رئيس التحرير: عادل صبري 06:52 مساءً | الخميس 15 نوفمبر 2018 م | 06 ربيع الأول 1440 هـ | الـقـاهـره 26° صافية صافية

أنا والكحك والميزان المطرشق

أنا والكحك والميزان المطرشق

المرأة والأسرة

وزنك بعد العيد

فى العيد "تذوق فقط"

أنا والكحك والميزان المطرشق

سمية الجوهرى 27 يوليو 2014 09:30

قانون الجهاز الهضمي بيقول: من الطبيعي بعد صيام 30 يوما والامتناع عن الأكل والشرب طول النهار أن الأكل بعدها يكون بالتدريج  وخاصة بعد صلاة العيد.. يعنى ناكل بالتدريج وبكميات قليلة وخصوصا من حلويات العيد زي الكحك والبسكوت ويا ريت نتبع نظرية تذوق فقط من كل حاجة إنت بتحبها.. ولكن لأن الإنسان المصري له شخصية مستقلة ومختلفة بل ومبدعة. ماقتنعش بالقانون ده وعمل ليه قانون خاص بيه ونظرية مختلفة بتقول "كُل اللى إنت عايزه من كحك وبسكوت وبيتي فور وغريبة وشيكولاتات وحلويات وكشرى ومحشى ورنجة ..يعنى كُل اللى نفسك فيه ومش مشكلة بعد العيد لو لاقيت جهازك الهضمى معاه ربنا من عمايلك فيه ووزنك زاد والنتيجة ميزانك طرشق منك..

انتقال سلمي من رمضان للعيد

تقول د.حنان أمين مدرس بقسم التغذية وعلوم الأطعمة- كلية الاقتصاد المنزلي – جامعة حلوان :العيد على خلاص بكرة والكل فرحان ومبسوط ماعدا واحد بس هو اللي قلقان وحاطط ايده على قلبه وهو طبعا الجهاز الهضمي لأنه عارف اللي بيحصله أول يوم العيد بعد ما كان مستريح 30 يوم والايام دي أفضل أيام بالنسبة له. وعشان ننتقل انتقال هادئ من رمضان للعيد وتعدى الأيام من غير مشاكل بالجهاز الهضمي هتكلم في أهم نقطتين.

  1. كمية الأكل

لازم نخلي بالنا أن جهازنا الهضمي اتعود على نظام غذائي مختلف عن باقي ايام السنة، فالجهاز الهضمي يكون في حالة استرخاء خلال اليوم ويبدأ في إفراز العصارة الهاضمة قبل أذان المغرب وعليه فبيكون صباحا واللي هو أول يوم العيد غير مستعد إطلاقا لاستقبال كميات كبيرة من الطعام في فترة النهار طيب الحل إيه؟ الحل أننا نتبع سنة نبينا محمد صلى الله عليه وسلم وناكل تمرات قبل النزول لصلاة العيد وبعيدين نبدأ نزود كمية الأكل تدريجيًا خلال اليوم- المضغ جيدًا والأكل ببطء. – ولا تنسوا تناول كميات من السوائل (ماء- عصائر طبيعية -..............)

  1. نوعية الأكل

طبعا كلنا بنستنى عيد الفطر بفارغ الصبر عشان حلويات العيد زي الكحك والبسكويت والبيتي فور والغريبة والذى منه وما لذَّ وطاب من مطبخنا المصري الجميل ولكن نصيحة يجب اتباع قانون تذوق فقط فحلويات العيد (كحك- بسكويت- بيتفور- ....................الخ) كل تكوينها من سمن وسكر ودقيق وطبعا دي كلها كوارث إذا أكلنها بكميات كبيرة لأنها تحتوي على سعرات حرارية كبيرة جدا، وتسبّب اضطرابات بالجهاز الهضمي طبعا، بالإضافة إلى مشاكل صحية خطيرة لمن يعانون من أمراض القلب والسكر . أنا عارفة طبعا اننا في العيد وزيارة الأقارب وكل ماهنروح لحد هيقدملنا طبق العيد ولازم نخلصه كله على الآخر لكن تذكر قانون تذوق فقط لأنك أنت الوحيد اللي هتعاني لما تروح من آلام رهيبة بالمعدة ولتجنب ذلك حاول أن تتذوق فقط.

3- وهناك عادة سيئة جدًا وهى الإفطار في أول يوم العيد على سيجارة وبالنسبة لمدمني قهوة والشاي الإفطار على قهوة أو شاي طالما قدرت طوال شهر رمضان الامتناع عن تناولهم يبقى هتقدر تكمل بعد رمضان لأنها عادة مدمرة جدا للمعدة وتسبب التهابات في المعدة والمريء.

4- حاولوا بقدر الإمكان تجنب الوجبات المحمرة والمسبكة في أول أيام العيد لأنها هتسبب مشاكل للمعدة وعسر هضم ونحاول نستبدلها بوجبات مشوية أو بالفرن وأكلات نى فى نى

5. - استبدال الحلويات الشرقية بالفاكهة . وكل سنة وأنتم طيبين وعيد سعيد بدون مشاكل صحية إن شاء الله

اقرأ أيضًا:

 

  • تعليقات فيسبوك
  • اعلان