رئيس التحرير: عادل صبري 02:30 صباحاً | الجمعة 14 ديسمبر 2018 م | 05 ربيع الثاني 1440 هـ | الـقـاهـره 22° غائم جزئياً غائم جزئياً

عروسة المولد المطلقة .. عنصرية جديدة ضد المرأة

عروسة المولد المطلقة .. عنصرية جديدة ضد المرأة

المرأة والأسرة

عروسة المولد

عروسة المولد المطلقة .. عنصرية جديدة ضد المرأة

رفيدة الصفتي 08 ديسمبر 2016 14:36

"بكام عروسة المولد دي؟ بـ 350 جنيه طب معندكش واحدة مطلقة بـ 50؟" بوست تداوله نشطاء مواقع التواصل الاجتماعي من أجل المزح والسخرية بسبب ارتفاع الأسعار مقارنة بالعام الماضي، متجاهلين مدى قسوة العبارة وعنصريتها على المرأة المطلقة ومدى حساسيتها من ذلك.

 

المثال الساخر الذي كشف عن الموروث السلبي المجتمع حمل أيضا عنفا لفظيا ضد المرأة، كما تجاهل حقوق المرأة المطلقة، واصفا إياها بأنها سلعة تم استهلاكها، ويجب أن تباع بثمن أقل.

 

وتداول رواد مواقع التواصل الاجتماعي تعليقهم على هذه النكتة الساخرة، حيث علق إبراهيم سلامة: "وإلى الآن لسه ناس بتنزل بوست عروسة المولد المطلقة أم 50 جنية دون مراعاة مشاعر المطلقة وكأنها رخيصة في بلد انقلبت فيه معاير الأخلاق، وهي البلد دي اتنكست من شوية".

 

وبدورها قالت موها غانم: "مش عشان أنت فشلت في إنك تكون حد محترم؛ تقارن المرأة المطلقة بالعروسة الحلاوة، وتشوف سعرها أرخص منها، وتنزل البوست علشان تضحك الناس عليها".

 

المزاح والتهريج

 

"أنا عارفة أن أي واحدة بتكتب البوست بتاع عروسة المولد المطلقة بيكون قصدها المزاح والتهريج مش تقصد التقليل من أختها المطلقة بس حاسبي وانتي بتهرجي وبتضحكي صديقاتك على الصفحة تجرحي واحدة، وتخلي دمعتها تنزل وتخليها تتحسبن فيكي وتدعي ربنا أنه يبتليكي زي ما ابتلاها"، لافتة إلى أن المطلقة "بتكون أكتر إنسانة حساسة وقلبها بيوجعها من أي همسة فما بالك بأنها تشوف منشور بينتقص منها وبيعتبرها رخيصة رفقا بأخواتكم المطلقات"، هكذا قالت سارة سيد.

 

وذكر أحمد مروان: "قمة التخلف والله مجتمع وسخ شوف جرحت كام واحدة ببوست تافه زي ده! المطلقة دي ست زي أي ست ممكن تكون مطلقة والمشكلة من طليقها، وممكن يكون مكنش بينهم تفاهم، وممكن تكون حكمة ربنا أنهم ميكملوش مع بعض أسباب كتير، ارتقوا بقى مش أي بوست قدامك كوبي باست وخلاص".

 

سعر المطلقة!

 

وتساءل أحمد الجيار: "مين اللي زرع جوانا أن المطلقة سعرها أقل من البنت !!مين أصلا اللي زرع جوانا أن الست لها سعر !!الست دي أمك أو أختك أو خالتك أو عمتك أو أي حد بتحبه، مش معني أنها اطلقت أن يسمح لأي مريض نفسي بالاستظراف علي وضعها الاجتماعي".

 

وأضاف: "مش معني أنها طلقت يبقا أنها انسانة وحشة ممكن يكون الراجل ال كان معاها هو إنسان سئ للغاية بيضربها أو بيهنها، أو بيمتنع عن الصرف عليها أو مش بيغير عليها أو مش بيهتم بيها، أو الف حاجة من تصرفات الرجالة الناقصين والعكس مش معني راجل طلق يبقا إنسان وحش".

 

وأشار الجيار إلى أن "كل علاقة لها ظروفها ومشاكلها وأوضاعها، ومحدش إله أو غير قابل للخطآ، وأي حد مش مستريح في علاقة ومش قادر يعيش لازم ينهيها فورا".

 

الطلاق مش عار

 

وعلقت آلاء مصطفى: "بمناسبة موضوع عروسة المولد الغالية والمطلقة الرخيصة، كلمتين بس واقفين في زوري المطلقة دي بنت ٩ شهور، بتقول لا إله الا الله، وربنا مصنفهاش من الكفرة الفجرة"، لافتة إلى أن" المطلقة ف الغالب بتحصل ع اللقب ده نتيجة أن عيل مترباش معرفش يصونها، يحترمها، يخليها عمود بيته، المطلقة ممكن تكون أختك، أمك، بنتك".

 

وأوضحت: "ومتنساش أن أغنى كاتبة ف العالم كاتبة هاري بوتر مطلقة، وزوجة ملك أسبانيا كانت مطلقة، المطربة أنغام مطلقة"، موكدة أن الطلاق "مش وصمة عار في حق الست لأ ده معناه أن في راجل عرة معرفش يصونها أو يحكمها أو يتحملها، وجايز تبقى المصيبة أكبر وطلع مش راجل أصلا وزي صاحبتها. فياريت نحترم نفس أُمنا شوية ونفهم أن المطلقة أشرف بكتير من العرة اللي مقدرش يحافظ عليها وعلى بيته".

 

"قلة أدب"

 

ووصف الدكتور جمال فرويز أستاذ الطب النفسي بجامعة القاهرة المشهد بأنه "قلة أدب" قائلا: "يعبر عن كمية من الإهانة للمرأة بلا أي داعي، واللي أطلق اللفظ لم يراعي الحالة النفسية للمرأة المطلقة".

 

وأضاف الخبير النفسي في تصريح لموقع مصر العربية: "نوع من الاستهتار والرعونة والانحدار الثقافي الموجود في مصر اللي الدولة فرحانة بيه، وبتبني بيوت مش بتبني عقول".

 

وتابع فرويز: "لما ييجي واحد يقولك عروسة المولد بـ 350 جنيه هجيب واحدة مطلقة بـ 50 جنيه.. صورة قميئة للهزار اللي ملوش لازمة".

 

وأضح الاستشاري النفسي أن مثل هذه الإهانة تؤثر على نفسية المرأة اللي بتكون خارجة من تجربة محطمة، وتخليها تخاف من الزواج تاني" لافتا إلى أن "اللي أطلق الدعابة دي مش عامل حساب رد فعل الناس عليها إيه".

  • تعليقات فيسبوك
  • اعلان