رئيس التحرير: عادل صبري 11:24 مساءً | السبت 20 أكتوبر 2018 م | 09 صفر 1440 هـ | الـقـاهـره 28° صافية صافية

فيديو| كيف تحمي طفلك من التحرش الجنسي؟

فيديو| كيف تحمي طفلك من التحرش الجنسي؟

المرأة والأسرة

تعرف على وسائل حماية طفلك من التحرش الجنسي

فيديو| كيف تحمي طفلك من التحرش الجنسي؟

رفيدة الصفتي 25 مايو 2016 14:25

أكدت الدكتورة منى يسري، الطبيبة النفسية للأطفال والاستشارية الأسرية، أن التحرش الجنسي موضوع خطير جدا، لافتة إلى أن 93 بالمائة من حالات التحرش للأطفال تكون من أقرب الأشخاص المحيطين، مثل الأصحاب، أو المدرسين، أو كابتن في النادي، أو الأخ الكبير.

 

وطالبت الاستشارية الأسرية الآباء، عبر مقطع مصور على قناتها في يوتيوب: "مش بس نخاف من أن الطفل يتخطف أو يحصله حاجة، لازم نفتح عنينا كويس ونجهز الطفل صح للتعامل مع هذا الأمر"، مؤكدة أن المتحرش "مبيروحش للطفل اللي شخصيته قوية".

 

وقدمت يسري ثلاث خطوات لحماية الأطفال من التحرش، ومنها: "أول حاجة أعملها للحماية من التحرش إن أنا أربي ابني صح جدا، وأتعلم أربيه إزاي بحيث ما أثرش في شخصيته وأهدها، فيبقى سهل أن المتحرش يروح يضحك عليه وياخده".

 

وحذرت الآباء من ضرب أبنائهم، قالة: "مثلا لما بضرب ابني.. كده أنا بأذيه، وكذلك المتحرش بيأذيه.. ويقارن الطفل بين أذى الأم والمتحرش ويجدهم سواء، فيصمت عن سلوك المتحرش".

 

وتابعت الطبيبة النفسية موضحة الخطوة الثانية: "أتابع ابني وأعرف يومياته بيروح فين وبيتساب مع مين، والأحسن في السن الصغير لغاية 4 سنين مسيبهوش لحد غير ماماته أو جدته مثلا"، لافتة إلى "أي حد تاني ممكن متضمنهوش، يكون عنده مرض نفسي، يعرض ابنك للحاجة دي".

 

وأشارت إلى الخطوة الثالثة، وهي: "التوقف عن تعرض الطفل لحاجات جنسية ممكن تأثر على الطفل، فميستغربش الحاجات الجنسية بعد كده، ومينفعش ألبس البنت الصغيرة لبس البنت الكبيرة، مينفعش أعلمها حركات الست الكبيرة.. مينفعش أقولها انتي مزة، لأني بفهمها أن هي عبارة عن أداة جنسية بطريقة مباشرة جدا، وبيتبرمج في مخها ان دي فايدتها في الحياة".

 

وأضافت: "حاجات كتير حوالينا.. إني أخلي بنتي تعمل بوز البطة وتمد شفايفها للأمام، وأبوسها من بوقها، وأحط الصورة على الفيسبوك، كل دي حاجات غلط بتخلي النفوس المريضة تطمع أكتر في بنتك".

 

ولفتت الاستشارية الأسرية إلى أن المتحرش عادة بالأطفال "مبيروحش فجأة يغتصب الطفل.. النوع الأكتر بيقعد يحضر الطفل على فترة كبيرة جدا، فلو انتي متصلة بإبنك أو بنتك على طول هتلحقي التحرش قبل ما يحصل".

 

وأوضحت: "هبتدي يحببه فيه أوي.. يجبله هدايا ملهاش سبب.. يعمله اختبار هقولك سر متقولوش لحد.. يزغزغه يبوسه من بقه ويشوفه هيقول ولا لأ، ولو متصلة بإبنك هيحكيلك على طول، وهتمتعي انفراد طفلك مع الشخص ده".

 

وعن ضحايا التحرش، أكدت يسري أن الطفل: "اللي بيتعرض للتحرش.. في أمل كبير إنه يطلع شخص سوي مفيهوش أي مشكلة بس نروح فورا للعلاج".

اقرأ أيضا:

  • تعليقات فيسبوك
  • اعلان