رئيس التحرير: عادل صبري 12:20 صباحاً | الجمعة 14 ديسمبر 2018 م | 05 ربيع الثاني 1440 هـ | الـقـاهـره 22° غائم جزئياً غائم جزئياً

فيديو| عزوف الشباب عن الزواج.. تعرف على الأسباب

فيديو| عزوف الشباب عن الزواج.. تعرف على الأسباب

المرأة والأسرة

الخوف من الزواج

فيديو| عزوف الشباب عن الزواج.. تعرف على الأسباب

رفيدة الصفتي 09 أكتوبر 2016 15:28

أكدت الدكتور دعاء راجح الاستشارية الاجتماعية والأسرية أن هناك حالة من الرعب الشديد بين الشباب من موضوع الزواج، ومن موضوع اختيار شريك الحياة، وأن نسبة كبيرة عزفت عن فكرة الزواج تماما.

 

وقالت راجح خلال فيديو لايف على فيسبوك: "الرعب ده وصل لمراحل كبيرة لدرجة أن البنات بدأت ترفض لأسباب بسيطة جدا، والشباب محتار بين فلانة وفلانة ومش عارف يستقر، وبيوصل إن بعض الشباب رفض فكرة الزواج بشكل عام".

 

وأوضحت الاستشارية الاجتماعية أحد الأسباب التي أدت إلى الرعب، قائلة: "وسائل التواصل الاجتماعي اللي فتحت الباب للناس أنها تكتب عن تجاربها الشخصية، وطبعا عمرنا ما بنتكلم عن التجارب الإيجابية علشان نداري على شمعتنا وعلشان الحسد، وبالتالي كل اللي بيتكلم بيتكلم بشكل سلبي".



وأضافت: "وكل ده بيكون نتايجه سلبية على الشباب من الجنسين، وبيترعبوا من موضوع الزواج، وبيعيشوا حالة من التشوش بسبب كتر التجارب السلبية اللي بيقروا عنها أو بيشوفوها في حياتهم العملية".

 

وتابعت راجح: "الزواج فيه سلبيات وإيجابيات، وفيه أوقات حلوة ورائعة وأوقات سيئة جدا، لكن مش معنى كده أنه كله وحش أو حاجة ملهاش لازمة، بالعكس ده الفطرة الإنسانية الطبيعية ومينفعش أننا نرفضها".

 

وأشارت إلى سبب آخر في الخوف من الزواج: "أحد الأسباب اللي الشباب فعلا مش عايز يتجوز عشانها هي التربية.. للأسف الشديد احنا ربيناهم على الاعتمادية إلى ما شاء الله.. بيفضل الإبن معتمد علينا ماديا لغاية 21 سنة وممكن لفترات طويلة لو مش لاقي شغل لغاية 28 وهو شخصية اعتمادية معندهوش القدرة انه يواجه حياة جديدة".


 

ولفتت الاستشارية الأسرية إلى سبب آخر، وهو: "قلة الثقة بنفسهم.. مش قادرين يشيلوا نفسهم علشان يشيلوا أسرة وأولاد.. شباب تايه مش عارفة يعمل إيه.. شباب فكرهم لم ينضج بعد، والموضوع ده ظهر في وسط البنات أيضا.. تقولك أنا في بيت أبويا معززة مكرمة وبيصرفوا عليا".



واستطردت راجح: "من ضمن الحاجات اللي خلت الشباب خايف أوي عبارات؛ متتجوزيش واحد بيعمل كذا، متتجوزش واحدة بتعمل كذا.. مينفعش لازم هيبقى في عيوب.. هيبقى في مشاكل .. هيبقى في طبائع مختلفة.. هيبقى في أخطاء أخلاقية.. أخطاء شرعية.. في عدم تفاهم .. عدم تواصل".

 

وأضافت: "كل ده موجود بس زي أي حاجة جديدة بتخوض فيها بتتعثر في الأول.. أول مرة تسوق عربية مش زي دلوقتي بعد 5 سنين.. أول مرة تدخلي فيها المطبخ مش زي دلوقتي.. أي حاجة جديدة أكيد هنتعثر فيها في الأول ده طبيعي جدا .. المرحلة دي هنتعثر لكن هنقدر نحل مشاكل ونكمل مع بعض بدون صدمات وبدون طلاق".

 

وأشارت راجح إلى: "نسب الطلاق بتعلى جدا لأن الشباب مش عارفين يحلوا مشاكلهم حتى الآباء مش عارفين يحلوا مشاكل الأبناء؛ لأنهم بيحلوها بنفس الطرق اللي كانوا بيحلوا بيها مشاكلهم زمان.. لكن الجيل ده مختلف تماما، والمشكلة مينفعش تقوله عنها استحمل واصبر.. لازم تحل المشكلة الأول".

اقرأ أيضا:

  • تعليقات فيسبوك
  • اعلان