رئيس التحرير: عادل صبري 03:25 مساءً | الأربعاء 15 أغسطس 2018 م | 03 ذو الحجة 1439 هـ | الـقـاهـره 37° صافية صافية

"أحبه ولكن أرتاح لآخر".. هل أنا خائنة؟

"أحبه ولكن أرتاح لآخر".. هل أنا خائنة؟

04 فبراير 2014 09:20

السؤال: أنا اسمى ندى عندى 21 سنة فى 3 جامعة

مرتبطة بشخص بقالى اكتر من سنة واحنا بنحب بعض جدا وبصراحة انا ماشوفتش منه حاجه وحشه لحد دلوقتى، المشكله بقى أن بيتقدملى عرسان كتير وانا دايما برفض بس بابا صمم عليا أن انا لما يتقدملى حد لازم اقعد معاه واشوفوه الأول قبل ما ارفضه وده فافعلا حصل جالى عريس كويس جدا من الناحية الاجتماعيه والثقافيه والمادية كمان انا حسيت أنه كويس وارتحتله، ياعنى انا لو مكنتش مرتطبه كنت اكيد وفقت عليه، بس بابا مستغرب ازاى انا ارفض عريس زى ده وعايزنى اوافق، بس انا فعلا رفضته بس هو كل شوية يجى تانى يتقدملى وبابا قاعد يقولى أدى فرصه لنفسك وفى نفس الوقت انا مش هينفع اقولهم عندى فى البيت انى مرتبطه وبحب واحد، انا بجد محتاره ومش عارفه اعمل ايه ياعنى انا لو وافقت على العريس ده هكون كده فى نظر حبيبى إنسانه خاينه وبردو ممكن يكون العريس ده فرصه كويس بالنسب لى وابقى ضيعتها، المشكله فى حبيبى أنه لسه قدامه كتير لانه هو قدى فى السن ومعايا فى 3 جامعه انا بجد مش عارفه اعمل ايه علشان كده بعت المشكله عايزاكى تديلنى ع الطريق الصواب وتقوليلى اعمل ايه؟؟؟

ترك السؤال على حاله كما ورد من السائلة.

 

المستشارة: د.نعمت عوض الله مستشارة نفسية وتربوية وتعمل فى مجال الإرشاد الأسرى والاجتماعى الحر

الإجابة: ندى حبيبتى

فى رسالتك بعض كلمات ممكن قراءة عقلك الباطن من خلالها "بصراحة ماشوفتش منه حاجة وحشة لحد دلوقتى" هذا معناه أن مشاعرك تجاهه مشروطة أى لو ظهر من تصرفاته أى شيء سيئ فربما اختلفت مشاعرك.

"أنا حسيته أنه كويس وارتحت له" معناه أن هذا العريس قد حرك جزء من مشاعرك وهو أهم جزء: الراحة والقبول فإذا قرأنا الجملتين معا أستطيع أن أقول لك إنك لا تحبى زميلك بالمعنى الحقيقى وغالبا رفضك لكل من يتقدم هو تصرف عقلى بحت لا علاقة للقلب فيه: كيف أقبل الخطوبة والمفروض أنى بحب واحد؟؟

ثم حين اضطرك والدك لمقابلة شخص ما وجلست إليه وتحدثت معه استطاع أن يدخل بالراحة إلى قلبك ونفسيتك وشعرت معه بالراحة.. ولكن عقلك صاح فجأة: كيف أرتبط وانا أحب فلان وبالتالى رفضته.

تحتاجين أن تقفى مع نفسك بصراحة ووضوح.. وأن تقفى مع هذا الشخص الذى تقولى أنك تحبينه.. حتى لو أمامه 3 سنوات أو 5.. إعلان الرغبة فى الارتباط أو غير الارتباط ويستطيع لو كان رجلا حقا أن يتحدث إلى والدك ويقنعه بمستقبله الذى ينتظره وبقدرته على توفير حياة كريمة لك بعد سنوات وبالطبع أنت ستقفين فى صفه.

يا ابنتى لا يستطيع أى شخص مهما كان متخصصا أن يتخذ قرارا يخص حياة شخص آخر.. عليك أن تقفى مع نفسك بعد أن شرحت لك أبعاد الصورة وتتخذى قرارك.

وأتنى لك التوفيق

 

راسلونا على هذا البريد:

estasheer@masralarabia.com

 

تابع الاستشارات:

عندى سعار جنسي.. ماذا أفعل؟

الفيلسوف المعذب

العمر يمر أمامى..وأهلى يرفضون زواجى

انطوائى.. وشهوتى للجنس الآخر مشكلة

زوجى شكاك وسادي!

بدون مواعظ.. أريد أن أنحرف ثم أتوب

متحرش بإبنة خالتي.. هل تسامحني؟

بين عنوستى..وزواج أبيع فيه سعادتى

  • تعليقات فيسبوك
  • اعلان