضيه مع أمى واخواتى وهى كمان وبعد اختلافات ومناقشات ومجادلات اتفقنا اخيرا اننا بعد صلاة العكس وهكذا.

شيماء عبد المنعم 33 سنة تقول ( هانقضى العيد عند مين ده مصدر الخلاف بيني وبين جوزي في كل عيد من ساعه ماتجوزنا لأنه دايما يقول طبيعى عند أهل الزوج أكتر وخصوصا أول يوم العيد وانا كمان ببقى شايفة من حقي أنى أقضيه عند ماما وبابا وتاني يوم اخواتى بيتجمعوا وهوا كمان اخواته بيتجمعوا وكل واحد بيبقى عايز يروح وياخد التانى معاه لأن ده عيد ..وبينتهى فى الآخر إننا نروح شوية هنا وشوية هنا.

 

أصحاب العيد ومناسبات العيد

تقول فاطمة محمد 24 سنة متزوجة ( أنا أول عيد يمر عليا أنا وجوزى وكنت فاكرة إن أجازة العيد هانقضيها كلها مع بعض لكن طلع الواقع غير كده ..لاقيت العيد بالنسبة له زى ماهوا حابب يقضيه معايا كمان حابب يقضيه مع أصحابه ويخرج معاهم وأنا بصراحة بضايق من الموضوع ده لأنى بحس إن العيد عيد الأهل والأقارب مش عيد الأصحاب.

محمد سمير 27 سنة يقول ( زى ماهما بيضايقوا إننا بنخرج مع أصحابنا فى العيد أنا كمان بضايق من مناسبات العيد بتاعت البنات دى .مرة تقولى خطوبة بنت خالتى .فرح صحبتى الأنتيم..عيد ميلاد مش عارف مين..ومابنخلص من موضوع هانروح النهاردة عند كذا..وهوا العيد فيه كام يوم أصلا ..وقولتلها في الآخر طنشينى في موضوع مناسبات العيد دى.

  • تعليقات فيسبوك
  • اعلان