رئيس التحرير: عادل صبري 07:18 صباحاً | الخميس 20 سبتمبر 2018 م | 09 محرم 1440 هـ | الـقـاهـره 36° صافية صافية

الحب من طرف ثالث ... علاقة غير مكتملة الأطراف

الحب من طرف ثالث ... علاقة غير مكتملة الأطراف

المرأة والأسرة

الحب من طرف ثالث علاقة غير سوية

عن تقاليع الشباب فى الحب..

الحب من طرف ثالث ... علاقة غير مكتملة الأطراف

سمية الجوهرى 29 أبريل 2014 06:37

لم نكن نعرف من قبل ( مصطلح طرف ثالث ) إلا بعد ثورة يناير .حيث كان الطرف الثالث هوا الشماعة التى تبرر أى فشل سياسى أو تقصير أمنى .أو كانت تستخدم بهدف إحداث تشويش عقلى يُرجى به تزييف الحقائق وتغييب الناس ..ولكن لسنا بصدد الكلام عن ذلك النوع (من الطرف الثالث) ..لأن هذا المصطلح لم يستخدمه الساسه فقط بل استخدمه الشباب أيضا  فى التعبير عن علاقاتهم العاطفية المتشابكة  .وبذلك أضاف الشباب فى سجلهم العاطفى نوع آخر من الحب وهوا (الحب من طرف ثالث )..

 

ماهو الحب من طرف واحد وطرفين

عندما تجد شخصا معذب من حكاية حب ..فلا تحتاج الى عناء التفكير لأنك ستدرك جيدا أنه ( بيحب من طرف واحد ).وعندما تجد العيون هائمة والأيدى متشابكة والقلوب متآلفة )فإنك حتما أمام الحب الطبيعى والمتعارف عليه وهوا الحب المتساوى والذى يجذب طرفين متكافئين فى المشاعر والأحاسيس والمقومات التى تدفعهم الى الزواج وهوا ( الحب بين طرفين )

                       الحب من طرف ثالت(عذاب أم تحدى )

لكن هذا النوع الجديد من الحب الذى نتج من خلال اختلاط الشباب بالبنات فى الجامعات والعمل والنوادى والمواصلات.. والذى انتشر بصورة  أكبر بسبب العلاقات المفتوحة خلف أضواء الشاشات عبر مواقع التواصل الاجتماعى وخبايا الإنترنت وغيرها وهوا ( الحب من طرف ثالث) وهوا الأكثر تعقيدا من الحب من طرف واحد لأنه عادة الطرفين الآخرين يكونا مرتبطين ويأتى طرف ثالث يحب أحد الأطراف المرتبطة سواء كان شاب أو فتاة .( يعنى بيكون هناك شخصين  بيحبوا بعض وهناك طرف ثالث (شاب او بنت  يحب أحد الاطراف ) والتى تتحول معه فى النهاية إما للعبة تحدى لجذب الطرف الذى يحبه اليه وخطفه من عُهدة الطرف المرتبط به فى الأصل..أو الدخول فى دوامة العذاب والعيش فى دور الضحية الذى يموت شهيدا من أجل قصة حب ليست من حقه أصلا لأنها قصة غير مكتملة الأطرف

 

                              قصص من واقع (الطرف الثالث )

تقول سمر حمدى 20 سنة طالبة فى الجامعة ( مع انى مخطوبة لزميل ليا من النفس الجامعة واصحابى كلهم عارفين كدا..الا ان فى زميل لينا تانى بيحبنى جدااا وعارف انى بحب خطيبى ومش راضى يتنازل عن الحب ده او يدور على حب تانى..وبيحاول دايما يجذبنى لحبه على امل انى اسيب خطيبى واحبه..انا مش عارفه ايه اللى خلاه يحط نفسه فى العلاقة دى ويحشر نفسه بين اتنين هوا عارف كويس اوووى انهم بيحبوا بعض جدااا..وعايشلى فى دور الضحية اللى ممكن تضحى باى حاجة عشان خاطر اللى بيحبها ..)

وعن ايهاب خاطر 35 سنة مهندس كمبيوتر يقول ( انا متجوز بقالى 7 سنين والحمد لله فى علاقة طيبة مع مراتى..لكن من فترة جت زميلة لينا فى الشغل مش متجوزة ولا مخطوبة..ولاحظت من يوم ما جت انها بتقرب ليا وانا كنت دايما ببعد عنها..لحد ماعرفت من زميلة ليها انها بتحبنى جدااا لا ومتيمة بيا كمان..قلت سبحان الله ايه اللى خلاها تسيب نفسها لقصة حب مش متكاملة وهى عارفه انى متجوز وبحب مراتى ..ليه تحب من طرف تالت وتسيب العلاقة الطبيعية فى الحب بين الاتنين يعنى الحب من طرفين فيه تكافؤ مابينهم )

 

 
                  عن طريق الإنترنت

 

تضيف هبة مجدى على قصص الحب من طرف ثالث قصة حب زميلتها عبر الإنترنت فتقول ( ليا واحدة صحبتى بتكلم شباب كتير على الانترنت وتحت اسم الصداقة ..لكنها وقعت فى قصة حب مع واحد هى عارفه انه مرتبط بواحدة بقاله فترة وهايتجوزها وعلى الرغم من كده بتحبه ومش عايزة تتخطب لحد تانى ومستنياه هوا لدرجة ان الموضوع قلب معاها تحدى لا هى للبنت اللى بيحبها..ومصممة انه تخليه يحبها ويسيب اللى مرتبط بيها..وهوا كل ده ولا يعرف فاكر انه بيكلم واحدة صديقته وخلاص..لأن فى ناس ماتبقاش متوقعه ان حد يدخل نفسه فى قصة حب وهوا عارف انى اللى بيحبه ده مرتبط بطرف تانى فايجى يدخل نفسه فى طرف ثالث )

 

  • تعليقات فيسبوك
  • اعلان