رئيس التحرير: عادل صبري 05:36 مساءً | الاثنين 24 سبتمبر 2018 م | 13 محرم 1440 هـ | الـقـاهـره 34° صافية صافية

السعادة الزوجية = تغيير القناعات والأفكار

السعادة الزوجية = تغيير القناعات والأفكار

المرأة والأسرة

نصائح لتصبح أسرتك سعيدة

السعادة الزوجية = تغيير القناعات والأفكار

الزواج مشروع لتوفير الإحتياجات النفسية والعاطفية

سمية الجوهرى 30 أبريل 2014 06:41

 من منا لا يحلم بسعادة زوجية فى بيته ومع أسرته وأبنائه..من منا لا يسعى الى تحقيق مكسب مُرضى فى مشروع حياته الزوجيه..ومع ذلك ورغم ذلك الإصرار والتحدى يشتكى معظم الأزواج من ضياع تلك السعادة ورغم دخول الحب من الباب إلا أنه يهرب دوما من الشباك حتى تطير معه السعادة الزوجية.. فكيف تتم حل تلك المعادلة لكى يتحقق هذا الحلم..تابعوا سطورنا القادمة.

 

  لا توجد سعادة مطلقة

 تقول د.دعاء راجح المستشارة الإجتماعية والتربوية التى تعمل فى مجال الإرشاد الأسرى :"عندما نتحدث عن السعادة الزوجية ...هى لاتعنى انها سعادة مطلقة  السعادة المطلقة دى فى الجنة بس ,لكن هى علاقة يغلب عليها السعادة .و السعادة فى العلاقات ليست طريق واحد .كل علاقة زوجية لها خصوصيتها تماما" .

وتضيف : "من الأنانية البحث عن سعادتك الشخصية و اجبار الآخر على اسعادك . فهذا يسبب الفشل فى العلاقة .لكن لو كل طرف أخبر الثانى بما يسعده .و لو كل طرف منهما قرر انه يسعد الآخر ستتحقق السعادة".

 

تغيير القناعات والأفكار

وتتابع د.دعاء راجح حديثها قائلة :ستظل السعادة الزوجية حلم خيالى حتى تتغير القناعات و الأفكار الخاصة بالزواج لكلا الزوجين و أهم تلك القناعات :

  • الشباب المقدمين على الزواج يعتبر الزواج انه اولاد و تربية و مذاكرة و رعاية و خدمة و شغل بيت و شغل لتوفير طلباتهم فقط.
  •  الزواج و العلاقة الزوجية الهدف الاساسى منها توفير السكن و المودة و الرحمة لطرفى العلاقة .
  • الزواج مشروع لتوفير الاحتياجات النفسية و العاطفية للزوجين ...وهذا هو الاولوية الاولى التى يجب أن نحافظ عليها (لو توفرت فى كل واحد فيهم سيؤدى دوره على اكمل وجه.الراجل هيشتغل و يتعب و هو سعيد ومتحمس.و هى هتربى و تدير البيت و هى سعيدة و عايزة تنجح).

 

الزوج أهم من الأولاد

وتضيف المستشارة قائلة ( المرأة لازم تفهم ان جوزها أهم و أولى من اولادها .يمكن دى نقطة تصدم الكثير من المصريات عندنا .بس فعلا اتضح علشان تربى ولادك صح لازم علاقتك بزوجك تكون جميلة .طول ما علاقتها بيه متوترة طول ما هتطلع غلبها و ضيقها و قرفها على اولادها و طول ما هيبقى فيه خلاف دائم على اسلوب التربية و الولاد مش هيتربوا صح.لازم تحافظى على علاقة سوية سعيدة مع زوجك ..علشان ولادك يتربوا صح.جوزك مش مخلوق علشان يسعدك ...جوزك مخلوق علشان تسعديه وتساعديه على أداء مهمته ).

 

  نصيحة للزوج

وتختتم د.دعاء راجح  المستشارة الاجتماعية حديثها بنصيحة للزوج أيضا قائلة ( الزوج لازم  يفهم ان مش كل دوره انه يروح الشغل و يجيب فلوس .لازم يفهم انه مسئول عن علاقته بزوجته و اشباعها من الحب و الحنان و الامان ...دا هيخليها سعيدة .و بالتالى هتقدر تسعده و تسعد اولاده و تربيهم صح .الست مش مخلوقة علشان تريحك ..الست مخلوقة علشان تريحها و تساعدها على اداء مهمتها ).

 

 

  • تعليقات فيسبوك
  • اعلان