رئيس التحرير: عادل صبري 04:47 مساءً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

فيديو.. محمود سعد لـ الداخلية: كفاية هتخربوا البلد ومش عاوز أتكلم

فيديو.. محمود سعد لـ الداخلية: كفاية هتخربوا البلد ومش عاوز أتكلم

أحمد علاء 30 أبريل 2014 21:30

هاجم محمود سعد، الإعلامي بفضائية "النهار"، وزارة الداخلية بعد القبض على الطالب عبد الله عاصم، صاحب اختراع "نضارة تساعد مرضى الشلل الرباعي على التعامل مع شبكة الإنترنت".

 

وخلال حلقة الليلة من برنامجه "آخر النهار"، قال سعد: "الداخلية قبضت على الطالب يوم الجمعة في ميدان التحرير، وأصلاً مكنشي فيه مظاهرات في ميدان التحرير، وأصلاً الميدان مقفول".

 

وأضاف: "الواد ماشي مع صاحبه تقبض عليه قوات الأمن، يا جماعة مش كده، بلاش تعقدوا الدنيا، والناس بتشغل لمصلحة مين، والناس كده بتسلم السيسي البلد وفيها مشاكل أكتر من اللي فيها، ليه كده يا جدعان".

 

وتابع: "الرئيس كان لازم يهتم بهذه الأمور بدلاً من الاهتمام ببيع القطاع العام لأنه ماشي بعد شهر، يعني كان شاف قضية الولد ده أحسن، وكان بحث في تفاصيل الحكاية، ممكن يكون الولد جاي من أسيوط يتفرج على ميدان التحرير، لأنه مش من العقل إن هيجي من أسيوط مع واحد صاحبه علشان يتظاهروا".

 

واستطرد: "الواد مشهور واسمه المخترع الصغير، يعني إنتوا بتهيجوا علينا العالم وبتطلع حكايات، وكفاية اللي بيحصل ومش قادرين نتكلم فيه ولا نعلق عليه، وعاوز أقولهم توقفوا من أجل السيسي، وبلاش تخرَّبوا في البلد أكتر من كده".

 

شاهد الفيديو..

 

  • تعليقات فيسبوك
  • اعلان